لأصحاب الكابرس فقط ....

مشاء الله

يعطيك خيرها ويكفيك شرها


انا عندي كابرس اس اس 96 شريته وهو ماشي 140 الف

زمشاء لله ما يطلب شي غير البريكات بس
وماشي زي الحلاوه وكانه لسه وكاله ماشاء الله عليه

انا استغرب من الاخ الاي رد في الصفحه 2 او 3

الاي يقول ناس سياراتهم ما مشت 20 او 30

وعنده طق طقه في المكينه واصوات !!

انا سيارتي موديلها 96 وكانت مخزنه لين 99
يعي لها 9 سنوات

ولا فيها لا طق طقه ولا اصوات ولله الحمد

شوف عايشه 9 سنوات وماشيه وشريتها وهي على 140 الف والحين وصلت 165 الف

كيف تقولي سيارات ممشاها 20 الف

وتطلع اصوات من امكينه او من القير !!! سلامات اي عقل يصدق ؟؟؟ ولله لو هنود

تطلع صوت في المكينه على 20 الف المكينه لو فكرت تخبط وصاحبها مو محافض تخبط على 300
اقل شي ولا عمر الافتراضي اكبر من كذا بكثيييييييييير

والجير مع عدم المراعاه والمحافضه واللعن 150 الف ولا بيطلع صوت بعد

لو قلتلي انه راح الوكاله علشان لمبه محترقه ولا بريكات كان صدقتك

خخخخخخخخخخخخخخخ


ياعمي

غير الكابرس مافي في الامريكي ويكون اس اس احلى كلام

الكابرس الامريكي والكابرس الاسترالي

مواتر يعتمد عليها


تقبل مروري

سلام عليكم

انا عندي كابرس ثنتين


كابرس صابونة 92
ماشاء الله كارفة كرف ماتشكي ماشاء الله
اللهم اشياء استهلاكية
معي الحين 8 سنين
والا ان مووجودة
ماشاء الله
وعندي كابرس 2006 ماشية 166 الف لية عندي 3 سنوات ونص
ماشاء الله ما اشتكيت منها بشي ماشاء الله تبارك الله

اللهم غطاء الرديتر غيرتة من شهر
واشياء استهلاكية فحمات وزيت المكينة كل خمس الالف كيلو
وسيارة ممتازة ماشاء الله
ومنتشرة بكثرة

مشكور يالغالي على موضوعك المميز

اقسم بالله الكريم انك طمنت قلبي لاني كنت ناوي على وحدة بس من كثر مادخل المنتدى اشوف مواضيع عن الكابرس كلها سب في السياره ثم غيرت رايي رحت للاكورد بس بعد كلامك وكلام الاعضاء ماقول الا الكابرس وبس الله يجزاك خير ويعطيك خيرها ويكفيك شرها مشكووووور يالغلا

كابريس ولاغيره

انه الاروع والاحلى والاكمل والاجمل<<<<<<<<<<<<<<مصطفى لاغا

مشكور
ولكن انا احس ان الداخلية ليست بالمستوى السيء السيارات الجديدة كلها زي كذا واسوا بكثير كمان
ولكن هل غيرت القماشات وعند كم لاني رحت للوكالة والسيارة فيها صوت عند الفرملة بقوة كان حديد يضرب حديد فهل واجتهك تلك المشكلة
تحاتي

انا معي كابرس LTZ موديل 96 ماشاء الله معي بس بدت تطلب عام 200 بس ماقصرت الامريكي هو الزين

معي كابريس 2002 اس اس

السياره بي شكل عام ممتازه وعمليه

والله في عندنا كابرس 2004 رويال بس والله من اول يوم في زوايا الكرسي في اشيا انفكت
بس غير هذا مافي والله انها قوية وراعيت خطوط ومرحية بس الي بيسمع:a120(55): كلام الناس ما يستقر
وبيتعب كثير ــــــــــــــــــــــــ شكرا على الموضوع

