مستشارك الخاص في الـتأمين :: أطلب اى خدمة او معلومة وحاضرين :: ضمير

اخوي يريت لو سمحت تعطينا ثغرات نظام التأمين ضد الغير الي هو ع الاستمارة يعني اش يغطي واش ما يغطي
ولو كنت مأمن متى تروح سيارتك تالف وكم يرجع لك مبلغ من قيمتها وعلى اي اساس ترجع تالف وكم النسبة المحددة لتلف السيارة وهل تاخذ المبلغ كامل وهل انت مخير وهل تاخذ سيارتك مع قيمة الاصلاح او قيمتها كوم حديد وانت ابخص بهالعلوم
يعني بأختصار مشاكل التامين والحاجات الي يغطيها وما يغطيها
وكيف تحدد نسبة التامين لو كانت سيارتين متصادمة ونبة الخطاء 50% على الطرفين
وكلهم مأمنين
والله يزوجك

^^^

ما شا الله عليك كفيت ووفيت :D


بس شكلك معاناة مع البلوت دايم :




ههههههههههههههههههههههههه

يعطيك الف عافيه .. ولي عوده مع كم تساؤل ..

فمان الله ..

هلا باخوى الصغير ولى العهد

تقدر تشتري سيارة لكن لازم يكون عندك رخصة
وبالنسبة للتأمين يعطوك عادى لكن يضيفوا
شرط اسمه " فوق 21 سنة " وياخذوا مبلغ اضافى

المعلومات الشاملة بالنسة للاسعار والشركات في الرد اعلاه على الاخ ابو يحي واذا احتجت مساعدة اخرى اخوك ضمير في الخدمة 24/24

الله يخلي لك الوالد و بالتوفيق ان شاء بالدراسة وانتبه للمعدل

سؤال من أبو يحيى والرد بالازرق >>>>>> تنظيم :)

و عليكم السلام و رحمة الله و بركاته ..

أولا : أحب أن أشكرك يا أخي الكريم على طرح هذا الموضوع الهام لكي تفيد أعضاء و زوار المنتدى .. جعل الله ذلك في ميزان حسناتك..

الشكر لله يا ابو يحي ونتمنى ان يستفيد الجميع وربنا يكتب لك الاجر على الدعوة الطيبة


ثانيا : انا أمنت عند المتحدة للتأمين التعاوني uca بمبلغ 350 ريال و أبي اسألك يا خوي عن هالشركة هل هي معروفة و مشهورة بتعاملها الطيب و لأ ؟

المتحدة ضمن الشركات المرخصة ( انظر الرابط في الرد السابق اعلاه) يعنى لايهمك
لاتنس ابقاء صورة من الوثيقة في السيارة ويارب ماتحتاجها ابداً.

ثالتاً : ما هي أفضل شركة و أرخص شركة للتأمين الإلزامي على السيارات ..

التأمين الالزامى المقصود به التامين على الاستمارة ضد الاضرار والخسائر التى تنتج من الحادث [COLOR=red]باستثناء اضرار سياراتك . [/COLOR]السعر 375 ريال كحد أقصى و تقدر تلقى اسعار اقل وهى الان تقريبا 350 ريال

جميع الشركات المرخصة ملزمة بهذا التامين من مؤسسة النقد ، اما الشامل فـتـنتـقى الشركات عملائها وبالعادة مايحبوا الافراد ...

بما ان السيرة انفتحت خلينا نتكلم عن التأمين [COLOR=red]الشامل لانه مثل الحكم في البلوت له تفاصيل وترتيب مختلف :wink: [/COLOR]

الاسعار في التأمين تعتمد على عوامل متعددة والاهم هو نوع العميل(فرد او شركة)

[COLOR=blue]لنأخذ الافراد العاديين ونفصل قليلا : >>>>>>>> تمسكوا بدات السواليف :bigggrin: [/COLOR]

الفرد بالعادة يجي يا أبو يحي ولايهون الربع
بسيارة واحدة يتراوح سعرها من 40,000 الى 150,000 ريال

ولو صار عليه حادث لا سمح الله ممكن تطلع المطالبة على شركة التأمين بكامل المبلغ بالاضافة الى مصاريف ادارية اخرى منها المتابعة والاتصال وسعر تقرير الحادث (200ريال) بالاضافة الى الوقت ،،

وعليه الافراد ليسوا محببين ولا مستهدفين من شركات التأمين
[COLOR=red]الا اذا كانوا جماعة مثل زملاء عمل مجتمعين او صندوق العائلة اللى صار افضل زبون :bigggrin: [/COLOR]هنا يحصلوا سعر كويس و خدمة افضل لانه يكون مسئول عنهم موظف مخصص لهم بدل اضغط على 9 لخدمات العملاء واذا ضغطت يحولك على اذاعة الرياض :a120(115):


تكلم بالارقام والاسماء لو سمحت حتى نفهم تراك تقرقر واجد :smilie16:


التعاونية مثلا تعطي الفرد تأمين شامل بنسبة 4 % من قيمة السيارة يعنى لو سيارتك ب 100 الف يكون قسطك التأمينى 4 الاف ريال للسنة تدفع كاش .

