دخان ابيض في الفورد

يعيطيك الف عافية على دركـ

معليش بتعبكـ معي .. لان والله ما عندي احد فاهم في السيارات

وش الفرق بين المكينة تحت و مكينة كاملة .؟

وش هو الرجييييييع ؟

وش هي روووس الميكنة ؟


ترى قالي بس يبغى له تغييير شنابر فقط لا غير من خلال فحصه بالكمبيوتر


معليش مرة ثانية على كثرة اسألتي

تحياتي ..........

هلا اخوي والله اذا كنت تجي للرياض راح تحصل بالصناعيه القديمه بالهبل لان احد اقرباي بدلها مع الرجيع وزادهم 2800 ريال اخذ مكينة 2001 وسيارته موديلها 96 وجلست معاه سنتين وعقبها باع السيارة والحمد الله لاخرابات ولاشي لكن عندي لك حل روح التشاليح واسأل قول ابي نصف مكينه تحت بكم سعرها والمكينه الكامله بكم مع الرجيع واسأل عن طقم الشنابر راح تحصل امريكي درجة اولى بكم وشغل اليد بكم انت شوف السعر اللي يناسبك لكن اذا كان عندك ميكانيكي فاهم خليه يشيك لك ع الروس تبع المكينه اذا كانت سليمه تمام راح يكون شغلك بالسلندر فقط بهالحاله قرر تركب شنابر جديده او تشتري نصف مكينه تحت كامل وتركبه وترتاح بس اهم تكشف عليه بالمخرطة انا راح اكلمك واحد بالتشاليح واشوف كم اسعار المكاين عليه وان شاء الله ارد لك خبر لكن لاتستعجل وبالتوفيق....

مشكور اخوي على الرد

بس مرة ما عندي احد فاهم في السيارات

و المشكلة من فين ادور مكينة نظيفة في الطائف

كل الصناعية اللي بالطائف ما تجي 100 محل على بعضه

و ما تدري من هو الصادق و الكذاب

و انا قالوا لي التوبيش توووه في بدايته هو شنبر واحد اللي ضعيف شوي و اثنين مشي حالك و الباقي تماااااام

و انا بلحق على المكينة قبل لا تروووح فيها

تحياتي ........

والله تستاهل يالطيب وكلنا طلاب وبالهوا سوا واصلآ انا لو احصل هالقطع انا اول من يوضب ماتجي الاطلبيه ياخوي الوكالات ماعندها ذمة تدور الريال وبس يعني تبيها تبيعك قطع تخلي المكينه تمشي اكثر من 500 الف وهي تمام لا ياخوي هي تدور اللي مثلنا كل يوم بالورش وتجبرنا ع روحة الورش لكن من الموزع اللي يمول المحلات بالقطع هي توكيلات الجزيرة لكن التبديل من رايي افضل من ناحيه السعر والوقت اذا كان لك احد يفهم بالسيارات شوف لك مكينه ماوضبت ابد ستاندر ومشغلة وع الضمان بأقل من 3 الاف ريال يعني بتصير قطع المكينه اصليه 100% من وكالتها لكن لوكان براسك توضيب من يوضبها تمام يعني بعد التوضيب اذا مشت 200الف كثر الله خيرها ويمكن مايضبط التوضيب خذها قاعده ولا اكثر عليك الهرج كل المكاين الجديد اذا خربت قطها و نادر توضب وتمشي معك ونصيحة ميكانيكي سعودي يقول بدل افضل من ناحية القطع والوقت والتوفير والله يكتب لك اللي فيه الخير ياخوي وبالتوفيق للجميع......

انا قالي التوظيب بـ 5500 ريال

بس على فكرة انا طالب جامعة يعني بالعافية بجيب 3000 <<< ابو الصراحة

طيب انا بجيب القطع ... بتزود علي القيمة ؟؟

و هل قطع توكيلات الجزيرة اصلي اصلي و لا كمان مثل الباقين يبيع لكـ الامريكي و يقول هذا الاصلي .؟؟

تحياتي ..........

تبي الراي ياخوي اذا ناوي تشتغل فيها بدل مكينه افضل لان عموم قطع الغيار عندنا مو اصلي كله امريكي واكثره تجاري والتوضيب الاصلي يكلف من 8 الاف وطالع والله يكون بعونك وبالتوفيق........

يعطيكمـ العافية

انا رحت لافضل فحص كمبيوتر بالطائف اللي هو السواط

و فحصها و قال عندكـ ضعف في واحد من الشنابر

و الشنابر تتركب طقم

و قال كل الشغل بالقطع بـ 3000 ريال

شباب انا ما ادري القطع بتكون اصلي و لا امريكي مشي حالكـ

لاني صفر في السيارات ... ما عندي خلفية فيها

اتمنى تفيدوني


تحياتي ..........

يااخي اذا كانت السيارة تطلع دخان ابيض خفيف احيان تلاحظه واحيان ماتلاحظه مع ريحة قاز هذا من نصب محطات البنزين لانهم يخلطون قاز مع البنزين ارخص يوفر خمس الآف بمخباه اما اذا كانت تشم ريحة زيت فهذا بداية تبويش مع العلم يمكن ماتشوف الدخان بس يوجد ريحة اما اذا كانت تدخن بشكل ملحوظ سواء السيارة باردة او حارة المكينه يبي لها توضيب لأن الزيت يطلع فوق البساتم المكينه تحرق الزيت مع البنزين اما اذا كانت السيارة تدخن ازرق اول ماتشغل السيارة اذا كانت باردة مثل ماذكر الاخ من قبل يبي لها جلد بلوف لانها متأكله ويدخل زيت بغرف الاحتراق واكيد كلامي واضح اما الثلاجه مال امها دخل صحيح ماتصرف زيت الحين لكن مع كثر استخدامك لها راح يأثر وبتلاحط نقص بالزيت
عموما انت اكرفهابالعافيه لين تبوش اذا بوشت لاتوضب غيرها وريح راسك انا وضبتها 4500توضيب كامل لأنها كانت تدخن ابيض سواء واقف اوانا امشي واذا تبي اشيك لك ع السيارة انا حاضر انا موجود بالجبيل الصناعيه بحكم خبرتي والله يعطيك خيرة ويكفيك شرة ومااوصيك اكرفه لين يدوخ اذا داخ فكر وش تسوي فيه وبالتوفيق للجميع.......

