نبغى موضوع شامل عن السوناتا ((مميزات)) ((عيوب)) ((اضافات))

زي ما قال أخوي AL KEL ولكن أنا ماخذها قبل عيد الأضحى بأسبوع بمبلغ 65600ريال كاش
مع اللوح وتأمين ضد الغير وطبعاً خدمة الطريق ....ولكن السيارة متعبتني التعليق فيها قاسي مرة... أذا أحد عنده حل :c024: ؟؟؟؟؟

الاخوان nmghamdi و AL KEL
أولا الله يهنيكم في سيارتكم ويعطيكم خيرها ويكفيكم شرها
سؤال بسيط ماهي مواصفات نص الفل ؟
تحديدا بخصوص الفتحة ومثبت السرعه والكراسي هل هي كهربائية ؟
واخيرا كم سعر الشراء عشان اقارن باسعارها الان واشوف هل فعلا خفضت او لا

مبروكين مره اخرى

السلام عليكم
انا معي سوناتا 2009 من المجدوعي نصف الفل
الصراحة قمة الابداع السيارة
بس القاهرني صوت المكينه (كناها مكينة ديزل)
يمكن لانها جديدة

اما قومتها عن الكامري ف انا مجرب مع كامري 2007 طلعت معه خط وقمت عليه

انا مشيت تقريبا 210 او تحتها بشوي وهو كان جنبي على طول بس انا متقدم عليه مع ان سيارته ماشيه اكثر مني بكثير ورايح فيها خطوط وانا حقتي ما اسافر فيها

وواحد من ربعي معه سوناتا 2006 قير عادي مجنوونه بمعنى الكلمه وربي ولا كامري ولا التيما تصف معه ابد الرابع حقها يمشي 200 وربي من زود نشاط السياره والخامس يفصل عند ال 230 وهو مو مزود بالماكينه ولا شي

السلام عليكم

انا عندي سوناتا 2008 والحمد لله ماشيه الحين 26000 الف تقريبا وما اشتكي منها ابد

بس اللي مو عاجبني فيها ابد البوري حقها جالس افكر اغيره والله

وعند المطبات فعلا قاسيه مره وانا ساكن في مخطط كل 5 م مطب تقريبا عشان العيال دايما يفحطون هناك ف جو وصكولك مليون مطب الله ياخذهم كسروا سياراتنا

واللي عجبني فيها مرره نظام عزل الهواء والله انه افضل من الكامري بمليوون مره وافضل حتى من الفكتوريا بعد من ناحية العزل الخارجي

وانا متابع صيانتها اول بأول عند الوكاله

هل الكشافات في الفل زينون ؟؟

الله يعطيك خيرها ويكفيك شرها يارب

تسلم ع المرور والتعليق

ننتظر الباقيين

تحياتي للجميع ...أنا عندي سوناتا 2009 نص فل وارد المجدوعي والسيارة مشاء الله ممتازة ولكن في بعض الملاحظات على قساوة التعليق و صوت المحرك مرتفع شوي ( تقول كنها ماكينة ديزل ) إذا أنت بر السيارة وفي أعتقدي علشان المحرك تغيير وصار فيتا2 وسير المكينة جنزير حديد. ومن داخل صوت المكينة ماينسمع هاديه جداً ،، وطبعاً السيارة مرتفعة عن الأرض شوي مو زي الكامري نازلة أكثر (طبعاً يساعد على الثبات اكثر)غير كذا السيارة ممتازة ومواصفاته حلوة. بالنسبة للسعر. إلى الأن السيارة تحت التمرين مشيت فيها 850كلم ولله الحمد ماشتكيت منها.

ياهوووووو مايصير لازم تفاعل :(

هلابك اخوي انا معي فل وع اخر المقعد من فوق في شي اسحبه يسدحها ع الشنطة

اما الكامري انا محتار مثلك بس الباقيين يقولون السوناتا اقوى

والمقاعد اي اخر المقاعد من اليمين واليسار في شي ترفعه تنسدح المقاعد وتنفتح ع الشنطة

المشكلة دورت علية بس مآآآآلقيت شي .... السوناتا اللي معي نص فل... ماتفرق عن اللي عندك

...........................................................................................................
هل السوناتا اقوى من الكامري<< اقصد بالقومة والخط... من اليوم ماني فاهم عليكم

مشكور اخوري mnaif ع المرور

انا هذا كان سؤالي عن اللمبات هل تخرب بعد فترة ومشكور على رأيك ونشوف رأي الاعضاء الثانين

