الفورد عذبني ((تكفون))

ركز على أسلاك البخاخ واسلاك الكويلات يمكن يكون واحد منها مو راكب مضبوط وذلك بسبب القفل اللي يخليها ماسكه في الفيش مكسور حرك الأسلاك يمكن تضبط معاك

ابشركم غيرت الكويلين الباقية

وماشاء الله تبارك الله 100%

بارك الله فيكم جميعا

اخوي جزاك الله خير
الطريقه الصحيحه فالكويلات انك تغيرها كلها مو البعض
مع العلم انك اذا غيرت بعضها راح يكون ومشي حالها
راح يكون هناك قصور فالبعض وراح تغيرها بعد فتره بسيطه
على فكره الكمبيوتر ما يطلع الكويل اضعيف بس العطلان اللي يطلع
والمشكله اللي عندك واضح انها كويلات
والدليل انك لمن تدعس تحس ان السياره مكتومه

ان شاء الله هي اللي باقيه 2 وانشاء الله بغيرهم

أخوي غير الكوايلات الباقية كلها والبواجي وبإذن الله راح تنتهي التفتفة

اخوي غير الكويلات لا تغير شي وتخلي شي اكثر اعطال التفتفه فالفورد من الكويلات
انت كذا او كذا راح تغيرها واذا ما تبي تخسر شي الا وانت متاكد اعطيك حل
شف احد اصدقائك ومعه نفس السيارة وحالها مزبوط جرب الكويلات حقته وبعدها جرب حساس الهواء لين تتأكد من لعطل ولو اني اجزم انه الكويلات

اسمع وانا اخوك انا خبره في الفوردات وما راح ازيد على كلام اخواني السابقين الا حاجه بسيطه
اذهب الى وكاله الحاج حسين وقلهم ابي فحص كمبيوتر ترا الكمبيوتر الي عندهم يختلف عن الورش العاديه انا جربت وفحصت عند الورشات كمبيوتر وقالو لي فيه كويل خربان صلحته وماراحت المشكله وانا اشوف السياره ماهي صافيه المهم رحت للحاج حسين وطلع 3 كويلات خربانه والبواجي وسط صلحتهم عندهم والحمد لله الموتر تمام
وطريقتهم يفحصون السياره كمبيوتر ب 150 ريال ويعلمونك وش في السياره اذا بغيت تصلح عندهم ما ياخذون فلوس فحص انت افحص واعرف المشكله واذا الميزانيه تسمح صلح عندهم تراهم يعطون ضمان على التصليح 25 الف كيلو نصيحه رح افحص عندهم

انا قد صارت معي يابعدي على الماركيز 2005 ..

نظفت البخاخات + غيرت البواجي واسلاك البواجي والحمد لله ظبطت معي ..

ان شاء الله اني افدتك ..

انا الي اعرف خراب موترك لاتعب نفسك وتغير كويلات واشياء مالك فيها لزوم انا عاصرت الفورد لاكثر من 10 سنوات
الخراب عندك في الثلاجة فيها تهريب وهي الي تسبب التفتفه ورح افحص عليها وشكلك من الناس الي شغل ومش في الصباح وبذات في البرد هذا والله اعلم

وكلام اخواني على متمة في طريقة الكويلات

بس الي اعرفة ولازم يكون انك تغير جميع الكويلات وذلك لعدم وجود ضغط
جديد وقديم

وغير بالمره فلتر البنزين Fule Filtr

والبركة في الاخوان جميعهم

اخوي انشالله الحل عندي وهي مثل ماصارت لي انت من كلامك التفتفه ماتجي على طول معناها من اثنين انا الي صار قبل عندي كويل مجروح الجلدة حرج بسيط وماتطلع الا معا الدعس لانه تبدا الكهربا تتهرب من الكويل ويتفتف والكمبيوتر مايطلعها والشيء الثاني غير فلتر البنزين يكون وسخ ومعا الدعس ينسد المجرا من الوسخ وشكرا

طريقة فحص الكويلات يدويا
شغل السياره اخوي وخلها تصير حاميه
وبعدين فك السلك الواصل للكويل وشوف وزنيه المكينه هل تغيرت ام لأ
طبعاً لازم تتغير اذا الكويلات والوصلات سليمه, رح تشوف المكينه بدت تهز
اذا ماتغيرت وزنية المكينه او حسيت كان التغير خفيف ,معناها في مشكله بالكويل !!!
وجربهم واحد واحد

تقريبا يمكن تكون من احد الكويلات يكون ضعيف بس مايطلعه الكمبيوتر زي ماقال الاخ ابو سراب

لاكن فيه موضوع للاخ المشرف اهلا اهلا جلست اسأله عن طريقة فحص الكويلات يدويا لكن نسيت في اي موضوع بدور عليه واذا حصلته بعطيك

انت افحص يدويا وان شاء الله تطلع المشكلة

اخوي مو ضروري يكون الكويل التعبان يطلعه الكمبيوتر
ممكن يكون في واحد نص عمر وهو سبب المشكله ومو ضروري يطلعه الكمبيوتر

أخوي اذا تكبس مرة وحدة وانت ماشي بالسيارة اتصير اتفتف ؟؟ احتمال كبير مضخة البنزين ، شوف يمكن باقي الشباب يفيدونك ،،،

اخي العزيز

كان عندي فكتوريا جنني بالتفتفه وخسرت عليها اكثر من 5000 ريال وماراحت

لكن هل غيرت الكويلات كلها ؟؟؟؟

اعطني بالتفصيل وش غيرت فيها وكيف طريقة التفتفه؟ وعلى اي سرعه ؟؟

وتذكر اخي عندك سلك للكويل وسلك للبخاخ بجمب بعض لكل سلندر
شيك عليهم كلهم
يعني 16 سلك