رآيكم بالبيــآن الجديد

الله يعطيك العافيه ياقلبي
ايه هذي امس مريتها
واكثر سياره عجبتني عند معرض اسمه كرا اضاهر برضو بالشفا موديل 2008 مامشت كثير سعرها 64الف سعر خيالي مع ضمان
بس شكلها مصدومه واسأل المصري يقول لا مفيش صدمآت ياباشا
الي له خبره بالسيارات لاتفوته
انا والله حطيت عيني على وحده مامشت كثير تقريبا 15 الف ميل 2006 بـ60 الف وش رايكم لاني ناوي اروح افحصها العصر ان شاء الله

إذا أنت من سكان الرياض ،، بكل تأكيد تعرف معارض الشفا ،، وأنت متجهة في بداية شارع المعارض يجيك البسامي ع اليمين وعلى أمتداد الشارع يجيك البيان الجديد ،،

طبعا صالة الفليج مقابل البيان الجديد ع الشارع الثاني ،، ولهم أكثر من صالة في المعارض ،،

بس الفرع اللي قلت لك عليه هو أوضح شئ لأنه مقابل البيان الجديد ،، وفي حال لقيت سيارة تآخـذ رقمها شاصها وأستفسر من راعي الجيب ،، وإذا التقرير طلع حلو ،، وأنت أقتنعت بالسيارة روح وأدفع عربون وأطلع أفحص السيارة من جميع النواحي عاد مراكز الكشف واجدهـ بالشفا ،،

ومر أكثر من صالة بعد تفرج ع السيارات وشوف فرق الأسعار ،،

لا تستعجل ترا أنا سبق وشريت سيارة ،، وأكتشفت أنها مصدومة صدمة بنسبة 75% يعني أغلب السيارة معدومة ،، بس حسبي الله عليهم يضبطونها هناك وترجع تقول كنها جديدة ،، وأستعلمت عنها بتقرير كار فاكس وطلعت منتهية ،، وصار لي حادث عليها قبل 5 شهور راحت تشليح ،،

عشان كذا أقولك يالغالي لا تستعجل بالشراء لا تنسى إنك بتشتري موديل حديث 2007 أو 2008 ،، وبمبلغ جامد شوي ،، خلي بحثك متواصل ،، ووصي ناس تعرفهم يدورن لك ،، و أحيان تلقى مواصفات سعودية بالصدفة وتكون لقطه ،،

وترا أحيان تلقى بالإنترنت إعلانات عن بيع سيارات منتهية بالتمليك ،، تلقى ناس مطلعين سيارات أجار منتهي بالتمليك ويبي يقبلها على أي شخص ،، عاد أنت إذا لقيت طلبك إللي يقنعك ،، تقدر تتفاوض معهم ،، وتدفع قيمة السيارة كاش وتتملكها ،، << مجرد رأي لأنه يحب المواصفات السعودية بس تكون نظيفة ،،

عسى الله يوفقك ،،

أخوكــ أبو أحمد ،،

جزاك الله خير يا ابو احمد
صاله الفليج وين فيه بالضبط ؟

يالغالي أنت ويش اللي معجلك تشتري سيارة وتضغط نفسك على قبل نهاية الأسبوع ،،

تراك بتدفع مبلغ وقدرهـ ،، فأنا من رأي أنك تصبر وتبحث عن شي تآخـذهـ بكل إقتناع ،،

والله نصيحه العجلة مو زينه ،،

والبيان الجديد واللي سمعته غااالي نااار وأسعارهم مو معقووله بصراحـه ،، وإن شاء الله تلقى طلبك في غير البيان ،، شف صالة الفليج ،، أركان الروعة ،، وفيه صالات ياكثرها ،،

بس الفليج حسب كلام واحد من الشباب يقول أن سياراتهم نظيفة مرهـ ،، ولو عجبتك سيارة أستفسر عن هيكلها عن طريق أخونا راعي الجيب ،، مشترك بموقع يجيب لك تقرير ،، وإذا استفسرت وطلع التقرير حلو ،، تقدر تضغط عليهم ترا ينزلون لك إذا شافوك جاد وصامل ،،

