السلام عليكم إخواني .. هذي أول مشاركة لي وأول موضوع في هذا المنتدى الرائع
الصراحه ما أدري من وين أبدأ
قبل 7 شهور .. كان معاي سيارة هوندا أكورد .. وكنت ماشي على خط الدمام الخبر في السعوديه
ومريت بجنب معرض ساماكو لسيارات فولكس واجن وبورش وأودي .. المهم لقيت عندهم عروووض وخصومات .. قلت خل أنزل وأشوف وش عندهم ..
نزلت .. وقعدت أتفرج على السيارات .. وعجبتني الباسات
.. وسألت الموظف عنها وعن سعرها وكان سعرها جيد ..قلت خل آخذ بعض المشورات من الأصدقاء حول السيارة
.. وقوتها وتحملها وقطع الغيار وتوفرها وصيانة ساماكو 
.. الوكيل لفولكس واجن في المملكه العربية السعودية الموهم .. سألت أكثر من صديق ومدحولي السياره
.. ولكن ذموا صيانتها وقالولي إن صيانتهم جداً تعبانه ومعاملتهم سيئه .. عاد أنا من النوع اللي ما أهتم بهذي الأمور 
.. قلت نتوكل على الله
ورحت وشريت السيارة .. ودفعت لهم المبلغ .. وكانت أول ردة فعل
.. تعال بعد 3 أيام عشان تستلم السياره .. على أساس نشيك لك على السياره .. قلت مافيه مشكله .. مرت 3 أيام .. ودق جوالي .. وقالي الموظف سيارتك جاهزه .. رحت واستلمت السياره .. وكانت ماشيه تمام ..
جاء الليل .. وطلعت أتمشى .. وقفت السياره .. وجيت أرجع ريوس .. كان فيه هزه غير طبيعيه
قلت خل أروح للي باعلي السياره .. ويشوفها ..
ويوم شافها .. قال هذي طبيعيه .. وإن شاء الله بس تمرن المكينه والسياره تروح .. قلت طيب مش مشكله ..
يوم بعد يوم .. أسبوع ورى أسبوع .. ومرت الشهور .. والهزه ماراحت .. قلت مالي إلا إني أروح للصيانه .. وأشوف لي فني ..
رحت الصيانه .. وكلمتلي فني .. جاء وشاف السياره .. وقالي سيارتك فيها بلى .. قلتله من يوم ماطلعت السياره وهي بهذا البلى .. قلتله طيب أنا إن شاء الله بجيبها لكم بعد أسبوعين ..
لأني كنت مسافر فيها .. المهم رجعت لهم مره ثانيه .. وبمشاكل أكثر من اللي قبل
.. حيث إن البوري والإير باغ ماكانوا شغالين .. والفرامل تطلع صوت .. والسياره تطلع رجه عند المطبات المهم رحت لموظف الإستقبال وشرحتله الأمور .. وسجلها .. وقال طيب خل نشوف السياره .. وركب السياره وساقها .. وقالي وين المشكله اللي بالريوس .. قلتله ما تحس بالهزه ..!!
قالي مافيه هزه .. قلتله واحد من فنيينكم شاف السياره .. وقال فيها مشكله .. قالي مو مشكله .. إن شاء الله خير
المهم .. قالي تعال بعد 3 أيام عشان تستلم السياره .. قلت أوكي ..
المهم أنا رحت لهم بعد 5 أيام .. ويوم رحت بدت معها المشاكل
.. رحت هناك .. وقالولي والله سيارتك طلع فيها مشكله بالجير .. وإنه فيه قطعه خربانه .. وإننا طلبنالك القطعه من ألمانيا قلتلهم .. يعني بتاخذ أقل شئ إسبوعين .. قالوا إيه .. قلت طيب أبي آخذ سيارتي .. وإذا وصلت القطعه أجيبها لكم .. قالوا والله ما نقدر .. حنا فكينا القطعه .. وماتقدر تمشي بالسياره ..
قلت طيب مش مشكله .. المهم عدت إسبوعين .. كلمتهم .. قالولي إن القطعه وصلت وإن شاء الله كلها 4 أيام .. والسياره تكون جاهزه ..
قلت للموظف بتعصيب
.. لو إني رايح ألمانيا مشي ولا بسيكل .. كان جبت القطعه وركبتها بأسبوع .. قالي والله حنا آسفين ومن هالكلام .. قلت طيب .. بعد 4 أيام موعدنا ..
عدت 4 أيام .. كلمتهم تلفون ..قالي الموظف .. عطني نص ساعه وأدق عليك .. قلت طيب
دق علي بعد نص ساعه .. وقالي إننا ركبنا القطعه الجديده .. بس الهزه مازالت موجوده .. وقالي إنه مازال فيه خطأ .. وإننا بنشوف وش صاير .. لأنه يمكن يكون فيه قطعه غير هذي خربانه
ومازال للقصه بقيه ..
لأنه عند هذي النقطه .. أنا واقف الآن ..
وبعد نص ساعه .. رايح لهم .. بقلب عليهم الصيانه .. وأتفاهم مع مديرهم .. لأن صيانتهم بالفعل .. فااااااااااااااااااااااشله جداً ..
وناس بالفعل .. مايحترمون أنفسهم .. ولا يحترمون زبائنهم ..
هذي قصة تحدث لي شخصياً ..
انتظر آرائكم حبايبي ..
