اسئلة مهمة عن المارودر

عذرا للمداخله : بالنسبة للاستيراد فلقد تم ايقاف الاستيراد من اميركا ولايسمح

الا بموديل 2005 واعلى والمارودر موديله 2003 او 2004

وبالنسبة لسعر المارودر اذا كان به سوبر شارج فسعره جدا مناسب

وخاصه اذا كان نظيف فهو لا يفوت ابدا والله يوفقك

أخوي 3z algnob
الله يعطيك العافية
طيب إذا أخذت من أمريكا كم بتطلع تكاليف السيارة حتى وصولها للسعودية

والله أنا أخذت قبل 5سنوات كراون فيكتوريا من صالة نسيم رغدان من الطائف
والحمدلله توفقت في السيارة وإلى الآن معي زي الحلاوة
بس لما شفت المارودر دخل براسي وقلت أبغى أتمتع بهالسيارة
وبيني وبينك خايف لا يكون هالمرة السيارة فيها خراب
لأني شفت لها مقاطع والأمريكان يعدموها عيني عينك

فياليت تعطيني تكلفتها من أمريكا إلى هنا إذا كنت تعرف...

ومدري خويك من أي صالة أخذ المارودر؟؟؟
ومن أي منطقة؟؟؟

معليش كثرت عليك الأسئلة؟؟؟؟

دمت بخير......

اسعاره بامريكا من 10 الاف دولار الى 20 الف دولار

مع تكاليف الشحن 6500 واتعاب المكتب حسب اذا جاهزه والا يبي لها طلعه ونزله ياخذون

من 1500 الى 3000 ريال

والجمرك ياخذون 5% حسب تسعيرة السياره بالجمرك

والمواصفات ياخذون 500 ريال

بس يكون مضمون لنك بتسوي له فحص هناك ورح يكون المكتب معاك صريح

اما اللي بالمعارض فلا تدري عنها

واحد من اخوياي اخذ واحد 58 الف وطلع سولفاج ينصح في امريكا بعدم شرائه

وللحين هو يعاني من الخرابات اللي فيه وخسر حوالي 15 الف ريال للحين وله سنه معاه بس مايبي يفرط فيه

اذا تبيني اكلمه لك وتشوفه اهو بجده

مودتيـ ..................

أخوي فيصل
الله يعطيك العافية كفيت ووفيت
وربي لا يحرمك الأجر....

وانتظر بقية الردود من الأعضاء

قليل جدا ياتي بفتحه

بالنسبة لسعر قطع الغيار فالمحرك محرك موستنج وقطع غياره مماثله للموستنج ولكن يعتبر

مقارب لسعر الفكتوريا

الاكسسورات مثل الانوار الامامية والاسطبات الزوايا هذه غاليه نوعا ما مقارنه بالفكتوريا

والشبك اما بالنسبة للفيبر الامامي فهو نفس الماركيز ولكن بالنسبة للصدمات الامامي والخلفي

فاسعارها مرتفعه بسبب ان الصدام الامامي به انوار ضباب والصدام الخلفي بسبب انه منحوت

عليه كلمة مارودر ودائما السيارة المميزه او النادرة تكون محتكره بالنسبة للقطع بحيث تكون اسعار


الاكسسورات مرتفعه نوعا ما

اما باقي القطع فاعتقد بانها مناسبه ومقاربه لقطع الفكتوريا والماركيز


وارجو ان تستفسر من اخونا المارودر 2004 وكنج مارودر فهم يملكون مارودرات

ولديهم معلومات اكثر مني من ناحية قطع الغيار


والله الموفق

الله يعطيك العافية أخوي فيصل
مشكور وما قصرت
والله أني محتار في المارودر
طيب ممكن سؤال؟
هو المارودر يأتي بفتحة في السقف أو لا؟
وسعر قطع الغيار مناسب كسعر الفيكتوريا والماركيز؟؟؟؟

الله لا يحرمك الأجر....

السلام عليكم ورحمة الله وبركاته


المارودر هو خليط من الماركيز والفكتوريا والموستنج

من الامام ماركيز ومن الخلف فكتوريا والمحرك موستنج

الشاص ونظام التعليق هو نفس الشاص ونظام التعليق الخاص بالفكتوريا والماركيز

ولكن مع اختلاف في اليايات والمساعدات بحيث تكون اكثر قساوه لتعطيه انطباعي رياضي

ولرساوه اكثر في المنعطفات والطرق المستقيمه


بالنسبة لتوفره فهو موجود ولكنه نادر الوجود وتجده بالشرقيه بالرياض بجده

ولكن يجلس فتره ويباع واذكر يوجد في معرض البيان بطريق خريص بالرياض

مارودر لونه فضي ماشي 100 الف ميل بحدود 160 الف كيلو ومنظره من الخارج

جميل ونظيف ولكن كمحركات لا اعلم عنها لاني رايتها على عجالة من امري

وسعرها ب 62 الف على ما اذكر ولكن ليس عليها ضمان كمثيلاتها الفكتوريا والماركيز


بالنسبة لقطع الغيار متوفره نوعا ما لدى الحاج حسين وبعض القطع تجدها في توكيلات الجزيره

بعض قطع المحرك يجب ان تنتظر عشرون يوم لكي تاتي من اميركا


وهذه الامور تتعلق على حسب نظافة المحرك او السياره عموما

السياره كشكل جميله وقياده رياضيه تعجبك ولكن ليست بمستوى بعض السيارات الجديده من حيث

القوه ولكن مع بعض التعديلات تصبح جباره


بالنسبة لشراء السياره اذا كانت نظيفه بمعنى الكلمه فانصحك بها

اما اذاكانت غير ذلك فلا انصح بها خاصة اذا كان عمر محركها 60% واقل


وموفق خير

ارجو البحث في المنتدى وستجد معلومات اكثر عن المارودر

والله الموفق

شباب وينكم
مشاهدات 21
وردود 2
أخوي المارودر 2004 ممكن تفيدني
أو مستشار
أو فيصل

بانتظاركم
الله لا يحرمكم الأجر.....

هلا فيك أخوي
الله يعطيك العافية على ردك
بس اللي موجود بالمعرض هل هو نظيف أو متهالك
والمعرض بأي منطقة؟؟؟؟؟

طيب إذا جبته لي من أمريكا
ممكن تعطيني كل شي عن الطريقة وكم راح يكلفني؟؟؟؟؟

وأكون شاكر لك

والله لا يحرمك الأجر.....