تاهو و يوكن 2009 الفروقات و المواصفات و الاسعار

يا شباب
انا كنت بالتوكيلات قبل امس
وسألت عن التاهو لأن ناوي ع واحد ان شاء الله
بس تفاجأت بالاسعار
LT من دون دبل بـــ 130.400 ريال
واللي بدبل بــــ 140.400 ريال
تفرق حوالي 12 الف عن 2010
مع العلم ان مافي اي تغيير
اذا احد يخبر لي تاهو 2010 جديد LT دبل
يعطيني خبر
لأن يفرق معاي بالسعر
واللي اوفره من المبلغ ابي اركب فيه جنوط 20 وشاشه ووو

وسلامتكم

شباب الي نوي يشتري موتر لا يشتريه وكاله بس يطلبو من جنرال متورز افضلو بكثير ضمان الاسعار ارخص بكثير :smilie16:

الفتحة قد شفت في العيسى تاهو ال تي حساسات جنوط 17 + فتحة سقف

شفته في رمضان بـ129 الف بدون دبل

والله قهر
0
0
0
0
0
0
0

هل السعر مناسب للتاهو Z71 2009
فتحة سقف
مقاعد جلد اسود مفصولة
مكيف اكتروني كامل
شاشة نفيقيشن
شاشة دي في دي
كمرة خلفية
ريموت مع التشغيل
السعر شامل اللوحة والتامين 155 الف ريال

يعطيك الف الف عافيه معلومات حلوة ودقيقه
ومفيدة جدا للي ناوي يشتري خصوصا ان الوكالات تتلاعب بالاسعار والمواصفات..

طيب الفتحة السقف مايجي الا بالفل كامل ،، والله قهر

ارجو الفائده (متعوب عالكلمه السلقاطيه) :c0038:

اسمها ارجو الإفاده :smilie16:

المهم اخوي بالنسبه للجنط اجل شكلهم هونوا انا يوم جيت اطلع موتري قالوا اللي تبي تدفع زوح 5000 ريال ونعطيك الا اذا كان نظامهم مع اليوكن غير التاهو .. بس اللي انا متأكد منه ان فيه واحد من العيال معاه LT جنط 20 من الوكاله يعني مو هو اللي مركبه ...

وعفوا بالنسبه للسعر اللي ذكرته للجنط هو 4800 لليوكن بس التاهو 3800 والدينالي 5800 واسف جدا على هالغلط ويمكن مخفضينها الحين مدري عنهم لاني ما سألتهم قريب سألتهم اول ما طلعت موتري قلت يمكن رخيصه اركبها والا بغيت بعدين رجعت الجنط لقيتها ضربه

بالنسبه للمستعمل اول شي خليجي حسيت انك تتكلم عن لاند مو تاهو والشي الثاني كم ماشي وكم موديله

انا دايم اخاف من الموتر اللي مو ماشي واجد يعني اقل من 10000 افضل اشتري موتر مستعمل ماشي 40000 ولا اشتريه ماشي 4000 لان لو فيه خير ما رماه الطير

بس نصيحه اذا كنت ناويه وانت وصلت 120000 خذه وكاله بفرق 3 او 4 الاف

ونصيحه لوجه الله لا تاخذ من الجميح حتى لو عطاك خصم اكثر من العيسى لان خدمات ما بعد البيع في العيسى افضل بمرااااااحل من الجميح يكفي انتشاره لو ترفع حصاة لقيت مركز صيانه للعيسى مركز كااامل مو مثل الجميح اي سي دلكو


عسى الله يكتب لك الخير وترا حلاة الموتر وانت فاكه تكون اول من استخدمه وعارف اللي فيه لان المستعمل كل ما طلع فيه اي خراب او صوت بتخاف توديه الوكاله يقولك جاه شي ولا من هالكلام ولا تقول فحص يا نكبتنا هالكلمه بمواتر تخوبرنا فيها

خلك على الوكاله دام الفرق مب واجد ...