سبق و كان عندي مشكلة مشابهه لمشكلتك ,
دخان ازرق خفيف من االشكمان مع التشغيل اذا السيارة كانت باردة ,
ومن ضمن الورش اللي رحتها ورشة معروفة اول ما شاف السيارة قال يمكن الثلاجة مثل ما قال فني سيارات , لكن باقي ما تأكدت
الاحتمال الثاني : جلد بلوف . وانا الحين احاول اطنشها و اكرفها كم سنه وبعدين يصير خير .
الله يعيننا ويعينك على قرف الورش .

اخوي اذا فالو مررره انو شمبر انصحك تروح لتشاليح الصناعيه القديمه هناك فيه مكاين تجي من امريكا جديده تاخذ المكينه كامله ب2400 بكلشي مع ضمانها وريح مخك من نصب الميكانيكين

سلام عليكمـ

انا تقريبا مشكلتي مثل صاحب الموضوع

معي فورد 2001 ... الوالد فاكه وكالة .... و قبل سنة تقريبا اعطانياه

من قبل شهرين لاحظت الدخان الابيض يطلع من الشكماااااان ... يمكن قبل الشهرين كان يطلع بس يمكن ما انتبهت

استغربت ... و سألت كم واحد لاني مالي خبرة في السيارات ... اكثرهم قالوا المكينة مبوشه او بدت تبوش

مع إن مكينة السيارة قوية ... و ما تفصل و كانت ماشيه تمام التمام

رحت بعدها للورش و ما كثرت لان ما ابغى يجيني صدااااااع من كثر كلامهم

طبعاً ما ارتحت الا لكلام واحد ... قال لي في البداية غير السلنس حق الهواء و صفاية البنزين و البواجي و رحت غيرتها اليوم و بااااقي تطلع دخااااان

و قال يمكن بداية تبوووويش ...

هل الفحص كمبيوتر بيطلع لي كل شي .؟؟

ابغى الحل منكم يا شبااااااب

ابغى الحق على المكينة قبل ما تبووووووش

المكينة كانت نظيفة و كنت اطارح بها السيارات

و الحين هي نظيفة و لا مبووووشة


تحياتي لكمـ .......

معليش على المداخلة بس وشهو الربل

لا يافني سيارات

السياره ماسويت فيها شي الي سويته اني معاد رحت للورشه وارتحت من كلامهم اللي يفجر الراس

والله لايهينك على ردودك ومتابعتك لجميع المواضيع سلمت يالغالي
:wavey:

:c0214: مافهمكت عليك يعني يعني ايش صلحت ولا ايش صار معاك


لاتقلق من هذا الموضوع موضوعنا خالص :a1120(121):

لاجديد السياره توب التوب ولله الحمد لي اسبوع مارحت الورشه ومرتاح مع الموتر يوميا اروح من الخبر الى الجبيل وارجع والزيت هوا هوا ماتغير ولا نقص مشاء الله عليه مع ان الورشه يقول راح ينقص الزيت لاكن اشف عكس ذلك



والله يعطيكم الف عافيه ياأحلى اعضاء على ردودكم

وانهوا السالفه ياطير شلوا ويافني سيارات

يااخي الرجل يقولك بالعربي راح للميكانيكي وقاله تبي الدخان يروح فك الراس وغير جلد البلوف وانت بالقووووووه لازم الثلاجه خربانه بعدين ياخي انا ماكذبتك انا اطرح وجهة نظري مو شرط كلامك والاكلامي صحيح وبعدين انذار وماانذار وين ياخوي احنا فمدرسه؟؟؟؟؟؟ الله يصلحك هذا منتدى عام والردود ماهي حصر لاحد عن احد وتقبل تحياتي.............

انا انصحك ياالطيب قبل ما تسوي اي شئ غير زيت المكينة لان الزيوت الاماراتية المقلدة تخلي السيارة تطلع دخاان ابيض....

حياك الله
اولا شوف موضوع الثلاجة وقول حق الميكانيكي خل يبدي رايه في الموضوع عن الثلاجة قد يكون هناك تسرب من ليات الثلاجة
ان لم يكن كذلك

بيكون كلامه صحيح وكلامه ان التسريب خفيف دليل على ان الجلد او مايسمى (الجيوان ) (الكازكيت ) الماكينه محروق شي بيط ويسرب ماء على البستن ويخرج على شكل دخان

كذلك اشارتك الى ان السيارة تطلع ماء من نظافتها
هذا الكلام ليس على كل حال صحيح وقد يمون الماء دليل خراب في الماكينه ينزل على شكل دخان او ماء فنتيجة و احده
خاصة لو تبع الموضوع نقص ماء في الراديتر
و كلام الميكانيكي معقول جدا و المحافظه على الزيت وعدم ارتفاع الحرارة يمشيك فتره جيدة
ان شاء الله و التصليح افضل من اهمال السيارة