A6 ومشكلة البريك المحيرهـ !!

hhh777 @user_115160 · 30-06-2009

السلام عليكم ورحمة الله وبركاته ..

بحمدلله شريت قبل كم شهر أودي A6 ..

السيارة مستعمله وبرا الضمان ..

بعد شهرين من استعمالها طلعت مشكله غريبه ماعرفت لها حل ..

فجاه وانت تسوق .. تطلع علامة الدائرة اللي داخلها (!) وتحتها مكتوب Brakes

بالشاشه اللي وسط العدادات بالطبلون ..

ويصير للسياره زي الريستارت.. تطفي الشاشه والصوت حق الراديو ثانيتين ويرجع .. والسياره ماتمشي تبقى كانها معلقه ولا دعست بنزين تسمع صوت حنه بس ماتمشي !! وبعد ماتصبر ممكن 20 ثانيه تبدا السياره ترجع لوضعها الطبيعي :confused1: ..

في هذي ال 20 ثانيه يطلع مسج ثاني بالشاشه اللي عند الطبلون مكتوب فيها :
EPS and EPC Faults malfunction
check manual

دخلتها الوكاله ساماكو وصلحتها مرتين ..
وكل مره تطلع وكم يوم وترجع السالفه ..!!

طلعتها الخميس الماضي ورجعت المشكله اليوم ..
وان شاء الله ناوي بعد شوي اوديها لهم ..

لكن حبيت استفسر واشوف هل احد صارت له هالمشكله ؟
لان الوكاله شكلهم مب فاهمين .. دامها ماتصلحت مرتين

والمشكله ان العطل هذا ماقدر اوريهم اياه .. يصيرلي مرتين ثلاث باليوم ..

يعني لازم تقعد تفر بالسياره ساعه ساعتين ويمكن يطلع يمكن مايطلع !!

اذا احد يعرف ميكانيكي خبير بالاودي بالخبر ولا الدمام لا هنتو ..

تعبت وانا ادخلها الوكاله وتطول عندهم مع احتياجي للسياره ..

وشكرا

aziz85 @user_148625 · 03-07-2009

صدفة دخلت لموضوعك

اتجه لورشة الناجم مباشرة وهي على خط الدمام الخبر الكباري وانت متجه للدمام تجيك على اليمين

ورشة افضل من الوكالة ولكن سعرهم غالي

hhh777 @user_115160 صاحب الموضوع · 01-07-2009

كل الشكر لجميع الأخوان اللي ردوا .. :)

سامي : المشكله الكثير من الناس خوفوني من برا يقولون أغلب الورش اللي تحط علامة اودي ماعندهم سالفه .. المشكله بحالتي الوكاله بكبرها ماعندها سالفه !! تسلم ع المرور

علاوي الماجد : لو تعطيني مكانه هذا الأخ محمود .. اكون ممتن صراحه .. السيارة بتطلع اليوم من الوكاله وان صارت هالمشكله يمكن اروحله مافيه غيرها !! وشكرا ..

غساان : ههههههههههههه هلا وغلا والله .. عاد انت ادرى بالمشكله :P
بعدين انت اللي حياك بالمنتدى مب انا > مسوي عضو قديم هع

د.غســـ @user_124519 · 01-07-2009

اووووه حمد ... يالله حيه .. من شفت العنوان عرفت انه انت :) <<< شرايك فيني :)

انا مع أخوي علاوي الماجد .. اذا كان بالبحرين وترا ماهي مشوار << أبد !! :)
شفه يمكن يكون زين, ولا الوكالة لاتستغرب انت بالسعوديه !!
وحياك الله في المنتدى << شدخل !!
:)

S K Y @user_27367 · 30-06-2009

وعليكم السلام ورحمة الله وبركاته

ياشين المستعمل وهذا الخوف منه

كان الله بعوونك

رأأي برأي علاوي الماجد

والبحرين قريبة وفرصتك

الله يساعدك ويفك آزمتك

احمد اللهيبي @user_148919 · 30-06-2009

انا اقول متى مايصير العطل صوره بالجوال وشوفه للوكالة

هذا رائيي المتواضع

علاوي الماجد @user_149157 · 30-06-2009

لأسف اخوي لو انت في البحرين انجان انتهت مشكلتك
لكن انت في السعودية لان اعرف واحد خبير جداً بحريني يشتغل في البورش والاودي والفولكس فقط افضل من الوكالة لان كان يشتغل في الوكالة والله العظيم ساعات الوكالة تستدعية لأمور تعجيزية في الوكالة وهو يحلها اسمة (محمود)
تحياتي

Sammy Mirza @user_68791 · 30-06-2009

والله اخوي للاسف ما اعرف ورش بالشرقية لاني من الناس الا ما يعترف الا بالوكالة بس سبقا رايت ورشة مختصة بالالماني و هو حاط علامة اودي و فولكسواجن و مرسيدس و بي ام على اللوحة بس للاسف ما اذكر فين بالدمام اسالك الشباب و اديك خبر

ZAID ZAID @user_51168 · 30-06-2009

للاسف اخوى مدرى لكن ان شاء الله الشباب بيفيدونك

والله يعينك