رابطة محبي وملاّك المرسيدس بنز MERCEDES BENZ

تسلم يا أخ فراس

الله يوفقك

احم احم

رابطة مرسيديس سيارة المستقبل

طبعا انا احد معجبي ومحبي مرسيديس حتى الضياع وسنوات الضياع

ومشكور صاحب الموضوع لفتحه الرابطه

واكيد راح تكون احسن واقوى رابطه ولاي اي ولا زي زي ولا فلكواجن ولا غيرها يغطي عليها


وان شاء الله انا معاكم الى ان اشتري مرسيدسي واغير شعار الفلكسواجن لمرسيديس .. مدمن الماني

ولا تخافو بكون معاكم بعد ما اخذها كمان

اهنيكم على افتتاح رابطة للمرسيدس ..وما فتحتولها الا لما جيت ابيع سيارتي :smilie20: ..

طيب انا بشارك باللي عندي من معلومات والمشاكل اللي مرت علي من امتلاك السيارة طبعا السيارة E240 افنجارد موديل 2004 ...


الحركة اللي تقصدها اخوي امير هذي حقت زر RESET اللي جمب الطبلون انك تدخل بالشاشة على السيرفس وبعدين تعلق 10 ثواني تقريبا على الزر ويطلعلك المنيو حق السيرفس وانت تحكم فيه وتقدر تلغي حق السيرفس فيه .. وهي موجودة بالكتلوج حق السيارة ..

وهذي شوي من اسعار قطع الغيار ..

- شداد سير الماني 350 ريال
- مساعد امامي 1290 ريال
- فلتر الزيت 55 ريال
- اقمشة امامية 580 ريال
- اقمشة خلفية 460 ريال
- السوتش حق لمبات السيارة اللي داخل تشغل فيه اللمبات وتطفيها بـ 1450 ريال
-جلد مقصات بـ 400 ريال
- شمعة الزينون اذا وكالة من الجفالي ب700 ريال واذا هيلا الماني ويتعاملون معاه كل الورش بـ 300 ريال
- بواجي الواحد ب 36 ريال ( 12 بوجي ع 6 سلندرات )
- والباقي ناسيه بس الفواتير عندي انشالله اطلعها واحط اللي فيها ..


نجي للمشاكل اللي مرت علي ..

