مكيف الأوبترا أتعبني

السلام عليكم

شباب من النهاية كدا

هذا تاني كمبروسر أغيره :emot125:

ما يكمل معاي اكثر من شهرين ويضرب ثاني

غيرت أي شي يخص المكيف من إلى وكل شي جديد من مراوح إلى بلوف إلى .... و في النهاية

الكمبروسر حسب كلام المهندس دفعو ضعيف

لازم كل شهر اعبي فريون عشان يبرد وبعد شهر يرجع هوا لا بارد ولا حار

يعطيك هوا من النوع الي يقهر لاهو برد ولا هو هوا وعارفين الجو كيف عندنا ما يساعد


الكمبروسر الوكالة تقول ما عليه ضمان وانا مركبو عند مهندس في الصناعية جدة بس اخدو أصلي

يقولي المهندس في تسريب قد راس الدبوس وما يتصلح لازم كمبروسر جديد

يعني 1500 ريال

يريت احد يلحقني بحل ليش الكمبروسر يرح علي خصوصا هو الثاني

الملاحظات :
1-
لمن ادعس بالسيارة فوق عداد الضغط 3 يطلع صوت غريب زي الطقطقة ما يطلع الا والمكيف شغال

الصوت هذا من اول ما طلعت السيارة رحت للوكالة رميتها واخدتها بعد اسبوع قالو غيرنا الكمبرسر

خرجت من با الوكالة دعست طلع الصوت اني قلت والله ما ارجع خلاص شكلو شي غير الكمبرسر

2- كان عندي مشكلة بالدينمو حق السيارة كانت البطارية بتخرب علي طلع الدينمو يشحن زيادة

وصار يحرق البطارية والمروحة وراح الكمبروسر الأول حسب كلام المهندس عشان المروحة واقفة

صلحت الدينمو ما اشتريت جديد لأنو غالي ب 700 ريال

3- المكيف ما يشتغل على الدرجة الرابعة ( أقوى شي ) يشتغل الدرجات 1.2.3 بس الأربعة كأنك

طافيه على ) oFF (

يريت أحد يساعدني عارف كلامي كثييير بس طفشت والله من السيارة هاذي