بينما الشركات الاخرى تعطي اسعار أقل ولكن الناس يخافوا منها بسبب التاخير في السداد وهذا صحيح [COLOR=red]لكن هذاك أول الان مؤسسة النقد وراهم وراهم واللى يتاخر فوق اسبوعين ياااااويله ويكفيك الضمانات البنكية الموجودة على كل شركة مو زي زمان شركة التأمين شقة مفروشة ورقصنى ياجدع في الدفع[/COLOR]

رابعا : شكراً لك .. و أعتذر عن كثرة الأسئلة ..

العفو يا ابو يحي
وانا اللى اعتذر عن طول الاجوبة بس نطمع ان الفكرة توصل لتفيد غيرك بها

البلوت الحين صار له مواقع على النت وينفع للغشم اللى دائم ينقط الورق بوجيههم <<<< معاناة:bigggrin:

شكلك منتج افلام ،،، أجل حقوق الفيلم لك
وخلنا نشتهر كودنا نخلص من ذا الوظيفة
وهالمدير البثر بالله قد شفت مدير يلبس
ثوب ازرق بالصيف :rolleyes1:

مرورك اسعدنى وبقائك متواصلا ً يسعدنى أكثر

الحمد على السلامة ،،،

قصتى الحين تضحك ومن الذكريات الحلوة لكن الله لايوريك
ذاك اليوم حسيت نفسي مجرم يوم يقول يالله ياولد اركب
الدورية بنوديك التوقيف ههههههههههههههههههه

حياك انت واسئلتك بس تكفى لاتصعبها :bigggrin:

اخوي ابي اشتري سيارة قيمتها 123000الف نوعها تاهو 2009 اصفار كم تأمينها شامل وماهي افضل شركة تأمين للحالة هذي

بصراحة كلامك يدل على وعي كبير احييك عليه :xyxthumbs: واتمنى انك تتابع هذا الموضوع وتشاركنا

السعر المتداول لتأمين الاستمارة ضد الغير هو 375 ريال في شركات التأمين

ولكن لو لقيت لك [COLOR=green]مسوق تامين اكيد انك بتاخذه بسعر 350 ريال [/COLOR]
(يعنى المسوق يعمل لدى وسيط تامين وليس لدى شركة تامين )

المهم هو ان تكون الشركة مرخصة من مؤسسة النقد العربي السعودي
عز الله فهمنا يااخوى وش معنى مرخصة :c0214:
يعنـــــى اسمها موجود في قائمة الشركات المرخصة الموجودة على هالرابط
http://sama.gov.sa/Insurance/InssuranceLib/4600_R_InsuaCom_Ar_1430_04_1_V3.15.pdf

الفرق صحيح انه مو كثير لكن لو فكرت تعمل تأمين شامل بيكون فيه فرق واضح يعنى لازم تشوف 3 شركات

شكرا يالغالي على كلامك الطيب وان شاء الله نكون عند حسن الظن ونخدم جميع الاخوان

السلام عليكمـ

ياهلا والله ومسهلا بأخونا ضمير
بصراحة جيت في الوقت المناااسب
بارك الله فيك ...

عندي سؤال :
أنا طالب بالكلية وعمري بالهجري 20 سنة وبالميلادي 19 سنة
وناوي الوالد بعد شهر أو شهر ونص يشتري لي سيارة
ولكن من كلامكم فووق تقولون التأمين للاشخاص اللي اعمارهم فوق 21 !!!

* طيب وش السواة ؟؟
* وهل في تأمين للي اقل من 21 ؟؟
* ولاهنت اخوي ابيك تعطيني معلومة شامله كامله من جميع الجوانب ..؟؟


عسى ماطولت عليك
والله لايهينك ياغالي

تحيـاتـ ـي وبـنتظــار ردكـ ـ ,,,

و عليكم السلام و رحمة الله و بركاته ..

أولا : أحب أن أشكرك يا أخي الكريم على طرح هذا الموضوع الهام لكي تفيد أعضاء و زوار المنتدى .. جعل الله ذلك في ميزان حسناتك..

ثانيا : انا أمنت عند المتحدة للتأمين التعاوني uca بمبلغ 350 ريال و أبي اسألك يا خوي عن هالشركة هل هي معروفة و مشهورة بتعاملها الطيب و لأ ؟

ثالتاً : ما هي أفضل شركة و أرخص شركة للتأمين الإلزامي على السيارات ..

رابعا : شكراً لك .. و أعتذر عن كثرة الأسئلة ..