- ذاك اليوم وانا طالع بالسيارة اتمشى وماشي بامان الله شوي الا وطبلون السيارة بدا يلعب عداد السرعة والضغط والبنزين وكل شي يحوس بالطبلون واوقف على جمب واطفي السيارة وارجع ابي اشغلها ما تشتغل يابنت الحلال اشتغلي تعاند واخليها تقريبا نص ساعة وارجع اشغلها اشتغلت واوديها البيت وافضل البطارية تقريبا نص ساعة واشبكها اشغلها الا والسيارة طبيعية وديتها الصبح الوشة فحصها لقى كل شي سليم بعد تقريبا 3 اسابيع او شهر رحت فيها الكويت ورجعت عالبحرين وكل شي سليييييم والسيارة عسل لما جيت بطلع من البحرين شغلت السيارة ما تشتغل واجرب مرة ثانية اشتغلت بس صوتها مو طبيعي والطبلون يحووووس مرة ثانية وكل الانذارات بالشاشة اشتغلت حق الحرارة وحق البطارية وحق الabs وحق ESP وحق Sbc وحق SRS والايرباج وحق موية الرديتر والزيت مابقى شي بالشاشة والطبلون مرسيدس حطته الا واشتغل انا هناااا انصررررعت قلت وشفيها ذي شكلها سطلت اشغل المكيف يطلع هوا شوي ووقف وعلى هالمنوال والدرايش انزلها تنزل شوي شوي وتوقف وشوي وتصعد والفتحة كذلك قلت مالك الا تفصل البطارية مرة ثانية وتشبكها سويتها ما نفع مرة ثانية ما نفع خليتها كذا و عشقت الجير بمشي الا والسياارة مررررة ثقيلة مشيت فيها لين الورشة بالخبر دخلتها الورشة جا المهندس وطفا السيارة رجع يبي يشغلها ما اشتغلت قالي خلها عندي بشيكها واكلمك بطووول تشييكها اتصل علي بكرة وقالي تعال رحت له المهم قالي كمبيوتر السيارة ضاااارب محترق وكل كمبيوترات السيارة وحساساتها خربانه والبطاريتين كذلك ضربوا .. <<< لحد يشوف وجهي وقتها .. الموهم قلتله سلاماااااااات وش هالكلام كمبيوترات تضرب بدون سابق انذار كلامك مو معقول قالي هذا اللي صاير الكمبيوترات لما فتحناها لقينا فيها موووويه ولا تسالني من وين جت قلت طيب طبعا الكمبيوتر الاساسي اللي يصير من جهة اليمين فووووق بالكبوت مغطى ومحمي مايجيله مويه لو ايش هذا ضرب بدون ماي قلتله طيب وشلون قالي والله مدري وتصليح السيارة تقريبا لو بتصلحها بيلكفك 25 الف ريااال بالراحة الا اذا قدرنا نصلح بعض الاشياء واللي ما يتصلح نغيره صلحوا Abs وما اذكر وش بعد وغيروا اشياء قدروا على اشياء كثيرة وكلفتني بالنهاية حول 10 الاف ريال بس السيارة ما ضبطت بقى فيها حق Sbc وشي بعد ما اذكر وشو قالولي هذي ما عرفنالها في كنترول صغير تحت الطبلون تحت جهة الراكب هذا الكنترول حالته صعبه اذا ركبت جديد يبيله برمجة طبعا اذا خرب يتقفل الطبلون بحماية ما تقدر تبرمجه اذا جبت واجد جديد طيب وشلون قالي نجيب نفس سيارتك ونركب عليها الجديد ونبرمجه ونرجع نركبه بسيارتك قلت طيب سووها وخربت نفس القطعة بالسيارة الثانية هنا الرجال قالي والله مدري وش هالشي اللي صاير .. المهم طلعتها منهم ووديتها الجفالي عشان يبرمجون القطعة لانهم الوحيدين اليي يقدرون يبرمجونها ورحت لهم والحمد لله برمجوها بـ 450 ريااال بعدها السيارة طلعت عسسسل سالت المهندس اللي بالجفالي قلتله غريبة وشلون وصلت المويه لكمبيوتر السيارة قالي الموية ماوصلت لكومبيترات السيارة المويه بس وصلت لهذا الكنترول من جونا الرطوبة والمكيف شغااال نزلت مويه من المكيف ع هذا الكنترول وخربته وهو اساس كل الانظمة اللي بالسيارة هو وظيفتها يوصل المعلومات بين كمبيوترات السيارة لما خرب عفسسس وخربب كل كمبيوترات السيارة والحمد لله بعدها السيارة ضبطت صارتلي هالسالفة قبل سنة ومن بعدها والسيارة اوكي ..

