عندي سؤال جدا محيرني بخصوص السوبارو ليجاسي 6 سلندر.
يا اخوان انا معايا ليجاسي 6 سلندر 2008 طبعا اتوماتيك وبصراحة السيارة عزمها خارق بمعنى الكلمى لكن دايما اكل على راسي من سيارة واحدة مني قادرلها وانا مني عارف ايش السبب طبعا ماهي اوريون ولا التيما ولا اكورد ولا ولا ولا.... السيارة هيه ليجاسي 2006؟؟؟؟؟ يعني الشكل اللي قبل الاخير؟؟؟
من جد مني داري ايش الهرجه جربت مع 3 سيارات وفي كل مرة اطلع انا الخسران
المصيبة اني ياما جربت مع التيمات واوريون والسيارات هادي والحمد لله نادرا ماتطلع عليه خصوصا في القومة لكن الا الليجاسي 2006 ما ادري ايش الهرجة؟؟؟ انا اعرف انو نفس المكينه طيب ليش دايما يصير كده؟من جد هذا السؤال محيرني فيريت لو واحد يعرف الاجابة يقلي لانو انا راسي بدأ يعورني من هادا الموضوع مع العلم انو اول واحدة جربت معاها قمت معاها قومة ارض وطلعت عليه ابو عامود كده لكن مافي شويه الا وهذا شاطفني كأني واقف (((يمكن كده على سرعة 130))) وما اقدر اقرب منو الا على 240 او 250 احيانا
هذا كل شي اتمنى انو احد يجاوبني وشكرا