تحياتي ...

انا باخذ 2009 تاهو لاكن متردد
عشان المشكلة الي في السيارة الي اعلنت عنها جنرال موترز

بصراحة معلومات خطيرة .. أفدتني كثير بصراحة ..

واليوم أنا مار من المعارض ولفت نظري ( .... ) هالموتر ...

بصراحة لو معي كاش ما ترددت وشريته ..

ماشاء الله عليك عندك خلفيه بالجموس

وافدتنا كثير بمعلوماتك القيمه

ينقل الى الدفع الرباعي

بسم الله الرحمن الرحيم ...

حبيبي الموضوع يطوووول مره لكن انت اخصرت مواصفات اليوكن وفصل في مواصفات التاهو هذا يدل على انك تميييييل للتاهو اكثر من اليوكن <--- مسوي قافط :D

المهم
انت تقول
-- LSE --

يبدا من 123 تقريبا
تحكم بالتكييف الكتروني
مراتب متصله
بدون دبل
جنطه العادي الصغير

انا اقول اصلا اليوكن SLE منه نوعين الاول ديلوكس والثاني سوبر ديلوكس ( هايلوكس مو يوكن ) المهم الفرق بينهم في المرتبه المنفصله والايرباقات الديلوكس الارباقات للسائق والراكب بس اما الثاني فيه ايراقات خلفيه ...

الشي الثاني اليوكن بكل انواعه من الدينالي لين اسوح واحد عند جي ام مكيفه الكتروني وشاشه للمكيف وتحكم دركسيون وحساسات وتشغيل من بعد

الشي الجنط الـ20 هو جنط اختياري بزيادة 5000 ريال حتى على اسوح السوح بس ما انصحك فيه لعدة اسباب ..
السبب الاول انا ما اخذته عشان كذا مابي احد ياخذه خخخخخخخخ

لا والله جد شوف
السبب الاول قلت كفرات الجنط في الخطوط السريعه لو احتجته لاسمح الله يعني وانت ماسك خط اقنعني منهو اللبنشري اللي في خط عنده كفر لجنط 20 ؟؟

السبب الثاني اسعارها الخياليه عند تغير الكفرات يعني كفر الجنط العادي بـ500 ريال اما العشير بـ1250 ريال
السبب الثالث الراحه الجنط الصغير اريح بكثيييير من الجنط الكبير

السبب الرابع مشاكل الطرق يعني رصيف حفره اي شي في الجنط الصغير تكون نعلة الكفر كبيره فكل الحكوك راح تجي في الكفر بس الجنط الكبير كل الحكوك في الجنط وقيمة الجنط في الوكاله 4800 بدون كفر

ثانيا

يفرق عن LS بالتخشيبه الداخلية و الحساسات الخلفيه بالاضافه الى امكانية التشغيل عن طريق الريموت عن بعد (فرق مو ذاك الزود بس البعض يقول 4 الاف تستاهل)

الحساسات جايه بنظام بطل هو الصوت والاناراه مع الاقتراب

بالنسبه للتشغيل بالريموووت هي افضل حركة سوتها GM في حياتها كلها حلاتها تقوم من النوم وتشغل الموتر من غرفتك وتستعد وتلبس وتفطر وتنزل تلقاة حامي مع العلم ان النظام اللي فيه لما يحمى الموتر يطفي اوتوماتيك يعني لو نسيته ولا راحت عليك نومه يطفي الموتر وبعدين لما تشغله بالريموت يقوم الموتر يقيس الحراره الداخليه ويقارنها بالحرارة الخارجيه عشان يعرف شغل لك المكيف على الحار ولا البارد وقوة دفع الهوا او ما يشفله اصلا يعني في الصيف تنزل تلقى موترك حامي من برا ومقرمش عفوا وبارد من جوا


الله يكتب لك اللي فيه الخير ويبارك لك فيه



مخربها ..