-وفي يومٍ من الايام وانا راااجع من دوامي بالاحساء للظهران كااان الجو عج قوي وغباار اول ما وصلت الظهران السيارة تتفتف وتقطع وصوتها مو طبيعي وديتها الورشة اول ما فتحنا فلاتر الهواء لقينا داخلها تراااب كثير قالي لو حبة وحدة من هالتراب تدخل المكينة تعفسها بس الفلاتر ما خلتها تدخل وقالي يبيلها ايرماس لانه خرب قلتله طيب واروح لواحد ثاني ونفس الكلام خليت السيارة بالكراج ودخلت النت بشوف حل للمشكلة يمكن لها حل ثاني وقريت واحد صارتله نفس المشكلة انو المرسيدس لما يصير عج وغبار يقفل منافذ الهواء للمكينة عشان ما يدخلها غبااار والحل بسيييط جدا انك تنظف الفلاتر او تغيرهم وترش ع المكينة بخاخ حق تنظيف القطع الكهربائية وهو مايظر القطع ولا ياثر فيها لانه مخصص للقطع الكهربائية وبعدها تطلع بالسيارة والهواء صااافي وتدعس عليها لما قريت هالكلام رحا للورشة وقلتله هالكلام قالي كيفك اذا تبي تجيب البخاخ وهو مايظر بالسيارة بس ما اتوقع انه يفيد قلتله طيب المهم غيرت فلاتر الهواء ونظفت المكينة بالهواء اللي يستخدمونه وقت تغيير الزيت هذا وبعدها طلعلت بالسيارة والهواء صافي وادعس فيها الحمد لله اضبطت بعدها بس الوجهيه رملت ووديتها التلمييع وتحسنت كثير بس بقا شوي اثار ترميل <<< المشكلة هذي يعانون منها راعين المرسيدس بالعج القوي بالخط اول ما توقف السيارة تحسها تتفتف وحل هالمشكلة الحمد لله بسيط وبعد تعد ميزة بالمرسيدس اذا صار عج تسكر منافذ التهوية عشان مايدخل التراب داخل المكينة ..

احسن ورش للمرسيدس :-

- مركز نايف على طريق الدمام الخبر (الكباري ) قبل وكالة هوندا في شارع اسمه (الشارع الثاني )
المهندس محمد
- مركز الفردوس وهذي بعد اسكان الخبر وانت متجه للشبيلي قبل الدوار .. المهندس صلاح


هذولي احسن ورش سمعة واحسن ورش تعاملت معها غير الجفالي والناجم لانهم مبالغين باسعارهم

لا تقولون طولت وقلت قصة حياتك لاني طفشااان وفاضي ..:ch19:

ومافي داعي اتكلم عن مميزاتها لان المرسيدس معروف ..:a1120(121):

وبالخدمة باي شي يخص المرسيدس .. :-)

^^^
أخ Eurofan حياك الله بمنتداك ورابتك.

رأيي فيها سيارة دفع رباعي غير محدودة الروعة .. من هنا إلى 100 سنة ضوئية !

طبعا السعر الكل متوقع النزول على شهر 6 .. أو رمضان بالكثير وتأخذها بنزول لن يقل عن 20 % من السعر الحالي وانت اولى بهذه السيولة .. لأن السوق تعبان جدا وضغط حملة خللوها تصدي لا بد ان ياتي بنتيجة إن شاء الله ةأنا زيك بشتري ولكن منتظر النزول ... طبعا هذا إذا بتاخذ جديد .. ولا تنسى تستخير الله

السلام عليكم

هذي أول مشاركة لي بالمنتدى ويشرفني انها تكون هنا

اخواني أنا ناوي أشتري ال ml 500 ان شاء الله

وش رايكم فيه وهل أصبر شوي؟

أخ عامر لـ هالدرجة النصب في ورش المرسيدس بالرياض ! احس في الدمام وجدة أقل هوان ..

بس شيئ سيئ من الجفالي طريقة محاربته للمستورد ! لا بد من تقديم شكوى لمرسيدس العالمية !

طيب أخ عامر كيف بالنسبة لأسعار القطع والبدائل ؟ هل تجد قطع مرسيدس للجديد ؟ من 2003 فما فوق أرخص من الوكالة بكثير ؟

أهلا وسهلا بك اخي مستر AMG نورت الموضوع والرابطة وياريت تفيدنا ونستفيد منك ومن خبراتك :)

احدى مشاكل البسيطة اللتي مرت علي : كم منكم يا اخوان ظهرت له بسيارته اشارة اقتراب السيرفس بالوكالة وكم منا سيارته مستوردة وعمنا الجفالي ما يستقبل المستورد الا بعد اللي فيه النصيب

وطبعا هالشاشة تستمر بالظهور لين تطفش منها وأغلب الناس تقلك روح لعند محل كمبيوتر يشيلك ياها

