شوروا عليـــه

م/ ابو ريناد @user_49150 · 24-06-2008

السلام عليكم

انا يالربع لي سنين وانا ادور سيارة بالمواصفات التالية :

1- دفع رباعي ( مو شرط يشق البر شق .. يعني طلعات بر خفيفة)

2- متوسطة الحجم ..

3- شكل جميل من برى ومن داخل ..

4- عملية ..

5- مريحة ع الطريق و نظام عزل مميز ..

6- فخمة بس مو درجة قصوى .

7- تصفيط مقاعد بحيث تكون صف واحد ..

8- السعر من 100 - 140 الف ...

اعطوني اقتراحاتكم .. واذا فيه موضوع يدعم الاقتراح اكون لكم شاكر ومقدر ..

<<<<< يتشرط الاخ خخخخخخخخخخخخخخ

انتظر تفاعلكم الله يسعدكم

م/ ابو ريناد @user_49150 صاحب الموضوع · 11-07-2008

يا شباب قررت على فورد اكسبلورر الفل اوبشن

المميز2003 @user_16558 · 07-07-2008

كانك ياصاحب ا لموضوع قاعد توصف باثفايندر 2008 نوع SE2

م/ ابو ريناد @user_49150 صاحب الموضوع · 07-07-2008

بيض الله وجيهكم والله ما قصرتم

Magellan @user_96776 · 05-07-2008

إذا تبي تحيّره خيّره ..
لاتعليق ...كان الله في عونك أخي أبوريناد
أنصحك تكتب اسماء السيارات المذكورة من قبل الأعضاء في ورقة لكل سيارة ثم حطها في علبة ورجها جيدا وسو عليها سحب ، واللي تطلع عليها القرعة ..نقول بالمبارك
ماقصرتوا يالأعضاء وافين وعلومكم تنومس الموجودين والزائرين

A-M-G @user_46535 · 05-07-2008

فورد ايدج
نسوا يذكورنها الاخوان
اشوف فيها الموصفات اللي طلبتها

ناصر H3 @user_102982 · 05-07-2008

بكلامك كأنك توصف أكاديا انصحك تزور أقرب وكيل وتسوي قيادة تجريبية لان السيارة منطبقة على مواصفاتك تماماً

D R I V E R @user_42218 · 05-07-2008

عندك الباجيرو والبرادو والتاهو اليوكن اغلى من التاهو بعشرة الاف او 8 تقريبا

وعندك الارمادا فل اوبشن 2008 بـــــ154الف عليه عرض من الوكيل الجبر بالشرقية

تحياتي

الوحش-armada @user_84883 · 04-07-2008

حياااك يالغالي عندك الباجيرو والباثفندروالبرادو لكن البرادو راح يتغير قريب
بالنسبه لي مبلغ 140000 ادفعها في تاهو افضل
تحيااتي لك

م/ ابو ريناد @user_49150 صاحب الموضوع · 04-07-2008

شكرا لكم جميعا .. وفيتم وكفيتم

بدون تحيز

فورد أكسبلورر يجتمع فيها كل ما ذكرت اضف الى ذلك سعرها الممتاز

وبأمكانك زيارة موضوع الأخ pnrb لأن الموضوع تناول كل ما يخص الأكسبلورر

ومبروك مقدماً

alwaleed @user_50791 · 24-06-2008

بما انك تدور سيارة دفع رباعى متوسطة الحجم فعندك الأختيارات التالية

يابانى

برادو
باجيرو
باث فايندر

امريكى

اكسبلورر
تريل بليزر

اى سيارة منهم تختار ماراح تندم بإذن الله. كلهم سيارات ممتازة ومجربة والأفضلية بينهم للى تكون بميزانيتك وتوفر لك المميزات الى تبحث عنها

فى موضوع عن الأكسبلورر تقدر ترجع له
http://www.assayyarat.com/forums/showthread.php?t=124596

باقى السيارات كلهم لهم تقارير بالمنتدى تغطى جميع استفساراتك

الله يوفقك بأى سيارة تختارها ويجعلها موتر خير عليك

salehhd @user_17805 · 24-06-2008

السلام عليكم

الاخوان ماقصرو كفو ووفو

بالنسبه لي اذا كنت تبحث عن جيب متوسط فهذه بعض الخيارات

1- برادو بمحرك 4 لتر 6 اسطوانات بقوة 240 حصان
2- باثفايندر بمحرك 4 لتر 6 اسطوانات بقوة 291 حصان اجمالي
3- باجيرو بمحرك 3.8 لتر 6 اسطوانات بقوة 269 حصان
4- مازدا cx-9 بمحرك 3.8 وقوة 273 حصان
5- فيرا كروز بمحرك 3.7 لتر بقوة 265 حصان