الحمد لله اخيراً طلع للبلوت فايده وانا كل هالسنين اسمع البلوت مامنه خير مامنه خير

اخوي ضمير انا اعتبر قصتك تصلح فلم ذو حبكه دراميه تعبر عن السهل الممتنع


وما اقول الا الله يجزاك خير ويكثر من امثالك يا اخوي ضمير

تقبل مروري وبمان الكريم

مااشاء الله عليكـ اخوي ضميير !
قصتكـ رهيبه بعد :bigggrin:
وان شاء الله اعود محمل بالأسئله ,, لأني لو راعي الكامري ماتناازل ,, كان قد صكيته بلووت في مرور الشمااال :smilie16:
الله يعاافيكـ

انا امنت عند التعاونيه ..


لان الصراحه ما ودي اصدم واحد وابهذله معي .. خله ياخذ حقه والله يستر عليه ..

طيب ممكن تذكر شركات التامين الارخص من هالسعر ..

كل شركه وسعرها وموقعها لا هنت !!

موضوع جميل واشكرك عزيزي على عرض خدماتك لمساعدة اخوانك الاعضاء.

تقبل أطيب وأجمل تحية

سؤال حلو :xyxthumbs:


يتم ذلك بواسطة رقم الشاصية و يجب ان تتصل على شركة التأمين بعد الحصول على الاستمارة

الجديدة حاجة اسمها [COLOR=red]" ملحق تعديل اللوحة " ويفضل يكون عندك برنت قبل وبعد التغيير زي عمليات[/COLOR]

التجميل :bigggrin:



ملاحظة : عمرك حسب ملفك 19 سنة انتبه لنفسك لو هذا صحيح لازم تأمينك يكون فيه هذه الخاصية >>>> شف دقة موظفي التأمين ( ماشاء الله ) ويحطون لك لون وردي يعنى خدمات عملاء وكلام ذرب بس يصيدووووووووووووك ويرفضوا مطالبتك ههههههههههههههههههههههههههههه

سؤال :

الحين نزل نظام جديد كنسل فيه التامين على الرخصه .. وخلى التامين على الاستماره ..

ضمير : هذا كلام صحيح

اللي فهمته منهم ان السياره تكون مأمنه .. بحيث اي واحد على وجه الارض يسوقها ويسوي فيها حادث التأمين يشمله ..

ضمير : صحيح السيارة هي المؤمن عليها لكن السائق فيه تفصيل تلقاه تحت :smile:

طيب الحين انا مأمن تأمين من التعاونيه لمن هم فوق سن الـ 21 ..

بـ375 ريال ..

لان اقل من الـ 21 قيمته فوق الـ700 ريال ..

ضمير : 375 ريال من وين شاري التأمين لو سمحت لان فيه اسعار ارخص ؟

الان لو واحد ساق السياره وعمره اقل من 21 . يعني 20 او اقل بشوي ..


لو صار حادث لا سمح الله .. هل يشمله التأمين بأي حاله ؟؟

ضمير : لايشمله التأمين ولو رجعت للوثيقة المكتوبة تلقى انهم يستثنوا السائق اقل من 21

ولا يسوون فيه زي ما سوو فيك ويروح يصك له كم داس بلوت بالناصريه ؟؟ :D

ضمير : و يمكن في الاحداث ههههههههههه لا امزح الناصرية زينة:bigggrin:

طيب هل بالامكان لو تجاوز الشرطي الوضع وكتب ان عمر السائق فوق 21 .. هل فيه تدقيق عندكم شديد ؟؟

ولا بيمشي ؟؟

ضمير : الان ماعاد فيه شرطة ولا مرور الان فيه شركة اسمها [COLOR=red]نجم هي اللى تعمل التقارير في موقع الحادث والموظفين اللى فيها فاهمين تدقيق شركات التامين العنيف ولا يبون يحطون انفسهم بوجه المدفع لو انكشفوا ، ولو حصل وحط العمر فوق 21 والحداث صغير ( يعنى اقل من 5 الاف ريال) انت وحظك ممكن تمشي او لا [/COLOR]

التدقيق الله يسلمك والسامعين في الحوداث الكبيرة او اذا بلغ الطرف الاخر اذا جاء يبي قروشه وهذى دائم تصير لا لالالالالالالا ويعطوه مكأفاة مالية حوالى 30 % من مبلغ التعويض على تعاونه وانت يحولوك للمرور لزووووووووووم صككة البلوت ودفع مبلغ التعويض

باختصار فك عممممررررررررررك وخل اخوانك يمشوها سيااااكل :tongue:


شاكر لك ..

ضمير : اتمنى انى افدتك وتقدر تسأل لو تبي ايضاح أكثر

يعطيك العآفيهـ أخوي وعسآك عالقوهـ ..

عند سؤآل لو تكرمت ..

أنا عندي تأمين شآمل .. فلو غيرت لوحآت السيآرهـ .. كيف أغيرها في التأمين ؟

وشكراً مقدماً ،،

.
.