الخميس 23 أبريل 2026
عاجل

للبيع مسجل سوني إم بي ثري , سي دي كاسيت فيديو ,,,مستعمل ومع الضمان

إعلانات بيع وشراء الإكسسوارات وقطع غيار السيارات مغلق
17 رد 6,157 مشاهدة 9 مشارك الأقدم أولاً
ه
هاجوووس @user_89601 · 21-05-2009
السلام عليكم ورحمة الله وبركاته ,,


شباب انا عندي مسجل سوني استخدام 3 شهور و19 يوم فقط:wink:


مواصفات :

يشغل ام بي ثري
سي دي + كاسيت
يشغل فيديو بشرط تركب شاشه,,
لون الأزرار زينون ازرق + أخضر ,,,تبي كذا تبي كذا
شاشه لون ابيض,,

المسجل فيه مواصفات حلوه وكثيره وصفاء الراديو عالي اضافه الى انك تقدر تشبك فيه ذاك الجهاز اللي مدري وشسمه تحط فيه ملفات صوتيه وتوصله بسلك ,

وتقدر تشبك فيه جهاز الام بي ثري الصغير (ابو 50 ريال) وتوصله معه بسلك وتشغله على الفلاش ميموري



المسجل في وسطه شريط قرآن اللي يبي يشتريه اعطيهياه هديه :bigggrin:

وفيه شريط عزازي سيدي بس بآخذه ههههههههههه ................
لازم اشبك المسجل عشان اطلعه


وللآمانه وربي يشهد علي اني ركبت المسجل في ليله رمضان الماضي واستخدمته حتى تاريخ 19\12 \1429 هـ والمسجل اشبه بالجديييييييييييد وانا استخدامي له قليل , وبعدها فكيته وحطيته عندي بالبيت...


سبب البيع :


آآه نجي لسبب البيع هههههه

انه وفي تاريخ 19\12 سويت حادث متوسط وسياراتي فورد وكنت مركب المسجل عليه
جلست بعد الحادث فتره طوييله (5 شهور) ,لين شريت سياره لكن للآسف المسجل ما يركب :a1120(82):
ولا ما كان عندي نيه ابيعه :c0038: ,,,,

المهم اللي بيشتري يكتب سومته واالي تخارجني سومته ارسلت له رقم جوالي ولا هو يرسل المهم اي واحد يرقم الثاني ههههههههه,,,,

او يرسل سومته على ايميلي [email]Hero1_1forever@hotmail.com[/email]

ايه نسيت اقول شي , المسجل ضمانه موجود وهو ساري لين ليلة رمضان الجاي ضمان شركة الفيصليه ,

وبالنسبه لي انا اعطيه ضمان اسبوع اذا قدر الله وطلع المسجل فيه مشكله بالاساس ارد له فلوسه

ولون المسجل من برا رصاصي ,,,

وهذه صور لأخوه ....وصوره ابحاول انزلها في اقرب وقت..







مع السلامه
M
M O A Y A D @user_15565 · 25-05-2009
ه
هاجوووس
888

فديت عيونكـ هههههه




على العموم انا بعت المسجل بـ 460 ريال والله يبارك للي شراه ويعطيه خيره ويكفيه شره , تقابلت انا وياه وسلمته يدن بيد

بس نسيت أخذ منه الشريط ههههههههه......



وعليه يغلق
ه
هاجوووس @user_89601 صاحب الموضوع · 25-05-2009
888

فديت عيونكـ هههههه




على العموم انا بعت المسجل بـ 460 ريال والله يبارك للي شراه ويعطيه خيره ويكفيه شره , تقابلت انا وياه وسلمته يدن بيد

بس نسيت أخذ منه الشريط ههههههههه......
ك
كرسيدا93 @user_161483 · 25-05-2009
اخوي انا ابغي اشتريه منك بي 450 هل تقدر ترسله لي مدينه الطائف
c
c5 @user_6192 · 24-05-2009
يالغالي انا بالرياض بس لو بتبيعه بسر اقل من من 460 راح اكون شراي إنشاء الله
يعني لو ماتوفقت مع اللي سامه..

تحياتي
ه
هاجوووس @user_89601 صاحب الموضوع · 24-05-2009
ا
ادلع الروح
هلا اخوي بشر انباع ولا لا
وين مكانك اذا ما انباع
لاني شراي
مشكور

هلا والله

معليش كنت حاط لك رد بس ما ادري وين طار الله يطير عيون العدو:bigggrin: ...



