هل يستحق الانفيتي سعره المرتفع !؟! الرجاء الدخول والمناقشه

بصراحة السيارة غنية عن التعريف ، هي انجح سيارة في انفينتي لاحظوا مع ان الوكيل للاسف ، لكن يظل هناك اقبل على هذي الفئة من انفينيتي والسبب الشكل الرائع والشبابي بدرجته الاولى ، خاصة مع الجيل الجديد فلا تعليق على المواصفات الرائعة والاول من نوعها ، السيارة في جيلها الجديد جمعت كل شيء من انظمة سلامة إلى مواصفات جديدة مثل الرؤيا الشاملة والسبع تغييرات وايضاً المحرك السبورت 390 حصان V8 والشكل الجمالي للمقصورة الداخلية بتصميمها الملفت للنظر والمواد الموضوعة بكل عناية وحرص على لفت صاحب السيارة انه يستمتع بأعلى مقاييس الفخامة المترفة وبالنسبة لسعرها اللي يعرف مواصفاتها بالكامل يقول ان سعرها مناسب وليس مبالغ فيه طبعاً في قطر تجاوز سعر FX 50S الــ250الف ريال ، لكن اظل اقول السيارة تستاهل فمابلك ان سعر الــFX عندنا في السعودية ارخص سعر مقارنة بدول الخليج ، فالشيء اللي حبيت انوه عليه بهذهي المناسبة ان سعر لكزس LX570 ضرب 360الف ريال يعني بسرعه تجيب سيارات فخمة ومن ضمنها بورش كايين بنفس السعر ولا احد علق على الموضوع هذا هو الإرتفاع الحقيقي الفرق بين الجليلين للكزس هو 110ريال سعودي زيادة هاه وش رايكم ياشباب بالله هذا عدل طيب الفرق بين جيلين انفينيتي هو 35000ريال مع مواصفات وزيادات فريدة من نوعها ومقارنات بسياراة فارهة المانية مثل X6 والرانج روفر ، سيارة راح تأكل الجو على المنافسين والسبب المواصفات زائد السعر المناسب جداجدا ً .

وتقبل تحياتي ،،،

ههههههههههههه
معليش اخوي بس انا ممكن احلف انو انت ماتعرف شي عن السياره معليش
اجل ايش الى يستحق برايك؟؟

لاوالله مايستحقه ابداً ابداً

205 الاف على ايش ان شاء الله ؟؟؟؟

^
^
نزول السعر يحدده السوق في منطقتكم ونوعية الوكيل،، اذا كان وكيل غير جيد، فراح يطيح سعر السيارة لان اقبال الناس على سيارة مستعملة من وكيل سيء راح يكون اقل تفادي للتعامل مع الوكيل السيء مابعد الشراء.....

في مناطق اخرى، مثل الدوحة، في واحد شفته مرجع انفنتي FX35 موديل 2008 وكان شاريها 170 الف،، والاخ كان مرجع سيارته على اساس يبدلها بموديل 2009،، فكانوا في الوكاله عارضين عليه ياخذون منه السيارة ب 140 الف.... اعتقد 30 الف نزول في السعر شي طبيعي وخصوصا ان الموديل تغير مابين 2008 و 2009.

رجل الظل طرح نقطه مهمة جداً، وهو ان في سيارات منافسه،، وخصوصا ال BMW X6 بو 6 سلندر هذي اعتقد اني لما رحت الوكالة كانوا حاطين سعرها 320 الف على ما اتذكر ،،، اذا ما كان اكثر.......

طيب محد تكلم عن موضوع السعر ليش؟
لان السيارة BMW وزباين ال BMW في العادة متعودين على دفع مبالغ مرتفعه،، لكن اذا بتتكلم عن Infiniti فانت اتقول نيسان على استحياء،، وبيدخل في الموضوع بعض من محبي Infiniti ومحبي السيارات اليابانية بشكل عام، والفئة هذي من الناس ما هم متعودين على الارقام الكبيرة الي تعود عليها عشان السيارات الالمانية،، لذلك من الطبيعي انك قرا او تسمع بعض الشكاوي عن الاسعار.

انا معجب فيها كشكل وفخامة من اول جيل لها

بس الي محيرني فيها طيحه سعرها .. تطيح 50 الف بعد سعرها

ولقيت موديلات مختلفة في المعارض وممشى اقل ... وطايح منها حول 50 الف من سعرها الاساسي

يعني .. لو تفكر تشتري لا تفكر تبيع الا بعد مرور سنوات

اخوي اول شي الل يباركلك في اختيارك
ثانيا انا معايا fx50s وبدون حلفان السياره تستحق كل ريال يندفع فيها وهادا مو رأي لوحدي

ثانيا الى يقول انو سعرها مررره كتير علها والكلام دا . الان الانفينيتي بيقارنوها بسيارات زي الx6 والكاين والرانج سبورت والانفينيتي بتتفوق عليهم في نواحي كتيره بغض النظر كن انو هادي الماني وهادي ياباني لانو بطلوه هادا الكلام والتجارب اثبت صحه الشي دا طيب اذا اتفوقت عليهم الانفينيتي شوف كم فرق السعر بينها وبين سعر هادي السارات مثلا الx6 فوق ال370 ليش ماقالو عليه غالي والرانج قريب ل400 والناس ماعملت شي ايش معنا الانفينيتي يقولو عنها سعرها عالى
بالعلم انو الانفنتي هى صاحبه ارخص سعر بالنسبه لمنافستها

هل كلامي صح ولاغلط
ونحن هنا للحوار لاللجدال وشكرا

الانفينيتي من السياره اليابانيه النادره اللي تجعلك تدفع لأجل مواصفات وجودة .. ليست لاجل شعار واسم فقط :)

الشي الآخر لاتنسى انك تتكلم عن أعلى السيارات اليابانيـة جودة ..

تتكلم عن سيارة تخطت اللكـزس في الجودة :)

لذلك لك ان تذهب لأقرب وكيل لكزس وترى أسعار سياراتها المبالغ فيها بقوة ..

مانقول غير .. الله يرزقنـا بـM45 :)

^
^
^
شاشة اللمس موجودة في الثنتين ، فقط الـ FX35 اللي بدون ملاحة ما فيها شاشة لمس

السياره عزيزي تستاهل كل ريال ينحط فيها ..
وبالنسبه للخرابات فمنذ الجيل الماضي لم نسمع بأي خرابات أو مشاكل مصنعيه في الـ FX
السعر متوقع إنه راح ينخفض بعد الدفعه الثانيه .. لو تقدر تصبر إصبر ماوراك شيء !

جيب ليكزس ( الكورولا المضخمه ) لايقارن بالجيل الماضي من الـFX فما بالك بهذا الجيل المتطور في كل شيء .. يعني ترى الليكزس لو تفكر فيه لحظه وتنسى الإنفينتي تعتبر غلطت في حقك نفسك ياخوي !

الفروق بين الـ 50 وال 35 كماليه وليست جوهريه .. لكنها تستحق سعرها
مثل المكينه الجباره طبعاً إذا تقدر هذا الشيء .. والجنوط .. ومثبت السرعه الذكي .. وشاشه اللمس .. خيار التحكم في التعليق ( أهم نقطه بصراحه ) .. هذا غير بعض إضافات الكروم على أجزاء من السياره فقط في الـ 50s



بالتوفيق لك ياخوي ..
ولاتنسى تستخير قبل كل شيء ..

والله يالغالي انا اشوف السياره تستاهل واذا عندك حق 50 لا تشتري 35 لان الفروق كبيره وبصراحه تستاهل ٣٥ الف ..

اول الفروق الماكينه .. والجنوط ونظام التعليق اختياري بين رياضي ومريح ونظام الرادار المحيطي بالاضافه الي فتحات التهويه الجانبيه لونها غير ولون الاسطبات اعمق في الـ50 .. بالاضافه الى مميزات ثانيه ماتحضرني الحين .. بس اشوف انها تسوى الفرق ..

بصراحه مهوب غالي

لكن أنا ضد الاسراف وبهذا السعر تستطيع شراء أفضل سيارتين

وفقك الله والجميع

سلام

بس من اي ناحية حكمت ان سعرها غالي

مواد داخلية عالية الجودة
سوو مقارنة بين ال FX50 و ال X6 تفوق الاتفينتي بغالب الاشياء



السيارة تستحق كل ريال ينحط فيها

السيارة روعة بصراحة وأنا أعتبرها من أروع السيارات

وهي تتربع على قمة سيارات الكروس أوفر الفخمة

لكن ومن وجهة نظري الشخصية القاصرة

200 ألف على FX35 كثيييييييييرة مرررررة

اعتقد ان سعر الـ 2008 اللي هو 170 ألف نوعاً ما مناسب

لكن بتجاوزها هالسعر فهو مبلغ مبالغ فيه بصراحة

وارجع واقول وجهة نظر شخصية :)

و عليكم السلام و رحمة الله و بركاته

سبحان الله ، ناس كثير تقول غالي !!

انا أبي اسألك سؤال يالغالي و اتمنى انك تجاوبني بصراحة : كم تعطي FX35 فل كامل و FX50s الجديد ؟ ابيك تعطيني سعرها المستحق بنظرك

السيارة اللي كانت عندنا كانت FX35 فقط و كانت بـ 170 ألف ريال ، الـ FX45 لو كان ينزل بالخليج ترى ما راح ينزل عن الـ 200 ألف ريال

الناس استغربت من طلعة السعر من 170 ألف إلى 236 ألف مرة وحدة وهم قاعدين يقارنون بين طراز الـ 6 سلندر و بين طراز الـ 8 سلندر وهذا أكبر غلط ، قارن الـ 8 بـ 8 سلندر

يعني لو قارنا الـ 45 بالـ 50 راح نلاقي فرق حوالي الـ 35 ألف لكن مقابل هالفرق بالسعر وش راح نلاقي ؟ راح نلاقي التالي : جيل جديد + نظام ملاحة + بلوتوث + شاشة لمس + نظام الرؤية المحيطية + تبريد و تدفئة مقاعد + جنوط 21 بوصة + تصميم داخلي أفخم بكثير من السابق + جهاز التحكم بالتعليق + نظام AFS + مثبت السرعة الذكي ، أضف لذلك ان السيارات اليابانية أسعارها مرتفعة ، كل هذا ما يستاهل 35 ألف ؟

سيارات اللكزس اللي أسعارها ارتفعت 50 و 60 ألف ما احد قال انها ارتفعت ، اللكزس حلال و الانفنيتي حرام ؟

نصيحة لله اذا انت تقدر على الـ 50 خذه و لا تتردد

والله من وجهت نظري سياااااارة تستاهل ( شكل ماشاءالله وجودة غنية عن التعريف )
الله يوفقك للي فيه الخير

ياليت اقدر افيدك!!
بس بالنسبة للسعر شركة انفنتي اخذت جائزة السعر المثالي لسياراتها...
وسعر ال اف اكس مناسب جدا بالنسبه لمواصفاتها وجودتها...
الله يطرح في طريقك البركة...