السلام عليكم ورحمة الله وبركاته
حياكم الله اخواني جميعا
مشكلتي اللي اعاني منها هي مع سيارتي ابيكا 2005. فيها صوت مزعجني يطلع لي بالمكينة بعد ما اشغل المكيف بالضبط. الصوت اسمعه قريب من الكمبرسور. سبق اني غيرت الكمبرسور قبل شهر تقريبا جديد ومازال الصوت موجود. ويكون الصوت واضح جدا جدا جدا اذا عشقت السيارة على الـــ(R). السيارة شاريها من الجميح وكاله - جير اوتوكاتيك. رحت عند ورشتين ما عرفوا لها وكل واحد منهم يغير كرسي للمكينه ولكن مع ذلك كله مافاد شي. الماكينه تغيرت بالكامل بعد ما مشت 18000 عند بالبيد لانه انقطع سير التوقيت (timing belt) . الميكانيكي اللي اتعامل معاه حاليا يقول ان هذا الصوت موجود في كل سيارات الابيكا اللي مرت عليه. وكنت عنده قبل اسبوع وكان واحد من الاشخاص عنده ابيكا 2006 قلت انتهز الفرصه واسأل صاحب السياره اذا هو يعانيي من نفس المشكله، شغل المكيف وبالفعل طلع الصوت اللي اسمعه في سيارتي. مع ان سيارتي اول ما كانت جديده ما كان فيها ولا عيب ولا عانيت منها ابدا. والحرارة في الوضع الطبيعي ودائما اسافر فيها والحمدلله بفضله ما عنيت الا من الصوت هذا.
اللي عنده خبره او قد واجهته نفس المشكله تكفووون لا تبخلون علينا الله يجزيكم الجنه ويرحم والدينا ووالديكم.
دمتم في رعاية الله وحفظه...
