على وشك شراء التاهوو .. ومحتاجة استشارتكم ؟

التاهو .......... ماللناس إلا هو

إختيار جيد
الوالد يملك واحد 2007 عداده الان 88 الاف كم
ولا توجد إي مشاكل والله الحمد
فقط بدل كفرات قبل فترة قريبه

التاهو رهيب مرة واحسنت الإختيار اخت هيفاء بس لاتنسين تودينا معك كشتة للبرهههههههه امزح

أنا اللي أقول سايكويا كلمني مباشرة ليش التلميح ياخوي ؟؟

بعدين بأسألك ..انت تعرف إيش هي السايكويا والانظرتك للشكل فقط ؟ يبدوا لي انك كذا ..لكن مادمت

تعتمد في حكمك على الشكل فقط فالمفروض تتطلع على السيكويا بمواصفاتها الحقيقية أما في السوق الامريكي أو قريب عندك في دبي وبعدين تحكم , لأنك أكيد حكمت على السيارة من خلال موديلات شركة جميل اللي ماتجيب الا الأوضع والأقل دائماً.

أنا لاصنعت هذي ولاذيك ولا أدافع عنهم بدافع عاطفي ولاتعصب لرأي أبداً والله..كل مافي الامر أنها قناعة أعتقد أنها صحيحة وقدمتها على هالاساس...وأمنيتي الحقيقية ليست معرفة أين الافضل من هذه السيارات...أمنيتي لو أننا نمتلك على الاقل سيارة واحدة من صنعنا نتغنى بها ونتفاخر ونستغني عن مديح صناعة هؤلاء وهؤلاء ونستثمر أموالنا بيننا بدلا من التسابق لرميها في سلال من يستغلونا جيلا بعد جيل...هذا هو الفخر في مجال السيارات في نظري , وما عدا ذلك فمجرد مشاورات توصلنا الى الطريق ذاته...الحاجة الدائمة للآخرين والعجز عن سد هذه الحاجة ذاتيا

وتقبل تحياتي ,,,,ولو أني ماني عارف سبب الشماتة سامحك الله !!

التاهو سياره عائليه جميله وعمليه في نفس الوقت وبذات في الشكل الي هو lt الي جنوطه كبار وسعره تقريا مو متأكد 131.000

كلمة شكرا ً اشوفها قليلة في حقكم
اخجلتوني بصراحة بهذا التواصل الاكثر من رائع
باذن الله راح اشتريها و افكر حاليا ً في اللون الابيض اللؤلؤي
من وحهة نظري الخاصة انه اللون الاجمل عليها

كلمة شكرا ً اشوفها قليلة في حقكم
اخجلتوني بصراحة بهذا التواصل الاكثر من رائع
باذن الله راح اشتريها و افكر حاليا ً في اللون الابيض اللؤلؤي
من وحهة نظري الخاصة انه اللون الاجمل عليها

مين اللي يقول سكويا

الله يهديه بس ذي سيارة

اختاروا من القبح كل قبيح وحطوه في ذي السيارة

سكويا

اللهم لا شماتة

كم سعره عندكم بالكويت ؟ انا شوف اسعاره بموقع الشركه49500$
يعني عندنا بالسعوديه مع مصاريف الشحن رايح يصل لل 200000 ريال ..

الله يهديك تقول لك تاهو LTZ وتقول لها باثفندر :mad1: ايش جاب التاهو الفل للباثفندر:a1120(121): .


أنا أقول توكلي على الله أختي وإختيارك موفق. ولكن أنا أنصحك تأجلين الشراء كم شهر قدام يمكن الأسعار تنزل شوي.

بس ودي أعرف إيش اللون اللي في بالك ..؟

ومبروك مقدما.

السيارات هذي مايبيلها مشوره توكلي على الله وخذي اي واحد منها التاهو وجهيته من الامام احلى من اليوكن واليوكن ايضاُ ممتاز انا مجرب اليوكن سياره لاينافسها من السيارات العائليه إلى الان اي سياره اخرى ومثل ماقالوا الأخوان الفرق بين اليوكن والتاهو الوجهيه والأسم اما المحرك وباقي الملحقات نفس الشي وهي كلها تصدر من شركه واحده (جنرال موتورز كوربوريشن ,اي الشركه العامه للسيارات GMC ) بالتوفيق

كلام في 16 فيه كثير من الموضوعية والنصح وماراح ازيد عليه ويشكر على كلامه

رأي شخصي : فكري فالباثفندر شييي

أختي هيفاء..