وماشاء الله كل واحد يتفنن فينا بالاسعار وبالطرق والتخبيص والتجربة (نصير فئران تجارب بالعربي )

اليوم كنت قد قرأت موضوع باحد منتديات مرسيدس عن فيشة الجير وأهميتها لذا قمت بتبديلها باحد مراكز خدمة مرسيدس المشهورة بمنطقة الرياض والمشهورة بسلخها الزبائن بالاسعار ولكن ليس هذا موضوعنا موضوعنا هو عند سؤالي الشخص المسؤول عن هل يوجد عندهم جهاز كمبيوتر من أجل ازالة الاشارة للسيرفس وكنت قد قلت ببالي اني ممكن استغني عن مبلغ معين مقابل اني اريح راسي منها طبعا الشخص سوداني وله بمجال المرسيدس وبالورشة ذاتها 25 سنة
المهم حكالي ما تبيلها كمبيوتر وجلس بالسيارة وعمل خمس حركات بالظبط واذ السيارة تعمل رست للفحص وترجع زيرو طبعا انا اتجمدت :confused1:

ولكن قمت بحفظ الطريقة طبعا بالسرقة لأني جدبتها عليه اني مو فهمان شي عشان ما يخفيها عني وبالفعل الطريقة سهلة وسريعة وما تحتاج أكثر من 20 ثانية واللي واجهته هذه المشكلة يخبرني برد عشان اشرحله الطريقة وان شاء الله نستفيد ونفيد بكافة المعلومات وخاصة السرية منها مثل هذه وشكرا لكم :)

اهلا وسهلا اخي فراس

ادعمها ولا يهمك ومبروك سلف المرسيدس الجديد :)

والله اسعارهم غالية فعلا بالنسبة للجديد وحتى للمستعمل المضمون

لكن تبقى مرسيدس غير مشكور عمرورك الطيب

الف مبروك .. للرابطة الأكثر عراقة ..

وأنا سأدعم الرابطة بكل ما عندي لدرجة أني سأشتري مرسيدس إن شاء الله

لو اقدر اخذلي سي 350 مع كت اي ام جي تشوفني اول واحد اخذها بس للاسف الوكالة رافعين سعرها تو متش

أهلا وسهلا أخي معجب البي ام :) ان شاء الله يتم التفاعل معها لأن لها محبين وعشاق كثر وانا أولهم :bigggrin:

الف مبروك افتتاح الرابطة

ان تصل متأخرا افضل من ان لا تصل أبدا ويشرفني قدومك أخي سامي عالرابطة الخاصة بعشاق وملاك مرسيدس وعقبال وقت تقتنع فيها بدل الفلوكس واجن <<<<<<<<<<<< يسرق عميل

وان شاء الله بعمل لفة عالمنتدى لأعرف المشاركين الدائمين والباحثين عن معلومات عن المرسيدس لأدعيهم للرابطة

وبالنسبة لتغيير تجمع لرابطة حبيت أعمل حركة تغيير بسيط :)

اخي الكريم ما هو ضرر انك تكون من محبي المرسيدس رغم عدم امتلاكك أحدها بالعكس الجميل ان يكون للشخص سيارة يحبها ويعرف محاسنها وعيوبها وأهلا بك بالرابطة ضيف عزيز

والله موضوع من جد بطل يابطل :xyxthumbs:

اتمنى لكم التوفيق وليتني من ملاك مرسيدس عشان اشارك معكم :blue:

بالتوفيق للجميع :xyxthumbs:

الف مبروك على الرابطة و بصراحة انا اقترحة فتح الرابطة من احد عشاقها فبل فترة و ما لقيت اجابه منه عموما مثل ما قال اخوي عبدالله ننتظر التفاعل عشان تتثبت

انصحك تحت الرابط و الاسم و علامة مرسيدس كدعاية للرابطة و لا تنسى دعوة بقية الاعضاء المعروفين بعشق المرسيدس

تم تغير كلمة تجمع الي رابطة