السلام شباب انا عندي كابرس2007ltz له معي سنه وشهرين وماشي 175الف
ولله الحمد والمنه ماشفت منه الا كل خير ومثل مقال اخوي سلطان

^^
مو كل مره تسلم الجره

ولا يختلف اثنين على اهمية النظام ذا

والله يا أبو عدنان (وأعتقد بأنك شخص معروف جداً ومن عائلة وكيل معروف) أنا معي لومينا 2000 من أواخر 2001 ،، وطيلة هذه السنين لم يحدث يوماً أن قلت ياليت فيها جهازالتحكم بالتماسك أو Traction Control ، بل سبق وقدت لومينا لأحد معارفي SS بها هذا النظام وإذا به أمر مزعج حيث يمنع دعس الوقود عند الإحساس فقط بانزلاق الإطارات !! ، اللهم إلا مرة واحدة أو مرتين تعرضت لموقف احتجت فيه لنظام ABS لكن الحمد لله مرت على خير ..

الله يعطيك خيرها ويكفيك شرها

وفيه نقطه مهمه اذا ناوي تشتري كابرس او لومينا فاحرص على ان يكون فيه نظام الثبات

وهو على اسمه فاذا لفيت لتتفادى حادث وعدلت السياره قد تضيع منك وتصير تدور

في سلسله مثل اللي يفحطون ولاكن اذا كان عندك هذا النظام فهو باذن الله يعدل لك

السياره وذلك باستخدام نظام الاي بي اس بحيث يضغط على الفرمله على الجهه المناسبه

وذلك يحدده الكمبيوتر حسب المعلومه التي تاتيه من حساس الميلان (yao )

وهذا النظام موجود في ال اس اس الكابرس واللومينا والكابرس الرويال

والغريب انه في استراليا انه يجي في كل الانواع المماثله للومينا (يعني بدون طلبيه)

وانصح اي شخص يرغب يشتري سياره انه يحرص ان يكون فيها نظام الثبات

تحياتي للجميع.

اتوقع نحتاج عمل احصائية من المستخدمين فقط :emot24:


سيارتي 2005 وأكبر مشكلة واجهتني توقف احد المراوح عن العمل
والسبب من سوء استخدامي
لأني اقعد في السيارة ساعتين او 3 والمكيف شغال

ومافيه شي بالدنيا مايخرب
الأنسان الي هو انسان يمرض ويحتاج للطبيب <<<< متعوب على الجملة :e058:

غير كيذا سيارتي ماشية 135 ألف
وماغيرت لا زيت قير ولا فلتر بنزين
فلتر الهواء مرة وحدة
بواجي مرة
سير مرة
خرط هوبات مرتين
فحمات امامية مرتين وخلفية مرة

تحياتي ،،،

انا اتكلم عن شئ ملموس كلام مقتنيها ولكن الكلام الي من خلف شاشة الكومبيوتر فيصعب تصديقه الا بدليل قاطع :)

^ ^ ^ ^ ^ ^ ^ كلامك مزبوط لكن أنت لا تحسبها بالعدد ،، أحسبها بالنسبة والتناسب ،، يعني لو سوينا مقارنة بين سيارتين مثلاً الكابرس والأفالون ، أول شي حدد موديل معين مثلاً 2004 ،، هل عدد الكوابرس 2004 الموجودة واللي تم بيعها في السوق السعودي هو نفس عدد الأفالون ؟؟ مستحيل ، وأعتقد بأن الأفالون ما تمثل ولا 30 % من نسبة مبيعات الكابريس ،، لذلك لو رحت تعد على أبواب الورش والوكالات والتشاليح ، بتلاقي بأن الكوابرس كثييرة ، والسبب لكثرتها الهائلة مع الشعب ، شوف كل حارة فيها ما لا يقل عن 3 أو 4 كوابرس لكن تلاقي حواري كثيرة ما فيها أفالون وحدة ،، صح أو لا ؟؟ والنسبة اللي طرحها أخونا هو يقصد بأن اللي يكتبون بالمنتديات ويذمون السيارة كلهم ناس قصدها تشويه سمعة السيارتين ، لعدة أسباب منها الحسد ومنها رأي شخصي له يريد للجميع أن يوافقه ومنها - وهذه النادرة - مروره بتجربة مع إحدى السيارتين ولكنه لا يعرف كيفية التعامل مع السيارات بشكل عام ، فهو لا يصبر عليه إلا الونيت ، ولا يعرف كيفية قيادة هذه الدرر الاسترالية والتعامل معها ..

