عاجل : هل غسيل السيارة بالبوستم له سلبيات على السيارة ؟

تبي نصيحة واحد مقهور من المغاسل
ابعد عن المغاسل خير شر لابرا ولا جوا
ابعد عن البستم نهائي لامرة بالسنة ولا مرة بالدهر
واذا كان ولا بد بتغسل البدي في مغسلة خلك فوق راسهم وامنعهم انه يرش مويه والباب مفتوح احسن يدخل ماء على التابلو او الدركسون ويحدث مالاتحمد عقباه زي ماصار معاي من كم يوم وانحرقت اسلاك السيارة علي

مثل ما قالوا الأخوان غسيل السيارة من الداخل بالماء أو أي مادة سائلة غير محبذ ومن الأفضل الأبتعاد عنه وعدم اللجؤ إليه إلا في حالات الضرورة، مرة اخذت سيارتي عالمغسلة لأنه تحتها طين وعفسه من المطر كانت مدمورة،،، غسلوها وبعد يومين أخترب عندي دينو الجارج ، غيرته 1200 ريال عندي 120 دينار بحريني وقالوا لي لا تستعمل أي مادة سائلة ،، بس في بعض محلات تلميع السيارات تزيل الزيوت والأتربة المتراكمة على الماكينة بمادة الأسيد وهي فعالة وتترك لمعان على المحرك لفترة طويلة ولكن ما ادري إذا كان لهذه المادة تأثير على أجزاء ومكونات السيارة ولكن أنصحك بالإبتعاد على الغسيل نهائي وعدم اللجؤ إليه إلا في حالات الضرورة حتى ولو كان بالبخار لأنه عبارة عن ماء ساخن أكيد راح يأثر عالسيارة بطريقة ما

غسيل المكينه على قول الاخ دمار انا عندي لكزس وبتحديد لي يومين من ان غسلت المكينه والله ماشفت خير ماخليت شي الاوغيرته ولا ضبطت من بواجي واسلك بواجي وباقي تقطع كلها والله يستررررررررررررررررررر

ماهو زيت 10 الجديد وين نحصل هذا الزيت :emot125:

نرجو مرور الاخوان اصحاب التخصص على الموضوع نشوف رأيهم والله موضوع جميل

والله ماينفع الى السيارات الحديثه لوجود حساسات كثيره اما ادهي سياره قديمه خد حيفك فيه عساك كل يوم ماتقول شي

اكيد مو زين غسيل البستم لانه ينشف القطع البلاستيكيه بالسياره مثل مواسير البنزين والمكينه يكفي تنظيفها بالهواء

انا اقول الغسيل بزيت و الماء يضر بالسلك حيثو مع الحرارة يقطعها انا لا احبذ البستم الا في اوقات معينه فقط بنسبة للمكينه لا تغسلها الا وهي بارده فقط غير حارة لنها تسبب شعر يعني اصدوع في راس المكينه ومن غير كذا مشاكل الاسلاك المتقطعه والكهربا طبعن لبعض السيارات فقط

والله لا يوجد لبدي اي خبره عن مضار البوستم
اما بالنسبه للمكينه فهو مضر لانه يسب صدا للمحرك وكما قال اخي ابو ماجد البشري أن الماء يؤثر عليها طبعاً لوجود حساسات وكويلات بالسيارات الحديثه