افالون 2009 ,, سرقوها + فحطوبها + صوروها + رموها ( مصوّر)

يسلمووووووووووو

اللهم شل ايديهم ياقادر ياكريم

لا نقول يا اخي الكريم الا إنا لله وانا اليه راجعون اللهم اجرك في مصيبتك

شف اخوي خويك يحمد ربه ان الموتر ما كان فيه احد من اهله اول ما شابه وبعدين انت تتكلم عن انسان مدمن ما سوى ذا الشي الا وله هدف حقير مثل صاحبه وبعدين والله ان قلبي تولع على الموتر اول شي اوتو ماتيك ثاني شي الجلنط مهوب يدوي ثالثا مانع انزلاق يعني هاذي كلها وسرقوها ما سرقوها الا عمدا يعني احسهم كانوا ناوينها عليه بعدين ابي افهم وش لون كرها ؟:confused1:
بعدين اخوي يحمد ربك خويك انه لقاها بعدها بيوم والله واحد من ربعنا طلع كامري وبنفس اليوم ما تمت 5 ساعات انسرقت كانت عند الباب انسرقت ومالقوها الا بالثمامه جوا الطعوس ولعنوا ابوالموتر وصلحه وباعه وشرا كامري اوتو ماتيك ولا سرقت لانها اتوماتيك بس انا اعجب من ذولا والله فسق يلعن......... افالون يا ......والله قمة القهر الله يصبر خويك ويكتبله اللي فيه الخير وهذا وانا اخوك ابتلاء من رب العالمين الصبر زين وبالنسبة لذا السلاتيح تلقا لهم خشات بمواقع مثل (البحري)بس صعب تمييزهم لانهم متلثمين وهذا اللي حبيت اقوله واحس اني طولت بزياده:bigggrin: والله الله بالدعاء دعا المظلوم مستجاب بإذن الله وسلام عليكم.

ياساتر استر علينا يارب والله يعوض راعي الافالون خير ويتنقم من هالمبزره شر انتقام
واللي يقول شرطه امن خرابيط والله ماعندك احد وماعندك احد مليون بالميه الشرطه داجه
والمفروض تصير فيه نظام عسس في الحارات ودوريات راجله وسط الحواري يوميا
وهذا سيل من فيض ياما قصص اغتصاب واختطاف واكراه ورعان وبنات وحريم وعجز بالقوه والغصب ونادر محد يشتكي خوفا من الفضيحه والعار ويقتص بيده لانه عارف ان القضاء ماراح ينصفه !!
اتذكر واحد لقى حرامي في بيته مسكه وضربه ضرب لين قال ربي الله جاي يسرق الغازات وبعد ماضربه وكسره صك عليه في حمام خارجي وراح بلغ الشرطه
والشرطه بدل ماتمسك الحرامي سجنو الرجال وانقلبت القضيه ضده !! وحكم عليه سجن سنه وجاه عفو خلوها 6 شهور هل هذا يعقل !!

يعني الحرامي يجي يفعل فعلته سواء تعدى على حلالي ارضي عرضي مالي ونفسي واقعد اتفرج عليه لين يخلص ببرود اعصاب ههههههه وبعدين اقول للشرطه تعالووا
من جد صدقوا طاش ماطاش في حلقه الحراميه لان هذا عين الواقع
واي واحد مطبل يقولي امن وخراط في السعوديه اقوله قم بس قم وربي الهند وبنقلاديش اكثر امن من عندنا بمليون مره !!

الحمد الله اني ساكن بل جنوب ماني في الرياض ولا كان الموتر انسرق من مبطي

الله لا يورينا مكرووووه

ويعين رااااع السياره

انا ما ادري ليش حذف ردي عشان طالبت الاعضاء بمراسلة صفحة الحجب
وطلب حجب موقع البحري .