معليش ولاتزعل علي انت تلعب على نفسك وكلامك غير مقنع

يعني كل اللي يتكلمون بالمنتديات يكذبون وانت الصادق وانت تقول بان 90 % او 100%

انهم يفترون يعني وش خليت نسبه للصادقين الله يجزاك خير


والناس مو فاضيه تقعد تصور لك فواتير عشان تقنعك بان الكابرس مشاكل في مشاكل

رح للجميح والوكلاء الثانيين وشف عدد الكابرس اللي فيه مشاكل

حبيبي الكابرس تبي تقتنع انه فيه مشاكل اقعد عند باب الصيانه وسو استفتاء

كل واحد يدخل معه كابرس واساله عن مشكلة سيارته وكم ماشيه راح تحصل ان اغلب

السيارات مامشت الا عشرين الف ولا عشرة الاف ولا ثلاثين الف وتحصل فيها مشاكل

بالقير طقه ولا صوت بالدفرنس ولا السيارة تطفى من كيفها ولا لمبات بالطبلون والعه

ولا صوت طقطقه بالمكينه عاد صوت الطقطقه انا سامعه كان المكينه فيها بلف قافل ولا

سبيكه منطلقه


الخلاصه انا حبيت اوضح صورة واضحه بالمنتديات كلها ان الكابرس سمعه فقط من الماضي

بغض النظر عن شكله وقوته وكل شي له ضريبه


وللمعلوميه انا والله ودي انه يصير مافيه مشاكل ويصير من احسن السيارات عشان اشتريه

لاكن اعرف كثير خاضو التجربه مع الكابرس وفشلت معهم

والسلاااااااااام

^^^
كلامك عين العقل |1|

بغيت اسجل اعجابي بردك واطلع :D

تحياتي,,,:)

حياك اخوي سلطان والف مبروك الموتر والله يعطيك خيره ويكفيك شره
بالنسبة للكابرس بحب اقول لك شئ انا بصراحة ماني من محبينها لاهي ولا اللومينا ولكن انا اللاحظ كثيرين يذمون واتوقع ان 90%100 افتراء وكذب فكثير من ملاكها يمدحونها ولكن في المنتديات نسمع كلام ثاني ؟؟؟؟؟؟؟؟؟؟؟

وانا لا استبعد ان اغلب من يسبها لا يملكها وقد يكون يملك سيارة من شركة منافسة وهو يدرك مدى تفوق الكابرس على سيارته اما من ناحية الشكل او القوة واغلى سعرا فماله الا يختلق مشاكل ويمثل دور المظلوم الذي عانا وانه انضحك عليه وانخدع في شراء السيارة

مادفعني لكتابة هذا الشئ لو قال ان السيارة بعد سنه سنتين صار فيها مشاكل نصدقة ولكن بعضهم يقول ما كملت الف والثاني يقول طالع من باب الوكالة وطفت السيارة ونص في الشارع ونص في حوش الوكالة
دليل على الكذب وعدم امتلاك السيارة ولو كان صادق احدهم كانو نزل صور السيارة وصور الفواتير الي تثبت كلامه

معليك منهم اخوي سلطان والله يبارك لك في سيارتك