اما الشاشة انا ماكنت بركبها فوق الطبلون كنت بشيل المسجل واحطها مكانه فهل هيا برضه معرضة للسرقة ؟؟؟

اي اخوي الالتيما الجديدة كلهم نصحوني ماقرب منها القديمة طلعت على توماتيك عادي مدري

اما الكامري اصحابها يقولوا الاتوماتيك اقوى من السوناتا عشان كذ1 سالت عندها وانت تقول السوناتا الاوتو اقوى من الكامرري العادي لازززم نشووف

اما الكورولا والسيفيك والتيدا اصحاب المكاين الصغيرة لما يكونوا قير عادي صدقني اخوي قوتهم جيدة مرة مع انه السيفيك مافي عادي بس مررة عزمه كويس وواحد يحلف طلع على سوناتا عواميد عشان كذ1 حبيت اسأل عنهمـ

مشكور اخوي ع المرورو الاضافة

بانتظار الباقيين

st220 مشكور اخوي عالمرور

انا عملت ترصيص وجدا خفت بس ماراحت احيانا تكون خفيفة واحيانا متكون مرة فيه

اخوي صادق الود اشكر مرورك ع الموضوع والتعليق

وانت مثلي بالرجة بس انا خفت عندي كثير مرة بها الوقت مع اني سويت ترصيص شركة وورشة بعد بس الحمد لله مرة خفت

اما البوري انا شايف انه تمام مافيه شي

والمقاعد اي اخر المقاعد من اليمين واليسار في شي ترفعه تنسدح المقاعد وتنفتح ع الشنطة

وكلامك صح انها قاسية ع المطبات

الف شكر اخوي

الله يبارك لك فيها ..
الرجه افادوك فيها الاعضاء قبلي ...
تغيير لون الطبلون ما انصحك فيه .. اتوقع تجلس معك سنة وبعدها كل يوم لمبة تطفى
صحيح حق الوكالة خايس .. بس الكهرباء بالذات مايلعب فيها . . :)
ركب استكر وجناح وزينون وكالة والليد ..
الشاشة ما انصحك فيها .. سيارتك بتكون عرضة للسرقه بأي وقت
وانا شخصياً اذا ما أحب اغير السيارة عن حالة الوكالة .. :)

بالنسبة للقومات الالتيما الجديدة ماراح تطلع عليها إلا اذا صاحبها مايعرف يسوق او سيارته مو نشيطه
لان الالتيما الجديدة قوية جدا ..
الكامري تطلع عليها وانا مجرب على كامري قير عادي بعد
السيفيك والكورولا نفس الشي
التيداما اعرف مستواها صح

وخل عنك المقاومات وحوسة كهرباء السياره ( شاشة وتغيير انوار ) ترى كلها سنة وتطلع لك مشاكل الدنيا فالسياره والسبب حوسة كهرباء ..

بالنسبة للكفرات اعمل ترصيص في الورشة واحتمال كبير انها تعقل

...

السلام عليكم...
تسلم يمينك ياخوي موضوع رآآآئع..
طبعاً انا معاي سوناتا 2008 لها معي شهر.. أخذتها وكالة<< تبي تقولون ليش ما أخذ 2009
ما أخذت 2009 لأنها مانزلت عندنا في تبوك ... والى حد الان مانزلت ...
يقولون نزلت 2008 مطور نفس 2009 بس ما أعجبتني مواصفاتها ,, او بالاخص القيمة ...
راح اتكلم عن الايجابيات...
1- راحة ...
2- ما تصرف بنزين ...
3-العزل الصوتي جداً جداً ممتاز ...
4-قوة وعزم جيد... مقارنة مع قريناتها
5- صوتها رآآآآئع
والايجابيات كثيييييييييييييييييييييييرة ....
اما السلبيات ...
1- انا عندي رجة بعد 120 ...
2-عندي صوت بالطبلون الخلفي...
3- انا ما أدري المراتب الخلفية تنفتح على الشنطة ولا لا...
4- قاسية عند المطبات
5-البووووووووووووووووووووووووووووووووووووووووووووري بشع
بس هذا اللي يحظرني....
بعدين ابي اعرف ليش السوناتا ما تتعدى 2010....
ولكــ، تحيتي يالغلا

هلابك اخوي دبدوب :)

ومشكوور ع المرور

اي موضوع السرعة لاحظت انها بتتحسن كل مازاااد مشي السيارة :)

يسمنووو ع المرور