ملاك اكاديا : دعوة للمشاركة مالها و ما عليها

كل الشكر لك اخوي AHMEDALASMARI كفيت ووفيت ,,,, تحياتي ,,,,

مشكلة الدركسون الي كانت عندي كلفت جلبتين دودة دركسون بقيمة 113 ريال تقريبا
وشغل يد 3.5 ساعة وهنا السرق وسعر الساعة 170 ريال وعليك الحساب
وقالك لازم يفك الاذرعة لزوم الشغل الاول ويرجع يوزنها وتكلف 2.3 و الساعة زي ماقلت لك المهم قالك الاجمالي 1005 ريال وبعد الخصم 900
وحكم القوي على الضعيف
مهندس عندهم قال لي لا تصلح الدودة برا صلحا عندنا اما الباقي خذ القطع من عندنا وصلح برا
فضطريت اصلح عندهم تخبر السيارة جديده بالسوق وتخاف عليها
بالنسبة للضغط مدري ......بس غير فلتر الهواء حتى لوكان شكله مو خربان تعرف الاجواء ملوثه من سيارات الديزل وخاصة لو ماشي 60000 كيلو وشف
ولا تنس البواجي كل 60000 كذلك
سلام

اخوي AHMEDASMARI عندي اكاديا 2008 نفس صوت طقة الدركسون عندي وكمان عندي انخفاض وارتفاع في ضغط هواء المكينه في حالة وقوف السياره بس وهي ماشيه ماشاء الله تبارك الله ,,, اذا عندك خلفيه فيدني في اسم القطعه بالكامل وهل شغلتها صعبه ؟؟ واذا عندك حل للمشكلة الثانيه ارجو الافاده ولك الشكر ,,,,

و الله غريب بصراحة
عشانه مهيب عاجبتك تصير فاشلة
جربتها ؟ سألت عنها ؟

يعني معقولة 100 % فاشلة و نشوف لها هالانتشار الكبير و الساحق في ارجاء المملكة

تكلم بعقلك لا عاطفتك

الاكاديا سياره فاشله شكل بس مضمون مافيييييييييه الاكسبلولر افضل منها بمليون مره

السلام عليكم ورحمة الله وبركاته
الاخوان جميعا انا لدي اكاديا 2010 السياحية ودفع رباعي مستمر اذا صدقوا الكراسي الاماميه كهرب
اللون لؤلؤي
لها معي سنة وستة اشهر ما وديتها للصيانه ولا مره احس انهم يكذبون
المهم اغير زيت وبس
6 علب او 5لتر و200 مللتر دقه مالها داعي من جد اهي طلعت
المهم لي فتره احس في الدركسون صوت اذا لفيت يعني صوت طقه تقول تهويه ثم يلقم اللفه
المهم تركتها الكلام هذا له يمكن اممممممم قل 7 شهور
المهم قررت اروح للوكاله لأن السيارة جديده وخفت من اللي يجرب فيك المهم وديتها وقلت لهم على الصوت قالوا لي بنسوي فحص بعد يوم ردو علي عندك جلب الدودة قلت وغيره قالو جلد المقص والمساعد الايسر وقاعدته و الايمن وقاعدته وتكلف القطع 4 الاف وكسر وشغل اليد الفين وكسرة قلت خير ان شاء الله عسى ما شر وشششششش
السيارة ماشية 61 الف بس ولها سنه ونصف وش هاللعب قال لي واحد عندهم شكله عارف الطبخة من المهندسين الله يحرم وجه على النار اشتر القطع من عندنا وصلحا برا ارخص لك
المهم قلت ابغلى اصلح الي ضروري رحت انا وهو للفلبيني النصاب الكبير وهرج معه جوا الورشه
وتكلم معه وقام النصاب الكبير يلغي المساعدات وجدة المقص وبقينا على جلد الدودة وقيمتها 115 ريال تقريبا وربي وشغل اليد طبعا بالساعة الساعة 170 ريال قالك الربع بامريكا
المهم الاجمال 900
المضحك ان القطع 115
السيارة بشكل عام معجبتني شكل وجودة لكن تراها مي للبر يعني للزفلت وتحتاج اهتمام يعني الطرق التعبانه يمكت تأثر عليها يعني يبغالك تحط عليها قرنقش صيانه احسن
ان شاء الله اكون افدتك وسامحي على الاطالة واي خدمة انا حاضر

نصيحه بس ياهووه

بس بغيت نصيحتكم , انا اباخذها بتسعين منه اقساط وهي ماشيه لحد الآن 35 الف

قيمتها زينه او مبالغه ؟

انا اتفقت مع قريب لي على اني آخذ الاكاديا تبعه ان شاء الله 2010 فئه وسط بس بصراحه خايف من مشاكلها ومن اللي اقراه واسمعه عنها لكن علشاني اباخذها اقساط هو الشي اللي شجعني

انا عندي اكاديا دفع رباعي مستمر النوع السياحي منها
اي اخدمة للاخوان

الله يبارك فيك يارب
تسلم ماقصرت

الف الف مبروووك يعطيك خيرها ويكفيك شرها ويجعله مركب السعاده

بالنسبه للشاشة والله مدري يفيدونك الاخوان

موفق

خذيت الترافرس واستلمته وصرت ماشي عليه 40 كيلو

أبغى اركب له شاشة ملاحة وش تنصحوني
وهل تركب له نفس شاشة الاكاديا

بس على فكره لو قارنا بين انك تاخذ مستعمل اكاديا او جديد ترافيرس لا خذ الجديد ولاتشاور الجديد احلى وله فرحه
ربي يسعدك

الله يكتب لك الخير يالغالي

بالنسبه للترافيرس حلوة ماعليها بس الاكاديا بالنسبه لي كشكل احلى بس كأداء ماادري وهذا اللي ابحث عنه

موفق للخير

ما اشتريت السيارة
رجعولي عربوني لأني فحصتها وطلعت مرشوشه

ومدري الحين راح ادور من جديد
ودي بالاكاديا
بس بالوكاله الترافرس ب 115000 وشكلي راح آخذه

موفق يالغالي السيارة الصراحه روعه وتجبني انا كمان وياليت انت كمان تفيدنا بمعلومات عنها تحديدا 2010 و 2011 هل فيها مشاكل زي 2007 او لا لأني ناوي على وحده بإذن الله

اتمنالك التوفيق