المسجل للحين ما بعته ....

والمسجل انسام على موقع ثاني بـ 460 ريال وربي يشهد علي , وانا ما وديته لحقين المسجلات ولا عرضته عليهم .....

واللي يفرق السومه ببيع له , واللي بيشتري بذا السومه يرسل لي , عشان اذا هج اللي سامه ابيعه لغيره ....

بعد اذن الاداره http://www.haraj.com.sa/1116656/للبيع_مسجل_سوني_سيدي_كاسيت_ام_بي_ثري_مستعمل_مع_الضمان_/


وانا ساكن بحي النخيل بالرياض .......



مع العلم اني شاريه جديد بـ 650 ريال
ك
كرسيدا93 @user_161483 · 24-05-2009
اخوي المسجل انباع والي لسع
ه
هاجوووس @user_89601 صاحب الموضوع · 23-05-2009
888

بصراحه ما فهمت الكلمتين ذي هههههههه



بس اللي تبادر الى ذهني انك تقصد يشغل فيديو سي دي ,,,

اذا ككذا صح يشغل فيديو سي دي ,,

دي في دي ما ادري عنه
c
c5 @user_6192 · 23-05-2009
يشغل VCD فقط صح؟
ا
ادلع الروح @user_89920 · 23-05-2009
هلا اخوي بشر انباع ولا لا
وين مكانك اذا ما انباع
لاني شراي
مشكور
ه
هاجوووس @user_89601 صاحب الموضوع · 23-05-2009
88888


هههههههههههههههه يا خي كل واحد يفكر بطريقه



انا كل قصدي ما ابي يجي علي ذنب , اعطيه شريط القرآن اكسب فيه اجر

وشريط عزازي اصلا بأكسره لانه موجود عندي على الكمبيوتر وسيارتي الجديده ما فيها سي دي ,,
d
dar4arab @user_33607 · 23-05-2009
المسجل في وسطه شريط قرآن اللي يبي يشتريه اعطيهياه هديه :bigggrin:

وفيه شريط عزازي سيدي بس بآخذه ههههههههههه ................


هالحين شريط القران ماتبيه وشريط عزازي تبيه !

استغفر الله بس خخخخخخ

موفق اخوي بالبيعه ولا تزعل علينا
ه
هاجوووس @user_89601 صاحب الموضوع · 22-05-2009
سومه طيبه من وجه طيب يابو مزيد , نتظر باقي السومات
أ
أبومزيد @user_108796 · 22-05-2009
السلام عليكم . . .

أفتح السومه بـ 300 ريال

أن حبيت تبيع راسلني على الخاص ..

وموفق خير بأذن الله ..
ه
هاجوووس @user_89601 صاحب الموضوع · 22-05-2009
888

اكيد ...


انا كنت مركبه على سيارتي ايام الزمن الجميل ماركيز 98 ......ونفس الطبلون ونفس كلش

بس يبي لك واحد يعرف يركبه وتركيبه سهل جدا وانا اللي مركبه بنفسي


بس لازم يقص بلاستيكه صغييره فقط ومكانها على طرف المسجل السفلي عشان تثبت مسجل الوكاله وانت تعرف مسجل الفورد مش مربط بمسامير ولا شي مدخلينه في الطبلون ولو تسحبه بيدك بقوة شوي (بس انتبه ) يطلع معك ....
ر
رجل العلم @user_135833 · 22-05-2009
أخوي هذا المسجل يلي تبي تبيعه هل يركب على كروان فكتوريا موديل 2002
m
maz..n @user_38926 · 21-05-2009
^
^

هههههههههههههههه

والله حتى انا عندي نفس المسجل وودي ابيعه لأني باشتري سياره ثانيه ..

استخدمته من شهر رمضان 1429 هـ .. الى الان شهر 5 .. 1430 هـ .. يعني حول سته شهور ..

المهم اذا بعت قولي ولك الدلاله 20 ريال خخخخخ ..


بالتوفيق يارب .. الله يرزقك ..
ه
هاجوووس @user_89601 صاحب الموضوع · 21-05-2009
يالله يا شباب , وين اللي يبون الزين وين اللي يدورون النظيف << متحمس هههههههههه