أنا والله ما أعرفهم لكن حسب ما نقل لي ،،

أتمنى لك التوفيق وتلقى السيارة الطيبة ،، بس لا تستعجل في الشراء ،،

تقبل مروري ،،

أخوكــ أبو أحمد ،،

الله يعطيكم العافيهـ
شــآكر لتجــآوبكم
انا بإذن الله ابشتري قبل نهايه الاسبوع
وابي موتر استعمال ابرتااااااح مليت
طيب كيف يعني مغير العداد ووش يدريني انه مغيره او موقفه ؟
انا الي عاجبني بالبيان ضمانهم
الله يجزآكم خيـــر مآقصرتوا

انا قبل شوي جاي من المعارض حصلت فكتوريا سبورت اسود داخل بيج
موديل 2007 ماشي 48 كيلو سعوووودي محدود ب65 الف .. بمعارض النسيم

السلام عليكم ورحمة الله وبركاته ،،،

بداية يشهد الله اني ليس لي علاقة لا من قريب ولا من بعيد من صالة البيان ، إلا أللهم إني كنت زبون عندهم وإشتريت من عندهم سيارتين خلال 4 سنوات ، والآن أنا زبون لدى ورشة صيانة البيان الجديد.

عزيزي ، أنا شاري 3 سيارات خلال 5 سنوات ، 2 من البيان وواحدة ( الأخيرة ) من صالة في مخرج 10

سيارات البيان نظيفة في غالبيتها ، وضمانهم ضمان ممتاز وخاصة ان الصيانة تتم في مراكزهم وليس في مراكز ما قد سمعت بها !

عيب البيان الجديد هو أن أسعارهم مررررتفعه ولكن سياراتهم تستاهل لكن هم بعد يبالغون بالسعر .

لكن نصيحتي لك ، أذا انت راعي استخدام وتبي سيارة تريح بالك ، وسبق انك تبي سيارة معينة ودورت وما لقيت النظيف .. فأنصحك بالبيان .

انا قبل 3 أشهر كنت أدور انفوي ، ولفيت كل الصالات ، وطبعا البيان عندهم ونظيف لكن موديل 2004 حصلته 64 الف ! والمبلغ اللي كنت راصده للسيارة كان أقل من سعرهم ، فإشتريت من مخرج 10 موديل 2005 بسعر 58 الف ( شوف الفرق ! ) لكن أشهد ان سيارات البيان اللي شفتها عندهم أنظف من سيارتي اللي خذيتها .
وطبعا اللي شريتها عليها ضمان لدى شركة مصلحة عقود مع كل الصالات وضمانهم تعبان ولا يقارن بضمان البيان !

هذا اللي عندي واتمنى أكون أفدتك

ولا تنسى الإستخارة .. وربي يوفقك .

2006 و ماشية فقط 18 ميل يعني : 27 ألف
أخشى أن يكون مغير العداد
لكن أنصحك بهذا السعر تحصل 2007

أهم شيء نضافة السيارة

الله يعطيك العافيه حبيب قلبي معلومــآت تهمني جزاك الله خير
طيب وش رايكم بـ كراون فكتوريا ماشيه 18 الف ميل موديل 2006 فل كامل
سعرهــآ 60 الف حلو ولا لا ؟
ومع ضمان كامل 5 سنوات

كما قال الشباب
1: لا تعتمد على صالة مغعينة بل نظافة السيارة
2: لا تعتمد و لا يغرك الضمان
3: افحص السيارة و خذ رقم هيكلها و استفسر عنها و خذ تقرير
4: انتبه للسعر و حاول تنزل في السعر فقد نزل لي 3000 ريال
5: انتبه لملحقات السيارة : ريموت ، رافعة ، فرشات ... حيث تسرق و تخفى
6: سعر الفل أبشن 2008 من 67 إلى 70 ألف لا يزيد على ذلك
7: انتبه للمسافة اللي قاطعتها السيارة بالميل و ليس الكيلو يعني تضربها في واحد و نصف
فلو كامن ماشية 20 ألف يعني : 35 ألف كيلو متر
8: افحص السيارة من أسفل و انتبه للصداء جيداً

