وصول هيونداي جينسيس الى البحرين والاسعار

السلام عليكم

ياخوان بالنسبه للسعر تراه اكيد 100% لأن الموظف عطاني كوتيشين بالسعر والمواصفات من النظام عند المسؤل
لكن الغريب في هيونداي كما في الازيرا ان سعر فئة 3.8 تقريباً 162000 ريال!!! الفرق 2000 ريال!
واقصى حد للسعر بالنسبه لهاتين الفئتين فل اوبشن يوصل 180000 ريال
وماعندهم علم بسعر الثمانيه سلندر لأنه بعده ماوصل
والاسعار ثابته

يا أيها العبقري :D

بالبدايه كنت اعني الأعضاء الذي حكمو على جودة السياره دون ان يروها

فـ كلامهم في الفتره الحاليه يعتبر افتراء على الجينيسيس ( يقيمون دون ان يجربون )

وهذا الخطأ الفادح اللي اغلبنا يقع فيه

عندنا شعب تهميشي

شعب اشاعات وافتراءات تناقلوها بينهم البعض ولو بحثت عن مصدرها لوجدتها من احد الشريطيه النصوحين على غفله

اما عن هيونداي ولكزس

محدثك لويملك سعر الجي اس مافكر بالجينيسيس

لكن ماذا لو لم اكن امتلك قيمتها

لدي الجينيسيس تغنيني بكثير لو اخذنا بالإعتبار فارق السعر

عموماً السعر ليس هو السلاح الوحيد للجينيسيس

الجينيسيس تمتلك قوه اكبر + ثبات افضل + هدوء افضل

ان كانت الازيرا اهدأ من اللكزس ES فما بالك بالجينيسيس

وبالتوفيق في دراستك






كلامك صحيح

اسعارها بأمريكا تبدأ من 33 الف دولار اي مايقارب 123 الف ريال

مندوب وكالة البحرين قد يكون مخطئ

او محتمل انه قصد سعر الفل اوبشن بالمحرك الاكبر هو 160 الف وليست الجينيسيس المعروضه بالصاله وهذا الاحتمال الاقرب للصحه

عموماً اقرأ رد اخونا hathoof

كلام منطقي
كأنك تقرأ أفكاري

بس متى نزلت ؟؟
ما شفت لها إعلانات في الشوارع ؟؟

في القريب العاجل نسوي لهم زيارة و نتأكد من السعر
و لو اني شاك ان سعرها 16000 دينار
يمكن غلطانين

أخ حذيفة
بالعكس المفروض الوكيل اللي مو ماشي شغله هو اللي سعر سياراته تنزل لأنه يبغي يمشيهم
مو يرفع السعر لهالدرجة :eek:

بس صراحة يكسر الخاطر الوكيل عندنا خاطري مرة اطوف عليه و اشوف زباين في صالة العرض
على طول فاضية :D

لكن اخي الكريم السعر الفل اوبشين في المواقع الاميريكية لهونداي 40000 دولار فكيف 3.3 ليتر يسوقها الوكيل في البحرين ب 160000 الف ريال ماادري اشوف السعر عالي ياليت تصححني ان كنت غلطان
تحياتي لك

الف شكر على الخبر بس السعر مرتفع شوي يعني 140000 ريال واقل مفبول لكن 16000 ريال كثيرة و تراها 3.3 ليتر يعني اقل محرك اجل 3.8 والثمانية سلندر بكم بس يمكن علشان توها نازلة وبعدين ترخص

صراحة ...

مبالغ فيه بقووووة

مهما كان من تطور وجودة حتى لو تجاوزت اللكزس

لن أتوقع إن يكون لها شعبية
_______________________________

يأخي إنفنتي M

لم تقدر على طرح هذا المنافس العنيد GS ..
___________________________

يأخي اغلب إلي معهم GS لم يبحثوا عن قوة المحرك

كثر ما أعجبهم التصميم الإسبورت الرائع
________________________________________

صراحة لو معي 160 ألف

يا أخذ إنفنتي G

أو للكزس ES بانوراما

والسلام عليكم

وشكلك ما بتذاكر :D


طيب وش فيكم مستعجلين

بغض النظر عن السعر انا يهمني فيها :

الجودة والاداء ومعدل الاستهلاك والفخامة والخ

و ما اتمناه من مواصفات موديل فئة ال330 ان تكون مواصفات غير مسحوب منها

يعني ماتكون مواصفات عادية ب160 الف

يعني اتوقع انها زي مكانة لكزس الجي اس 300 بنفس مواصفات الفل ولكن بمحرك اقل


فلا تستعجلوا في حكم السيارة انها فشلت الله يرضى عليكم :)

^^^
بس مهما كان " لكزس" عالم آخر !

