السلام عليكم ورحمة الله وبركاته
صبحكم الله بالخير
ياخوان عندي جمس موديل 96 شلت المروحه الميكانيكيه وركبت مراوح كهرب ثنتين على الرديتر من جهة المكينه وحده برضه على الرديتر لكن من قدام
ولله الحمد الموتر عزم وخفه وتشغيل مازين منها
لكن صارت فيه مشكله لما طلعت من الكهربائي لا حظت إمبير البطاريه يضعف ياصل الى الخط الأحمر ثم يضعف النور والمكيف وتولع اللمبه 5 دقايق ثم يرجع على الطبيعي وهكذا الى أن إنتهت البطاريه
رجعت على الكهربائي فحص الدينمو قال سليم فحص البطاريه صارت ماتقبل الكهرب حتى مع الشحن
ركبت جديده ولكن أشوف الأنمبير ماهو طبيعي على طول على الربع .
ماهو العد الصحيح للعداد البطاريه مع المكيف أو بدون ؟
وهل يتحمل دينمو الجمس ثلاث مراوح أحياناً تشتغل مع بعض ؟
والسموحه على الأطاله
