انهبلت الموهافي ولا شنو؟؟؟

شككرا لكم شباب على المرور

طبعا انا ما قلت اني ابي اشتري الموهافي ولكن طرحت الرأي
واظن ان الاخوان المشرفين عبالهم اني ناوي اشتريها وجاي اسأل عنها

على العموم شكرا على مروركم

تحياتي،،،،

الموهافي أفضل من البايلوت

كون الموهافي جيب والبايلوت كروس أوفر

:)

نصيحتي لك خذ الهوندا بايلوت 2009 اوباجيرو 3.8 فل أوبشن

اهم ميزه كانت تميز السيارات الكورية عن السيارت الثانيه السعر المنافس ولو لا هالشيء لما شفنا السيارات الكورية في شوارعنا بس اظاهر انهم تخلوا عن هالميزه لذلك سوف تبدأ تدريجيا بالأنقراض من شوراعنا واكبر دليل على هالشيء عدم تواجد الموهافي في شوارع مثل شوارع الرياض اللي بمجرد نزول سياره في خلال يومين ثلاثه إلا وتشوفها. والموهافي لها اكثر من ثلاث شهور ولا حس ولا خبر

لا
غير ممكن :)

ما تسوى قيمتها
منافساتها أقوى وأرخص و<<<<أفخم>>>>

ممكن تعطينا رأيك في الجيل الجديد

* 2007 وطالع .. :)

صباح الخير حبايبي

جربو قيادة السيارة أولا ثم إحكمو على السعر

الـ 6 سلندر فل عندنا فالامارات 130 الف بالتمام

تحيااااااااااااتي

بصراحة غاااااااااااااااااالية

واتمنى من شركة الجبر ( الوكيل الجديد لسيارا كيا ) ان يعيدوا النظر من ناحية الاسعار

صحيح اخوي
التاهو من ضمن الخيارات في هالمبلغ





اهلا باخوي امير الاشباح
صحيح الناس متعقدة من السبورتج ولكن مع ذلك لمن نزل السبورتج الجديد بدو يشتروه
هو والسورينتو

بس معاها ميزة وهي الضمان 5 سنوات مفتوح الكيلو مترات وهذي يمكن مشجعة شوي

وبصراحة ما اتوقع ينزل نزول قوي
يمكن بالكثر 500 دينار او حتى 700 دينار

ان شاء الله نشوف كل خير

شكرا على مشاركتكم

تحياتي،،،

اخوي لأن بعضهم عنده تجارب سابقة
وبعضهم سمع من هنا او هنا
وبعضهم ما يحبون كل شي جديد





طبعا كلها خيارات متاحة للشخص
وشخصيا افضل البرادو





صحيح اخوي مع انه المواصفات للموهافي بس مع ذلك المفروض عشان اسمها وسمعتها




اخوي والله انا ما سألت بكم يبدأ السعر لكن السعر اللي جبته للفول وابشن


شكرا لكم على مروركم

تحياتي،،،،

هههههه
اخوي هذا مجرد على قولتهم تشبيه او ما يسمى باللغة العربية بالاستعارة المكنية
انك تعطي الشيء ما هو ليس صفته

واوافقك الرأي بالنسبة للسعر إلى حد ما





اخوي المسألة مو مسألة حرام وانما ان سعرها وهي جديدة يجب اعادة التفكير فيه
صحيح اخوي هو السعر مو لهناك والسيارات الي ذكرتها لها سمعة أكبر وان هالسيارات صارلها على الاقل 10 سنوات او اقل او اكثر مع اختلاف المسميات او المواصفات



يسرني مشاركتك اخوي ولد وايل ولا يهونون باقي الاخوان
اما بالنسبة لمنطقي أخوي فأنا صراحة ما ذكرت هالشي

ولكن انا اللي قصدته
ان اول ما نزلت السيارات الكورية قبل تقريبا 20 سنة كان الكل ما يرغبلها ويتكلم عنها وما إلى ذلك

ونفس الشي كان مع تويوتا قبل 50 سنة

وبدأ الناس بتقبل تويوتا مع بداية ال70
وفي بداية ال80 صار عند الكل الثقة بمنتجات تويوتا إلى حد كبير واصبحت تنافس بقوة شرسة وانشرت كثير من السيارات من تويوتا فهذاك الوقت اولها الكراون والكرونا والاندكروزر والفور رنر وغيرها
واللحين ومن نص ال90 صار الواحد ما يفكر إذا يبي يشتري تويوتا بس كل الي يسويه من وين يحصل فلوسها
ويروح الوكالة مباشرة وياخذها

الكوري باقيله 5 - 10 سنوات تقريبا عشان تحصل على الثقة لدى اكبر عدد ممكن من الناس العاديين مو بس خبراء السيارات

لأن هي اصلا لها 20 سنة في السوق....... وبتصير مثل تويوتا ايام ال 80 او بداية ال90 مع وجود قوة للاعلام

ان شاء الله تكون فكرتي وضحت


اما عن السعر الي المفروض كيا تحطة او حتى الوكيل
انهم يحطون سعر قليل حتى لو كان الربح قليل جدا إلى ان الناس تبدي تثق فيها وفهذاك الوقت يعدلون سعرها

اما عن جودتها فأنا مقتنع تماما انها تحسنت
وبصراحة انا احب الكيا اكثر من هونداي ما اعرف ليش


واسف على الاطالة

وشكرا لكم كلكم على المشاركة

تحياتي،،،،

هلا و الله بولد وايل
شوف بالنسبة للبحرين بالذات كان المفروض السعر ما يكون بهالإرتفاع
انا بعد شفت الموهافي في المجمع

في البحرين الناس تتجه لكيا لرخص ثمنه
و متعقدين من قبل من الكيا سبورتيج
يعني اول ما نزل السبورتيج في البحرين الناس هبوا فيه
على قولتهم رخيص و قوي
اربع سنوات ما كمل و إلا الشوارع تصفر ما فيها من السبورتيج إلا 2 أو 3

يعني تجربتهم مع كيا في هالفئة من السيارات سيئة

تجي الحين بدل ما تكحلها تعميها
يعني على الأقل كيا كان المفروض تتمسك بميزة المنافسة الوحيدة لديها ألا و هي السعر الرخيص

بعد الموتر إذا اثبت نفسه و بعدين رفعوا السعر بنقول ما عليه
موتر قوي و اثثبت جدارته بين المنافسين و يستحق كل فلس يندفع فيه

لكن من البداية السعر فوق

بس ما عليك اصبر له كم شهر و بينزل السعر لمستوى معقول اتوقع

و المشكلة الثانية ان هالفئة صعبة المنافسة فيها
يعني المنافسين وحوش بمعنى الكلمة

140000 أخذي لي فيها تاهو LTZ كمان فكر شوي أخوي

عندنا بالكويت اسعار السته سلندر ابتداءا من6999 دينار يعني تقريبا 90000 ريال

اما 140 الف ؟؟ على كيا ؟؟
انا مؤمن ان الكوري تطور وماعاد مثل قبل ولازم نغير نظرتنا للكوري .. وكل هالكلام ..
بس 140 الف ريال ؟؟؟!!!!!!!!!!!
والله قوية .. اشتري فيها فولكس واجن طوارق حتى لو ستاندرد .. اشتري فيها جيب مازدا واوفر بعد .. اشتري باجيرو .. واجد خيارات والله لو تفحط كيا ستين سنة ما وصلتهم ..