( ( الــجـــمـــس الارهــــابــــــي ) )

إنتعاش · 2008-10-19T04:31:46+03:00

الشباب هنا من كثر ما يحطون صور الجموس الصراحة هيضوني وذكروني بالارهابي اللي كان عندي وبعته من سنه تقريبا :( تفضلوا شوفو صور كحيلان جبته من امريكا طلب خاص لأنه ماينزل الخليجVortec 6.2L V8 Engine الاحصنة : 402 http://www.qatarshares.com/vb/attachment.php?attachmentid=22271&stc=1&d=1195652231 http:/

ZAID ZAID @user_51168 · 20-10-2008

جبااااااااااااااااااار

Microsoft @user_17932 · 20-10-2008

أعرف واحد لو شاف الصورة هذي

تجيه سكته قلبية سريع سريع

:D

wisdom seeker @user_56983 · 20-10-2008

موتر مخيييييف:emot177:

الله يعوضك بالأحسن منه

مشكور على الصور

C300-SRT8 @user_24687 · 20-10-2008

بصراحه السييرا الجديد اتعب من جاء بعده ومع براعة التصميم المذهلة له اضف الى ذلك انه دينالي وبقوة تفوق ال400 حصان ومقصورة بدون ادنى شك انها الافخم في عالم البيك اب
معوض بخير منه
موضوعك حلو ويبرد القلب ولكن الاحلى عودتك الى المنتدى بعد فترة انقطاع طويلة

تحياتي

أبـــوبـــدران @user_19528 · 20-10-2008

ما اقول الا .. ماشاء الله تبآرك الله

الله يطعمك من خيره ويكفيك شره

وحش , رهيب , رايق .. وش اقول وش اخلي

:)

الله يعوضك باللي احسن منه , مع ان هالمواتر ماتنباع
.
.

TheeeB @user_61647 · 19-10-2008

ما شاء الله تبارك الله موتر مللللك من جد

ولو يجي منه قير عادي 6 نمر بعد اوووووه يصير ملك لابس تاج

الله يعوضك خير يا الغالي وتم التصويت

تحياتي

M S H 3 L @user_50244 · 19-10-2008

ماشاء الله تبارك الله وبصراحة خسرت في البيعة لكن الحمد لله ..
تستاهل التقييم يالغالي :)

M3 e92 @user_64785 · 19-10-2008

ما شا الله تبارك الله،،،

الله يرزقنا،،

تحيتي

إنتعاش @user_2341 صاحب الموضوع · 19-10-2008

هاذي صور الجنوط الأصلية للسيارة مقاس 20

ثامر_قطر @user_126594 · 19-10-2008

تبارك الله
صدق لين قالوا هالنوعية من المواتر "مواتر مزاج وطربة راس"
تلقى الواحد عنده مرسيدس او اي سيارة فاخرة بس بنفس الوقت عنده وانيت كلاسيك او جديد مضبط مثل "ارهابي"

مشكور أنتعاش على هالصور

Under_net @user_45523 · 19-10-2008

هلا هلا أخوي انتعاش العضو المتألق في منتدى الأسهم .. طبعا أنا مغير اسمي هنا :smilie6: ومابتعرفني

ماشاء الله على الجمس

اذكر إني شفت هالجمس في قطرشيرز و مثل ماقالوا الشباب وحش الموتر ..

والله يهني راعيه اللي شراه

إنتعاش @user_2341 صاحب الموضوع · 19-10-2008

الله يرحم والديكم ويبارك فيكم اخواني الاعزاء على هذا التفاعل الرائع والجميل

السيارة الله يطول بأعماركم حسب ذاكرتي المضروبة

وصل سعرها إلين قطر : 210 الاف ريال قطري = 216 الف ريال سعودي .