وسعرها جميعاً بقارب للمبلغ المطلوب وبعضها فيها مواصفات مميزة

وانصحك بالاستخارة
بالتوفيق

راعي النيترو @user_83791 · 24-06-2008

عندك العملاق الذي لاينتهي موستبيشي باجيرو يجمع المواصفات اللي تريدها وصرفيتها اقل من الباث
وفي الطريق ثبات
ولا خذلك دودج نيترو لانه روعة بس الدبل خفيف مافيها دبل ثقيل مثل الباجيرو والبرادو والخ...

الفيوز ضاربه @user_103525 · 24-06-2008

السلام عليكم
تبي شوري يا ابو ريناد خذلك جمس يوكون سعره مناسب وماشاء الله راحة وفخامة وقوة ومن ناحية مشيه على الخط ما يحتاج تعريف له وبالتوفيق
استخير وعسى الله يكتب اللي فيه خير

fhad2007 @user_69277 · 24-06-2008

م

م/ ابو ريناد

السلام عليكم
انا يالربع لي سنين وانا ادور سيارة بالمواصفات التالية :
1- دفع رباعي ( مو شرط يشق البر شق .. يعني طلعات بر خفيفة)
2- متوسطة الحجم ..
3- شكل جميل من برى ومن داخل ..
4- عملية ..
5- مريحة ع الطريق و نظام عزل مميز ..
6- فخمة بس مو درجة قصوى .
7- تصفيط مقاعد بحيث تكون صف واحد ..
8- السعر من 100 - 140 الف ...
اعطوني اقتراحاتكم .. واذا فيه موضوع يدعم الاقتراح اكون لكم شاكر ومقدر ..
<<<<< يتشرط الاخ خخخخخخخخخخخخخخ

[SIZE=3]انتظر تفاعلكم الله يسعدكم [/SIZE]

السلام عليكم
هلا بك اخوي ابو ريناد

فيه سيارات تشق البر شق مثل ما قلت ومع ذلك مريحه وسعرها حلو وعلى رأسها الباثفايندر مثل ما قال الاخ النورس ...
تبي سياره ثانيه بر خفيف عندك CX9 من مازداء بس حجمها كبير (بالنسبه لي) تبدأ من 105 الاف ريال علماً ان البعض لا يرى انها تصلح للبر لا خفيف ولا غيره.
وفيه الفيراكروز من هيونداي بس ما ادري وش نظرتك للكوري ؟؟؟
فيه الاوتلاندر من ميتسوبيشي تجي 4 و6 سلندر بس ما ادري عن حجمها هل هو مناسب لك او لا ؟؟؟ وسعرها من 80 الى 96 الف ريال
والله الموفق

النــورس @user_100811 · 24-06-2008

1- دفع رباعي ( مو شرط يشق البر شق .. يعني طلعات بر خفيفة)

2- متوسطة الحجم ..

3- شكل جميل من برى ومن داخل ..

4- عملية ..

5- مريحة ع الطريق و نظام عزل مميز ..

6- فخمة بس مو درجة قصوى .

7- تصفيط مقاعد بحيث تكون صف واحد ..

8- السعر من 100 - 140 الف ...

كل هالمواصفات تجدها في الباثفندر 2008 SE1 بسعر 113500(يوجد عرض حالي من الوكيل)
وأضيف الى المواصفات الي طلبتها هالمميزات:

- صرفية البنزين جيده جدا في المتوسط 13لتر /100كم
- قوة ومتانة السيارة
- جوائز السلامة والامان التي حصلت عليها
- ثلاث صفوف و 7 مقاعد مريحة وتنصفط حتى مرتبة الراكب الامامي تنصفط وتصير غرفة نوم (ماشاء الله)
- نظام ملاحة قابل للتركيب وكاميرا خلفية موجودة من مدويل SE1 وانت طالع
- تماسك السيارة ورساوتها مع اللفات مثل السيدانواستخير والله يوفقك

A L H A M O O R @user_17724 · 24-06-2008

يوكون أو تاهو الجديد فيه كل المواصفات اللي تبي

ولو تصبر الى 2009 راح ينزل بالقير الجديد 6 نمر ... وتنحل مشاكل القير اللي بعض الناس يشتكون منها