والله قهر لدرجة ان كل واحد مسافر الرياض اول مايوصونة انتبة لسيارتك من دشير الرياض


وعلى فكرة انصح الاخوان بالاشتراك بخدمة تتبع من الاتصالات


http://www.avl.com.sa/


ووالله لو نزلوا واحد منهم وهوبوا بالسيف علية فقط مايتجراون يضربون الرجال ويسرقون موترة

الشرطة والمرور للي مثلي ومثلك جيدين بالمخالفات (( سرعة , حزام , احدى لمبات اللوحة , تضليل,,,الخ)) أما الي يسرق , يفحط , يقطع اشارة هذا الشرطي يدق له تحية !!

مع الأسف الواسطة , عدم تطبيق النظام على الكل , تهاون القطاع الأمني وعدم الحزم كل هذه من الأسباب التي جعلت العرب ( Arabia زي ما يقولون ) في ساقة الأمم ومؤخرتهم .
لكن نصيحة : لا قدر الله اذا تعرضت لسرقة عطهم رقم اللوحة وقلهم : رجال ثوبه قصير وله لحية وكأني شفت رابط حزام على بطنة؟! شرط قبل لا تبلغ يمسكونة !!

هذي سارة قلت ادب
وبالأكراه بعد سارت مسخره والله
لكن المفروض انو اي واحد يخرج من السيارة يقفلها حتى لو كان واقف عندها
بصراحة اسوء شي انو سيارتك تنسرق قدامك وأمام انظارك وما تقدر تسوي اي شي غير انك تتفرج
الله يعوض عليه بغيرها
بس المشكله هذي مو كامري ولا كابرس
هذي افالون والله حرام
انشاء الله هذول ينمسكون ويتحكمون بالقصاص والجلد وكل شي اللي ما يخافون ربهم

هههههههههههههههههههه

عداه العيب الطاره عفط في عفط

وماتقصر في تنزيل الموضوع

وبنتضار كل جديدك ...

حكمهم حد الحرابه أو اقل شي قطع يد ولا كلٍ يحمي نفسه بنفسه

اغلب المفحطين لوطيه يفعلون افعال قوم لوط الله يخزيهم

(وَلُوطًا إِذْ قَالَ لِقَوْمِهِ أَتَأْتُونَ الْفَاحِشَةَ مَا سَبَقَكُمْ بِهَا مِنْ أَحَدٍ مِنَ الْعَالَمِينَ * إِنَّكُمْ لَتَأْتُونَ الرِّجَالَ شَهْوَةً مِنْ دُونِ النِّسَاءِ بَلْ أَنْتُمْ قَوْمٌ مُسْرِفُونَ)[ الأعراف: 80- 81].....


افعال تهز عرش الرحمن سبحانه تخيلو معي عظم هذا الذنب

فهؤلاء هم سقيط المجتمع و حثالته سيطروا على مدارسنا الثانوية للاسف

بالتفحيط يغوون المراهقين ليفعلوا بهم فعلتهم الخبيثة

يا ويلهم من الله

يا ويلهم من الله

يا ويلهم من الله

تدري وش ودي ودي
ودي اني السياره تقلبت فيهم ومابقى فيهم لحم على العظم
هذا والله يشفي الغليل
لاكن طول الله عمرك راس مالها ركعتين اخر الليل وادع على من ظلمك ومعوض خير

الله يقهره مثل ما قهر صاحب السيارة

الله يذوقه مر فعلته مثل ما ذاق صاحب السيارة

الله ياخذه في حادث مميت بعيد عنا و عن المسلمين

كلب شل الله يده


ياناس يا عالم السرقة قمة الظلم

انا لله وانا اليه راجعون
الواحد يتحسف يشتري سيارة جديدة بهالبلد
دتسن موديل 80 ويخب
الله يخارجنا من هالمبزرة اللي تعدو على حقوق العالم
ما سلمنا من الكامريات والأكوردات
لا والحين جايني يشتغلون على كبير
افالون ولكزس وطقتها
الله يعيننا بس

الله يشل يد اللي سرق السياره واللي فحط بها

انا شفت الصور في موقع ثاني
وقفل مزاجــــي


خالد

^^^^^^^^^^^^^^^^^^^^^^^^^^^^^^^^^
والله إنك صادق