السلام عليكم
القضية وما فيها اني شريت جمس يوكن دينالي 2003 طويل
وانا عليمي مررره فيه ,, ماعرف فيه ولا شئ
فياليت الشباب يفيدوني في اشياء مهمه .. تكفون مابغاه يخترب علي :(
1- ماهي الطريقة المثلي لتقويمة السياره و توقيفها (( يعني اول شئ اسحب البريك ولا احطه على N اول وبعدين على D وبرضه لما اجي اوقف الجمس اش اول شئ اسويه ,, عشان مايخرب علي القير ))
2- ماهو افضل زيت للجمس .. سمعت ناس تحذر من الكاسترول .. وانا حاليا استخدم سوير شل وش رايكم فيه .
3- سيارتي فيها هيدروليك ولما اشغلها اسمع صوته .. وكل ما ركب معي احد يطلع صوته هل هذا شئ عادي ؟؟
4- لما اجي اشغل السياره الصباح رايح للعمل قد ايش اخلي السياره تتحمى ( 10 - 5 ) دقائق ولا لازم اخلي الحراره تعدي الربع .
5- انا عندي مؤشر الزيت بالنسبة ( 70% , 50% ) زي كذا ... بس آخر مرة لما غيرت الزيت توقعت ان المؤشر يرجع 100% اوتوماتيك لكن مارجع .. اش السبب ؟؟
6- طبعا الجمس فيها العفريته حقته المعروفه ... بس انها متعبة جدا .. وش رايكم في العفريتة اللي يسمونها التمساح تنفع له ؟؟ واذا كانت تنفع لها وش الوزن المناسب اللي اخذه والنوع الاصلي منها ؟
7- وش احسن نوعين من الكفرات للجمس و سعر كل واحد فيهم ؟
8- و اخيرا ابي معلومات عامة تفيدني عن التعامل مع الجمس ويطول معاي .
والله يجزاكم الف الف خير .
