معي حول الـ 50 ألف ريال وابي جيب !!!

كابريس LS طبعا ً V6 .. :smile:

تلقى ليش ماتلقى روح للمعارض واسأل :smile:

و الله يا أخي الجديد ما مثله و خل عنك المستعمل ( وجهة نظر و تجربة من الحياة )
الجديد بإذن الله 5 سنوات أو كثر ما تحط فيه غير أشياء استهلاكية .. و ترتاح من الورش و غثاها
إذا كنت ما تحتاج جيب و لا أنت راعي بر ..
فالـ 50 ألف تجيب لك النترا فل أو زودها شوي و خذ سوناتا أو اوبتيما
و إذا قفلت معك ما تبي غير جيب ممكن تشوف التوسان أو السبورتاج ..
في حدود ال60 ألف طبعاً و كااااالة

طبعاً الخيارات اللي طرحتها كلها كورية لأنك صعب تلاقي جيب ياباني أو أمريكي بالسعر هذا أو حتى حوله إلا إن كان مستعمل و مضى عليه سنين ..

لا تنس الاستخارة وفقنا الله و إياك لكل خير ,,

القا كابرس 2007 بحول الخمسين !!!!!؟؟؟؟؟؟؟؟

والباثفندر 2005 كم القاه فل كامل نظيف

أخوي أنصحك بالباثفندر 2003 - 2004 موتر مايحتاج بر -بلد - كرف
والله يكتب لك اللي فيه الخير

انصحك فهذا المبلغ تاخذ سيدان افضل لك :smile:

بهالمبلغ يجيب لك كابريس 2007 واذا مالك هوى فالـ سيدان خذ أكسبلورير 2006 او أكسبديشن 2004 نظيف


شوف هذه المواضيع

فورد (اكسبيدشن) 2003 ايدي باور للبيع او التنازل

فورد اكسبلورر 2006 ايدي باور- دبل 4×4 فتحة

بليزر 2003 للبيع

تحياتي لك واتمنى لك التوفيق

اول شئ مشكورين شباب

وبالنسبة للي يقولي يوكن
انا احب السيارة الصغيرة ما ابي طبله ما ادري وين اوديه
يعني كبر الباثفندر والايدج من فورد << والله ياهو داخل مزاجي ماتدرون بكم القاه
وبالنسبة لطلعاتي للبر مهيب واجده

لكن احب تكون معي سيارة ادخل به بأي مكان

ولا وشرايكم

أشتر فورويل عسب يوم تبغا تتمشى ما يمنعك شي وأنصحك في باثفندر أو أختها أنفنتي ألي تشبها

طبعا وارد أمريكا

سعرها تقريبا 35 ألف ألي 40 على حسب نضافة

انصحك اخوي بال اليوكن 2003 اوباثفايندر 2003 كلها رايقه
والله يكتب لك اللي فيه الخير
تحياتي

اتوقع الباثفندر ، هو الحل الأنسب

موفق

وعليكم السلام ورحمة الله وبركاته

انصحك بدينالي 2009 اووووه بس تحتاج زياده 150 مو150ريال ,ألف والله مشكله وش السوات

شف اخوي ترا اللي يدفع مبلغ كبير بسياره وياخذ دين ومدري ايش هذا غلطان السياره وسيله وليست غايه اعرف ناس دفعو200 لف بسيارات وبعد4 سنوات نزلت قيمتها النصف, وإلا تنسرق وتقعد تصفّق بكفوفك وكل ماشفت لك سياره مثل سيارتك اللي انسرقت اعطيت وراها ,, أسأل مجرب حسبي الله على الحراميه,,
مبلغك هذا طيب بيجيب لك ان شاء الله سياره محترمه وحسب استخدامك قرر اللي يصلح لك إذا انك راعي بر شوف لك دفع رباعي ,وإذا انك ماتطلع إلا نادر الفورد ممتاز ممكن الـ 50 ألف تجيب لك2004 ,,,,
,,,مبروك مقدماً ونتمنى لك ولجميع الأخوان التوفيق...