التكلفة حسب الآتي :

170 الف ريال قيمه السيارة
8500 قيمة الشحن لقطر
تم اضافة جنوط 24 مع كفرات من امريكا نفسها
اضافة غطاء للبدي الوراني .. ( بالريموت كنترول يفتح وفيه هيدروليك ) تصميم خاص
شكامين تصميم خاص للسيارة .. لأن ما نزل وقتها الاكسسورات من الشركة .
النيكل على السياره من دواسات للركوب و المرايات و الابواب والخلفية

طلع كله على بعضه واصل قطر موصل مع الجمارك مع مع مع مع مع

210 الف ريال قطري تقريبا ً

السيارة هاذي لو اقول مجنونه شوي ..
لو اقول تطرب شوي ..

لكن قدر الله وبعتها لأنني توهقت فيها من ناحية الحجم ودفاشة السيارة الحقيقة قلت دام
الامريكي ماله سوق عندنا في قطر صرفتها وبعتها بخساره طبعا ولكن بعد ماطاب خاطري منها
من ناحية السواقة والتجربة والحقيقة رااااائعه

الجنوط اتفق معاكم الجنوط الاصلية افضل واريح للسواق ..

صوت الشكامين كان خرافي .. يبكي تهىء تهىء ..

وهاذي صور السياره اللي كنت اتابعها وهي في كراج في امريكا ..
لأنني لست في امريكا ولكن عن طريق صديقي لديه معارف هناك سوو لي كل شي ..

الكراج هذا عملنا فيه كل شي من جنوط و غطا البدي - الصندوق - والنيكل و الدواسات
والشكامين .. وايضا ً ( فتح عداد السرعة + تضبيط كمبيوتر للضغط والمكينة ) بحيث انها تعطيك
زيادة في الاداء . وبرمجيات الصراحه اجهل فيها ولكنني قلت يالله براسك .. لأنه نصحني فيها ..
مشت معي السياره حول 3000 كيلو او 5000 ما اذكر بالضبط وراحت لنصيب الغير ..

والسيارة بعتها الصراحه 170 الف ريال وقلبي يبيها ولكن ان شاءالله لي عودة على الامريكي
بروقان اكثر و بفن اكثر لأن الصراحة .. هيبة و جبروت الجمس .. والله مابعده ياناس ..

هاذي صورها في الكراج بأمريكا

طالب الادارية @user_21501 · 19-10-2008

ما شاء الله تبارك الله موتر ارهــــــــــأبي ... ويا عيني على صوته :a120(89):

Y A S S E R @user_31184 · 19-10-2008

ماشاء الله تبارك الله

الموتر روعة والجنوط ذوق لا اله الا الله

abdulmuhsin @user_110696 · 19-10-2008

ماشاء الله تحياتي للـ GMC

L Y O @user_80504 · 19-10-2008

مــــاشـــــــاء الــلـه

Sierra Denali
2008
L 6.2 V8 403 hp
leather , DVD , NAV
210,000 درهم
P.O BOX:10161
jeddah . saudi arabia
E-mail:mashmotors@yahoo.com
mashmotors.com
all cars per - order

تم التصويت
ارهااااااااابي مجنوووووون

بارك الله فيك
تقبل تحياتي

Genius_m @user_33175 · 19-10-2008

ماشاء الله

السياره مضبوطه , وليش يا بو انس احسن شي الجنوط |1|

أفضل بيك أب موجود هو السييرا في نظري ,,

تحياتي,,,

daij88 @user_124008 · 19-10-2008

ما شاء الله عجيب

D R I V E R @user_42218 · 19-10-2008

ماشاء الله لا حول و لا قوة الا بالله

الجمس جميل جدا (ارهابي)

وتشتري احسن منه ان شاء الله

تحياتي

A L H A M O O R @user_17724 · 19-10-2008

ماشاء الله تبارك الله

صدق من قال الجموس عز

الله يعوضك باللي ازين منه

الموتر كامل والكامل وجهه

تعديلات رايقه وممتازة تدل على ذوق رفيع

تحياتي لك اخوي واذا عندك صور اكثر لاتحرمنا