ودي أشتري فورد وأبي رأيكم ..

انا معاك في الجديد طبعا بس افضل انك تاخذ قرض من الراجحي وتشتري كاش ولو تحاول تضغط على نفسك شوي وتخلي القرض على سنتين راح يكون اوفر لك بمعنى فائدة اقل(4.85x2=9.7) بينما لو على خمس سنوات راح تكون الفائدة اعلى =24.25 % وبالتالي التكلفة اعلى طبعا هذا كله يرجع على مقدار الراتب وهل يسمح او لا
وحاول تطلب فائدة اقل لعل وعسى
انا عطوني قبل فترة فائدة سنوية قدرها 4.25 % بس ما ادري بالخطاء او لهم حسابات معينة
والخيار لك
تحيتي

طيب ليه ماتشوف لك استخدام امريكي ارخص وافخم ومضمون بعد اربع سنوات

توكيلات الجزيره !!

الفل اوبشن P74

كاش 101,000ريال

بعدين اخوي ترى فائدة الراجحي وش زينها !

مقابل الشركات الثانيه !!

يعني نصيحه اخو ماخذ تأجير ترى فائدة الراجحي وش ملحها ^_^

طيب اظن اقل فئة في الفكتوريا بـ 78,000 ريال

والي اعلى منها بـ [COLOR=red]86,900 ريال اظن [/COLOR]

ماني متأكد بس حول هالاسعار خيو !!

معادا اعلى فئه الي تجي بعد الرياضيه هي متأكد منها !!

اتمنى افدتك خيو ..,

دمت بموده اخوكـ .,

مهجور آلعيون ..,

المشكلة أخوي اهيم
أنني مضطر لشراء سيارة
والمستعمل كرهته عن تجربة
فقد كنت أداوم شبه شهري في الصناعية وأنواع النصب والاحتيال قطع مقلدة .. عمالة وسخة ..
تخريب متعمد للسيارة علشان ترجع أو علشان ينتقم لأنك كاسرته في السعر أو لأنك انت اللي رحت تجيب القطع ..... الخ
الخلاصة اني عفت المستعمل ومضطر أشتر سيارة ...
فما قدامي الا البنوك
أنا عارف انه نصب وقهر لكن هل هناك بديل ....؟؟؟؟؟!!!

شاكر لنا بس شكلك ماقتنعت :)

الله يعطيكم العافية جميعا
شاكر لكم عناء الرد والنصيحة

أخوي المبلغ كبير..نصيحتي لك اذا تقدر تاخذ كاش يكون أفضل

أو خذ قرض واشتري فيه فكتوريا أو ماركيز استخدام أمريكي وبنصف السعر

بالتوفيق

اخوي انتبه تسويها
انا سويتها قبلك وشريت سيارة جديده اقساط
اول ماشريتها كنت مبسوط ومتحمس وشخصت فيها اول شهرين
لكن بعدين كل اخر شهر وجيت بدفع القسط ( 1700 ريال ) يرتفع ضغطي والله من جد وانقهر قهر مايعلم فيه الا الله
لكن الحمد لله اني تخلصت منها
والحين قاعد ادورلي سياره مستعمله ونظيفه كاش طبعا
ورحم الله امرء عرف قدر نفسه

والله يالغالي ما ايدك تشتري بالديون دبر عمرك بمستعمل امريكي تراه اذا توفقت بنظيف كانك شريت جديد
والخيار لك يالغالي

شووووف كلمة انك تشتري موووتر بالديووون أنصحك لا تسويها

خذ كااااش وريح رأسك

راااح تجمع قيمتها في سنين

79000 كل شهر أتدخر 1645 ريال

تبيها في سنة دبل الأدخار

الفورد سيارة قوية ورائعة وماعليها كلام

بس فوائد 37 الف والله كثير يعني كم بتطلع عليك حول 100 الف

الله يرزقك وييسرلك امرك وتشتري السيارة الي تبيها بدون ديون ..