أفضل ورشة فحص كمبيوتر بالرياض

السلام عليكم ، أنصحك تروح لورشة تركي التركي موقعهم قبل تقاطع طريق أبو بكر الصديق مع طريق الامام سعود بن عبدالعزيز بن محمد ( مخرج 9 )

قصدك كل الورش متشابهه اجهزتهم ..
والا الفرق فيه مليون فرق .

شكرا لك وسيتم أضافتك ..

يارجال العالم تطورت وحنا باقي على حالنا .. تصدق البناشر في امريكا ماعندهم حفرة زيت ؟؟
يرفع لك السيارة ويشبك لي في الصره ويشفط الزيت في خزانات خاصه والزيوت عندهم بالسطول مثل براميل القمامه عندنا
يعني سيارتك تبي 5.7 لتر يطق المكينه وماينزل منها الا المحدد بس .. عالم دلع
وغسيل السيارات العادي عندهم تجيك مسدسات معلقه فوق لما يرفع يده ينزل المسدس ويغسل السياره
وحنا يدول بالي على السياره الي يتعقد الي ويربط بالسيتره وخذ لك ساعه يفكه
وسععععععععععع صدرررررررررررررك والله يرزقنا الجنه

الشفاء مافيه الا ساسكو هو افضلهم وما عندهم الا الدجه .. قد فحصت عندهم .. الفحص الميكانيكي عندهم كويس , اما الكهربائي ما ينفع بريال .
وبعدين تارك صناعية أم الحمام وجاي الدخل .. والله غلطان .. انا ادور النحشه من ذي الصناعية مابقي ورشة ما جربتها وكلها مالها داعي ..

يارجال ذا مو كمبيوتر .. انا اشك انه له فايده اصلاء
الكمبيوتر الي اعرفه جهاز يشبك بالسياره ويعطيك العلم الاكيد
اما يركب لك 60 الف سلك وبالاخير يقول صفي المكينة هاذي تجيب الضغط .. لان اصلا لو رحت ميكانيكي وقلت له الموضوع قال لك تصفيه مكينه بدون اي سلك
بس ما اقول الا وسع صدرك يارجال وخلها على ربك .
عندنا ورش تسد النفس ...

&&&&&&&&&&&

والله اضاهر كل الاجهزه زي بعض وما فيه فرق

السلام عليكم اخوي بالنسبة لسيارتك من نوع كابريس لها جهاز مخصص ولا تفحص عند اي جهاز واسم الجهاز حق سيارات الشفروليه وال جي ام هو teck2 تيك تو وهو كما قال الأخوان ينشبك من تحت الدركسيون اما هذه الأجهزة الأثرية الديسك توب ترى كلها نصب وخزعبلات ولمبة التشيك انجن تدل على وجود خراب مو مولعة على الفاضي على فكرة وجهاز التيك تو هو الجهاز المعتمد عند الجميح والعيسى بس الفحص عندهم ب 350 ريال بينما سعر الفحص في باقي المراكز 150 وعندي تكرم عينك 100 ريال
[email]alnabek@hotmail.com[/email]

لعملية الفحص اي جهاز متوافق مع OBDII يودي الغرض

الي يفحص ماهو الجهاز لا
كمبيوتر السيارة هو الي يفحص و هو مسجل الخطأ في الذاكرة و مضي المبة لك لتعرف ان فيه مشكلة

و اجهزة الفحص مجرد تقراء الكود المسجل في كمبيوتر السيارة

فجميع الاجهزة المتوافقه راح تقراء نفس الكود

ولا يغرك شكل الكمبيوتر المهم هو الوصلة الرابطة بين الكمبيوتر و السيارة

لما تكون المسالة فيها برمجة و تعديلات اكيد جهاز الوكالة او الاجهزة المتخصصة فقط هي الي تقدر
اما لمجرد قراءة الكود ما فيه فرق


لكن القهر ان الورش هنا مسوين فيها و برمجة و فحص كمبيوتر و بذاك المبلغ
اشوف دفع اكثر من خمسين ريال حرام في قراءة الكود
في امريكيا محلات قطع الغير و الورش توفر خدمة قراءة الكود مجانا

انا شريت جهاز صغير يقراء الكود بالشحن كلف اقل من 500 ريال

لكن خل في بالك المبة مجرد مؤشر لوجود مشكلة
فصل البطارية عشان تطفي المبة حركة مالها داعي لو طفت المبة يومين و ترجع تولع
المهم هو استخراج الكود و التعرف على المشكلة و معالجتها

بالتوفيق

أنا أقول لو تروح لشارع المعارض الي جنب المعارض في الشفا أو اللي جنب معارض النسيم , فيها مراكز حديثه و شغل كويس ,

مع ان القحطاني (مركز الصقور ) والوعلان اللي بصناعيه الدخل ورشتين حطهم على الجرح يبرى , وانا من سكان شمال الرياض واروح لهم وشغلهم دائما يعجبني , واسعارهم ممتازه ,

والله يبعدنا عن الورش ,

والله يا خوي فحص الكمبيوتر لحاله مشكله

أنا عندي لكزس وكانت فيها تفتفه وقلت أفحصها كمبيوتر
الله لا يوريك

بعد ما فحص طلعت عنده كتابات بالإنجليزي وأرقام وجاب ورقه وكتب فيها بلاوي الدنيا كلها

تدري علشان تفتفه وش كتب

صفايه بنزين
بواجي
فلتر هوا
أسلاك بواجي
بخاخات
سير تايمنج (تايمن)
حساس الهواء
ثلاث أرباع الحساسات
وزن ديلكو
وفي النهاية وبعد هذا كله قال نسوي لك تصفيه ماكينه (يعني نغير كل شي)

السيارة فيها تفتفه وسبب التفتفة أكيد شي واحد بس

لكن لأن الكمبيوتر وصاحبه من جنبها قال خلنا نضحك عليه ونقول له تصفية ماكينه

المهم غيرت الماكينة بسبب الحرارة هي وتفتفتها وما إكتشفت الخلل إلى يومك هذا

طبعا الكمبيوتر حقهم من عام (صفر) ميلادي تشوفه تخاف منه كله أسلاك تقول عنكبوت يركب أسلاك في أسلاك البواجي وكم سلك في الحساسات ويوزع باقي الأسلاك إللي على الكفر وإللي على الرفرف وإللي على البطاريه وإللي جنب فلتر الهوا وإللي على البخاخ
وطبعا كلها من برا يعني لا يوصل سلك ولا شي (يحطها حط)

وين الكمبيوترات الحديثه إللي تتركب في فيش خاص فيها في السيارة (يا في الكبوت او تحت الطبلون)

وعلى طول من أول ما يركب الفيش ويضغط كم زر تطلع المشكله حق اللمبه

لا وإللي يفقع مرارتك يسألك صاحب الكمبيوتر العنكبوت وش نوع سيارتك وكم مديلها ووش هي (XL أو GL إلخ...)
وفي النهايه يطلع لك سيارة تختلف كليا ويقول لك هذي شبيهه لها (سيارتك 6 سلندر يطلع لك 8 سلندر ويقول لك شبيهه لها)

تحياتي

والله وأنا اخوك مهيب نفس الغرض
في فرق
تذكر جوال أريسكون الي أول مشتغل الجوال السعودية وكانت قيمتة 5 الاف ؟؟ هل تقدر تقارنة مع نوكيا N95 .. ياخي مستحيل
العلم يتقدم وخاصة في مجال الألكترونيات ..
فالله يرحم والديكم الي يعرف ورشة في جهاز فحص كمبيوتر حديث يدلني عليها ..