بسم الله الرحمن الرحيم
عاوز اتكلم شويا يا شباب عن فورد فوكس الجديده
بصراحه انا احترمت العربيه دى اوى بعد ما جربتها
لاقيت ان العربيه دى فعلا تستحق الاحترام لان فيها كل حاجه مهمه بالنسبه لاى حد مثلا :
تسارع العربيه فوق الممتاز وثباتها كمان عالى جدا لانها فعلا تقيله اوى وعرضها كبير على طولها والتكييف ممتاز ومناسبه جدا للشوارع المصريه وكمان اقتصاديه جدا فى البنزين وطبعا شكلها الكل عارفه ميختلفش عليه اتنين
لما جربتها كان على طريق سريع بس كان زحمه اوى ولاقيت ان العربيه مساعدانى انى اجرى ببساطه فيها كميه تحكم مش طبيعيه بنزين يعنى انطلاق غريب وفرامل يعنى وقوف بدون تزحلق والغرز بيها كانت ممتعه لانها فعلا سباتها عالى اوى
المميزات
1 - موتور قوى جدا
2 - ثبات عالى على الطريق
3- الخامات المستخدمه عاليه الجوده
4- مساحات داخليه كبيره
5- التابلوه غنى جدا ورياضى
6- الشكل الخارجى ممتاز
7- الساوند سيستم فوق الممتاز
العيوب :
1 - زراير الكسيت تقيله شويه
2- زراير مثبت السرعه غير مضيئه
بصراحه العربيه بجد ملهاش حل
