السلام عليكم ورحمة الله وبركاته...
اسعد الله اوقاتكم بكل خير...
اخواني الاكارم..
عندي سيارة ابيكا 2005 يطلع فيها صوت بعد تشغيل المكيف، اي مباشرة اثناء عمل الكمبروسور، صوت واضح مثل الرجة . الصوت ما كان موجود لما كانت السيارة جديدة. الماكينه تغيرت بالكامل بعد ما مشت 18000 عند بالبيد لانه انقطع سير التوقيت (timing belt). الميكانيكي اللي اتعامل معاه حاليا يقول ان هذا الصوت موجود في كل سيارات الابيكا اللي مرت عليه. وكنت عنده قبل اسبوع وكان واحد من الاشخاص عنده ابيكا 2006 قلت انتهز الفرصه واسأل صاحب السياره اذا هو يعانيي من نفس المشكله، شغل المكيف وبالفعل طلع الصوت اللي اسمعه في سيارتي. مع ان سيارتي اول ما كانت جديده ما كان فيها ولا عيب ولا عانيت منها ابدا. والحرارة في الوضع الطبيعي ودائما اسافر فيها والحمدلله بفضله ما عنيت الا من الصوت هذا.الحين وبعد شهر من تغيير الكمبرسور وديتها عند الميكانيكي لان فيها تهريب زيوت من فترة طويله ما اتذكر وانا شاك في المكينة اللي بدلوها، شكلها مضروبه وصلحوها وبعدها دفوها علي ويقولون جديدة. عموما انا اسال اصحاب الخبرة في الابيكا: هل السيارة من النوع اللي تبدأ تطلب في غضون فترة اقل من خمس سنوات؟ وهل معنى هذه المشاكل الحالية اللي تتوالي علي شهر بعد شهر انها بداية عهد جديد تتعرض فيه السيارة لاعطال متتالية؟ والا هذي مجرد اعطال اعتيادية ممكن تحصل لكل السيارات الحديثة؟ و خصوصا الان في ظل ازدياد ارتفاع سعر قطع الغيار نظرا لانخفاض نسبة المبيعات في السيارات. الان كل شهر عن شهر يفرق السعر في قطع الغيار... الكمبرسور حق الابيكا 2005 كان سعره قبل شهرين 1050 ريال بعد الخصم. وعلى حظي بعد ما خرب الكمبرسور رحت اشتريته ب 1500 بعد الخصم من غير سعر القطع الثانية الملحقة ولما سألت الشخص اللي يعمل بالمبيعات قال لي عشان قلة المبيعات رفعنا سعر قطع الغيار. خلال ستة اشهر تقريبا خسرت على سيارتي اكثر من 4500 ريال غيرت فيها : سير التايمنق بلت - صفاية البانزين- وجة بلوف - وجه كارتير - لي الكمبرسور- الكمبرسور بالكامل مع ملحقاته - اسلاك بواجي مع بواجي- 2 كراسي مكينة-واخيرا طرمبة/ مضخة الزيــــــت. مع اني ولا امدح نفسي استخدامي نظيف للسيارة وما استخدمها بشكل سيء. :c0214:
ابغى رايكم يا اصحاب الابيكا الله لا يهينكم.:smilie16:
وش العمل مع ارتفاع سعر قطع الغيار؟
وفقكم الله، والسلام عليكم ورحمة الله وبركاته...:xyxwave:
