السلام عليكم ..
اسمع الكلام اللي يجمد على الشاريمكن انا اكثر واحد طلع لوحات طويله لي ولأخواني وللبيت واروح مع اخوياي بعد ... المهم
المكتب اللي يقولك ارتفعت وانك لازم تدفع 300 هذا نصاب
حبيبي انت قدامك حلين الاول بوصف لك المكان اللي تاخذ منه اللوحات
والحل الثاني بوصفلك مكتب محترم ماراح ياخذ الا 200 100 لوحات لان الوحده بـ50 مو بـ100 والـ100 الثانيه هي اتعابه وانت اختر اللي يريحك من هالحلين ..
اللوحات الطويله تصدر من مكتب التموين التابع للمرور في عليشه ومكانه كالآتي ..
تجي من طريق الامير تركي متجه جنوب بتجيك اشارة طريق خريص روح على طول بتجيك اشاره روح على طول ثاني اشاره هي حقة بلدية المعذر تلقاها بوجهك روح يسار وبعدها بيجيك دوار الناصريه روح يمين بعدين الطريق اجباري بيوديك يسار بتصير في شارع يسمونه الحزام روح على طول لين ثالث اشاره اللي هي اشارة جامعة الملك سعود للبنات روح على طول بعدها راح يجيك شارع على يسارك غريب شوي سايدين وكلهم جاين روح على طول بتلاقي التموين على يمينك وقف موترك وانزل ولا تفك اللوحات ولا شي روح انصالك واحد من اللي واقفين برا وماسكين جوالاتهم عطه 130 ... 100 رسوم اللوحات و30 عشان يسددها لك بيطلب منك الرقم التسلسلي حق سيارتك وبتجيبه انت بإرسال رساله على رقم معين فيها رقم بطاقة احوالك ولوحة سيارتك تجيك رساله فيها الرقم التسلسلي واذا انت تبي توفر 30 وعندك حساب في البنك الاهلي سوها انت من الصرافه او الهاتف المصرفي ... بعدين تدخل على التموين وتروح الدور الثاني تعطيهم صوره من الاستماره و يعطونك وصل بالنسبه لموعد الاستلام قدامك حلين يا تاخذها في نفس اليوم او اليوم اللي بعده وهذي انت تقررها يعني لو تبيها في نفس اليوم لازم تجيب لهم صورتة الاستماره والطلب قبل الساعه 10 الصبح اما اذا تأخرت لين بعد الساعه 10 ماراح تطلع لك الا من بكره في موعد التسليم تجي وتفك لوحاتك راح تلاقي واحد معاه فان كل يوم بعد الظهر موجود يفك لوحاتك ويركب لك اللوحات الطويله ونصيحه ركب عنده لانه فنان فيها له في هالموقع فوق 6 سنوات اذكره من زمان وهو فيه ...
الحل الثاني روح لمعارض النسيم الشارع الاول اللي فيه جود والشلال راح تلاقي على يسارك في معرض اسمه مملكة السيارات مملكة العربه المهم شي زي كذا عنده مكتب اسمه الحردان تعطيه لوحاتك اليوم وبكره تجي تستلم الطوال وتدفع له 200 بس مو 300
بس عيب المكاتب انهم راح ياخذون اللوحه اليوم ويجيبونها لك بكره يعني راح تجلس 24 ساعه بدون لوحات
وها تونا راحين له عشان موتر واحد من العيال اول رمضان طلع لنا اللوحات بـ200 ريال 100 له و 100 للمرور..
اتمنى اخوي اني أفدتك في الرد واتمنى لكم التوفيق ...
مخربها ...
يشيخ الله يوفقك ويستر عليك ويرزقك ويحفظك ويكفيك شر هالدنيا ويفتح لك ابواب فضله ويغفر لك ويغفر لوالدينك ووالدينا اجمعين ..
الله يشهد انك ماقصرت جزاك الله خير وبيض الله وجهك ..
وربي مادري شقــول .. كفيت ووفيت الله يطول بعمرك ويرزقك كل ماتمنــاهـ ..
بس ماقلت لي بارك الله فيك اوقات دوامهم متى برمضان لاني بروح لهم السبت بحول الله