بالتوفيق

اخوي مبارك عليك الفورد مقدما

اشوف الشباب كفوا ووفوا لكن باعطيك نصيحه مع صاله البيان

صحيح ان اسعارهم غاليه لكن ترا عندهم عروض صيدات ينزلونها من فتره لفتره عشان يحركون البيع في صالاتهم

ويوم الاربعاء الماضي هذا

نزلوا فيكتوريا 2007 سماوي ماشي 41 الف ميل بثمان واربعين الف وتسعميه

حطوا الاعلان في جريده الرياض

رحت الساعه عشره لهم لقيت السياره انباعت

واللي اخذها كان محضر قدام الصاله قبل تفتح

الله يكتب له فيها الخير ويعطيه خيرها ويكفيه شرها

لكن خلاصه الكلام اذا تبغى الرخيص اصبر لا تتعجل

تحياااااااااااتي

مآقصرتو الله يعطيكم العافيهـ
لكن الي عندهـ خبره بصاله معينه يقولي تكفووووون

اولا : لاتعتمد على صاله معينه كل صاله لها دهاليزها وخفاياها


لذلك لاتهتم بسمعه الصاله وان الصاله الفلانيه افضل من الاخرى

اهتم فقط ب نظافة السياره +السعر المناسب

واحرص على البحث عن السياره النظيفه والسليمه وقم بفحصها يدويا وكمبيوتريا وبالسعر المناسب بغض النظر عن الصاله وسمعتها

لكن الصالات اللي تلقى الاغلب يذمها ولو تذهب اليها وتجد سياراتهم فيها انواع التدليس ابعد عنها

وبالنسبه للضمان لاتاخذ عليه اذا جا وقت الجد وتعطل شي بالقير ولا بالمحرك الغالبيه يقولون لك سوء استخدام

ولو تسائل احد الصالات عن صاله اخرى ستجد الغالب يذم في الاخر ويطلع خفاياهـ


وبالتوفيق

واخيرا ينقل الموضوع لقسم الطلبات والاستفسارات بالنادي الامريكي

طيب حاول تروح لمعارض ثانية في الرياض ، عندك أركان الروعة والفليج والدوحة.

اخوي بصراحة السيارة تعتمد على النظافة

خاصة انك بتشتري 2008 ان شاء الله مافيها خوف لانها جديده يعني لايهمك من الضمان

لان سعرهم جدا جدا غالي

ماركيز فل كامل فضي ماشي 19 الف انباع 67 الف وعليه ضمان 3 سنوات وتلميع داخل وخارجي مجانا

بصراحة اتوقع جده ارخص لك من الرياض واي خدمات انا حاظر

الله يكون في عونك

نعم في طريقة تجيب فيها سيرة السيارة برقم الشاصي
وفي موضوع لاخينا راعي الجيب يقدر يجبلك سيرة السيارة على الرابط التالي
http://www.assayyarat.com/forums/showthread.php?t=156750

واي خدمه انا تحت امرك

الله يعطيكم العافيه ياشباب
انا ناوي على كراون فيكتوريا
والله اسعارهم غاليه جدا مو حبتين ههههههه لكن الشكوى لله
انا بالرياض
ننتضر ردود البقيه
<<انا مستعجل ابشتري سيارهـ بس اخاف اتوهق تكون مصدومه ولا فيها بلى الله يستر

سمعت انه فيه طريقه تجيب سيره السياره من رقم الشاصي هل هو صحيح
ابي فزعتكم تكفوووون

وعليكم والسلام

هلا اخوي

بالنسبه للبيان
انا قبل شهر اشتريت من عندهم فور كراون فيكتوريا سبورت مع ضمان 5سنوات او 100 الف كيلو
وقبل اسبوعين سويت اول صيانه عندهم وكانت ( تغير الزيت و الفلتر و فحص بالكمبيوتر وفحص عام للسيارة من الاسفل )
وكانت المعامله طيبه
والى الان ما في شي الحمد لله
طبعا السيارة اشتريتها من فرع المدينه المنورة

بس عيبهم : اسعارهم مرتفع حبتين :c0214:

وبالنسبه للمعارض الي تعطي ضمان
العواجي و الجربوع (( في المدينه طبعا , وما ادري اذا كان عندهم فروع ثانيه))

واي خدمه انا تحت امرك