والله كتبت رد طويييل مفصل إستغرق مني اكثر من ساعة تقريباً لأن أحببت يستفيد أكبر عدد ممكن من القراء إن كان في رأيي فائدة وهو عن أفضلية إختيار السيارة اليابانية على الامريكية ووضعت الاسباب والأدلة....لكن للأسف....ذهب كل جهديسدى أثناء الضغط على خيار ( الوضع المتقدم)؟؟

والله قهر..لكن يالله...وش نسوي :c0038:

عزيزتي...

أرى أن لديك قناعة مسبقة بإختيارك وهذا واضح من خلال قولك ( معذبني على الاخير ) :smilie16:

والشخص اللي في مثل هالحالة إذا استشار فهو في الحقيقة يدور بس على أحد يؤيده ويدفعه..ومايبي أحد يعطيه رأي مخالف..و ممكن يكون حتى هو مو منتبه لهالشي ؟؟ لكن عموما ..

نصيحتي لك ولك من تأثر بمنظر التاهو واليوكن وباقي سيارات جنرال موتور كلها أن يهرب منها كما يهرب من الأسد , والسيارات الامريكية عموما وهذا عن تجارب طويلة معها وليس تجربة واحدة بالاضافة الى تدني مستوى جودتها في السنوات الاخيرة أكثر من السابق بسبب الازمات المالية وهذا ألزمهم بتخفيض كلفة الانتاج على حساب الجودة وحاولوا التغطية على ذلك بالاهتمام بجمال سياراتهم وبهرجتها من الداخل والخارج وهذا واضح جدا في السنوات الاخيرة زبائنهم يعرفون ذلك جيدا وأتمنى أن تأخذي آراء المجربين من حولك أولاً , لكن إن كنت تصّرين على الامريكية فعليك بمنافس التاهو واليوكون المباشر وهو الفورد أكسبيديشن وهو أفضل منهما بمراحل خصوصا من ناحية الخدمة وقلة الاعطال << بس مو أفضل من الياباني خلي بالك .

أما ما أقترحه عليك بقوة..ولو كنت مكانك لما خرجت عن سيارتين هما :

1 / تويوتا سايكويا :
سيارة جبارة بمعنى الكلمة , جودة صناعتها عالية , موثوقة ويكفي انها من تويوتا , بالاضافة الى سعتها الداخلية وتميزها كسيارة جديدة في اسواقنا وهي افضل خيار في نظري كسيارة عائلية .

2 / نيسان أرمادا :
وإن كانت أقل جودة من السايكويا إلا أنها تنافسها بقوة وهي بديل مناسب و أفضل بكثير من التاهو واليوكن خصوصا على المدى الطويل.

ومع إن السيارتين مصنوعتين بأمريكا أيضا لكنها أفضل من السيارات الامريكية بالطبع


فإذا بغيتي الراحة والفكة من الاعطال وسيارة تخدم صحّ وتحفظ المبلغ اللي تستثمريه فيها فعليك بالياباني

&

وإذا تبين الرزة أيام وبعدها عطال وعوار راس وروحة وجية وخسارة راس مال فإشتري التاهو .

وإذا كانت التاهو خاشة راسك بقوة :c0214: فتوكلي على الله بس إحسبي حسابك إنك خلال سنة أو سنتين بتكونين زبونة دائمة عند الورش وقطع الغيار.:a120(115): .وعند الرغبة في بيع التاهو فبتكون الخسارة أكبر مماتتوقعين خصوصا في الامارات...إذا كان هذا مايهمك فتوكلي على الله .

لاتنسي:::

أن ترك شراء السلع الامريكية في هذا الوقت وفي وظل وجود البدائل هو مطلب شرعي يؤجر فاعله بإذن الله تعالى والله أعلم سبحانه .

أسأل الله تعالى لك التوفيق

وتحياتي للجميع .

انا اقول لو تاجلون الشراء كم شهر يكون افضل

اختي هيفاء انصحكي ان تشترون يكون لن ولد خالتي شاريه والله دلع انصحك ان تشتري XL يعني كبير لن الصغير العادي مو زين يطلع شكله غبي واحسن الون اسود وهذا نصيحتي

تحياتي

ناسي حياتي

والله ونعم الاختيار لكن عليكي بالاستخاره اختي الكريمه

نفس الكلام
وقلي البائع ابي تاهو ltz ست سرعات وانصك بالون الأسود او الؤلؤي او الذهبي فاتح