ولو معي مبلغ اللكزس باسلم على الجنسيس بصراحه وادق لها تحيه وداع :D

والشي الوحيد اللي يخلي العالم تشتري هيونداي هو سعرها المنخفض + جودة ومواصفات مناسبه لهذا السعر ,,,

وهذا مايخليها أفضل من اللكزس ابداً الا في شي واحد وهو السعر فقط , والباقي يصب لمصلحة لكزس أكيد :p

الزبده : كيف حالك <----مضيع من الاختبارات وهو توه ماذاكر بعد :D :D

بصراحه السعر فوق المتوقع

لكن بالمقارنه مع المنافسين وعلى سبيل المثال لكزس GS300 سعرها مايقارب الـ 200 الف

اللي يقول 3.3 انا اقول هذي 3.0 وبـ 200 الف




لن !!

ولماذا لا

هل تفحصت السياره اولاً وقبل حكمك عليها

هيونداي تمتلك معدل تطور كبير و "لن" يكون غريباً اذا ما اعطت جي دي باور الجينيسيس تقييمات عاليه بالجوده

ايضاً هيونداي امضت سنوات عمل على تطوير الجينيسيس اكثر من غيرها واعتقد انها "لن" تتهاون في مسألة الجوده بالجينيسيس خاصةً

وعموماً "لن" نستطيع الحكم الا بعد ان نرى الجينيسيس

لكن

لنا ان نتنبأ ولو بشي بسيط من خلال السوناتا 2009 والتي اقيم جودتها الداخليه بـ 10/10

يا شباب لا تتسرعون

ترى وكيل هونداي في البحرين نايم
خخخخخخخخخخخخ

يعني عاي الاسعار عنده تكون اعلى + ان نص الموظفين ما يعرفون شنو السالفة

اسألوني انا

سألهم صديقي عن الازيرا فول اوبشن قالوله ب15 الف دينار يعني 150 الف ريال
خخخخخخخخخخخخ

بعدين يوم راح وتأ:د حصلها ب11 الف دينار يعني 110 الف ريال + بعض المواصفات الخاصة

فعادي عندهم الاغلاط


تحياتي،،،،

السعر مبالغ فيه جدا..

والسيارة على اللي ظهر لنا من المواصفات والمحرك لاتستاهل هذا المبلغ الكبير

ولن تصل الى جودة لكزس وانفنيتي

مشكور على الخبر

الصراحة السعر هذا معقول جدا بس لو كانت السيارة فل اوبشن مع نفس المواصفات المعروضة في موقعها الكوري مع مكينة 4.6
لكن مع احترامي للي يشتريها مع مكينة 3.3 مجنون

يروح يشتري أزيرا احسن له أو كيا أوبيروس فل أوبشن مكينة 3.8 بـ 80 ألف ريال

اولا يعطيك العافية أخوي نيساني
على هذا الخبر
ولكن 160.000ريال :eek: سعر جدا جدا عالي على محرك 3.3 لتر
وللأسف سيكون على هذا السعر الفشششل لبداية جينسيس :rolleyes:

سعر غالي شوي

بس السعر كويس على منافستها GS

شكرا اخوي

انا عارف ان العالم الحين بيروح بالهم للكزس ES بانورما بنفس السعر ياحلاااااااااااوة :D :D

أول شي يعطيك العافيه أخوي نيساني

وبالنسبه للسعر بصراحة فوق المتوقع|5|


الا اذا كانت فعلا أفضل من المنافسين في كل شي (وأهم شي الجوده )

كفوو على المعلومة بس لوفيه صوووووووور
.. ومن ناحية السعر اشوفه مبالغ لو يخلونه 130 او 140 يكون احسن اوما 160 اخذلي لكزس احسن لي

والله إذا اللكزس جي اس 300 سعره 197000 ريال أنا أقول هذي تهون ولو إني أعترف إنها غالية لكن الى الحين أرحم من غيرها

سعرها فوق المتوقع !

لكنه مايزال مناسب بالنسبه للمنافسين (GS )

مشكور اخوي نيساني على الخبر |1|

تحياتي,,,