السلام عليكم
كيف الشباب
قبل اسبوعين رحت المعارض اتمشى فيها
دخلت وحدة من المعارض لقيت فيها واحد شايب يبي سيارة لولده
وكان يسعر في كورولا موديل 2003
السيارة شكلها من برى نظيف بس الانوار الامامية مايلة للاصفرار
وباين عليها مشي واجد
والشايب نوى يشتري السيارة بقيمة 23000 ريال
سالت الي شغال في المعرض السيارة ماشية قال لي ماشية 27300 فقط
شكيت في مشيها قلت اشوف الطبلون لقيته حاطها على TRIP B وماشية 2730,0
يعني مو سبع وعشرين الف مكتوب الفين وسبعمائة وثلاثين فاصلة صفر
قلت ياخوي هذا عداد الرحلات مو مشيها قال الا مشيها واني انقز قدامه واضغط على الزر حق الرحلات واطلع المشي الحقيقي وهو 178000 تقريبا قلت هذي ماشية 178 الف ريال
الي يشتغل في المعرض قام ينافخ علي وقال لي الله لابارك فيك الحين ايش دخلك انت انت الي بتشتري
ولا كذوب
قلت كنت ابي اشوف مشيها
والشايب الي يبي يشتري قال للي يشتغل للمعرض اتقي ربك تضحك على الناس وتقول السيارة مخزنة
فلوسي عندي وسيارة عندك والسلام عليكم
وطلعت والي شغال بالمعرض قال لي عسى ربي ما يوفقك ولا يبارك لك ويحطها بوجهك يالملقوف
ومشيت وانا مطنش
والصراحة خفت من دعوته لانه شيء مالي دخل فيه وكان حب استطلاع وبينت الحقيقة للشايب وخربت البيعة
هل انا غلطان في هذا
وهل الدعوة بتيجيني لانه شيء مالي دخل فيه خربت بيعه مالي دخل فيها؟؟؟؟
اخوكم بندر
