قديمك نديمك ولو جديدك أغناك+بعض الاسئله والاقتراحات

إذا قلت بأنك بتغير كل شي فيها ،، أجل إشتر سيارة جديدة وبس خخخخخخ ... أنا أقول لك ما يحتاج تغيير إلا الأشياء اللي منكسره أو كذا، لكن بإمكانك تدخلها أي ورشة عندكم لكن بشرط يكون شغلهم معروف بأنه مضبوط جداً .. وحط السيارة عندهم وقل لهم أبي (تجديد كامل) يفككون السيارة كل أبوها ،، ويعيدون إصلاح وطلاء كل قطعة فيها .. يفكون كل شي متصل بالشاص ، ثم يزيلون الطلاء القديم ويصنفرونه ثم يطلونه من جديد باللون اللي تبيه !! ،، وهكذا كل قطعة .. ويركبون كل قطعة كما كانت مع تغيير القطع البالية اللي أفسدها الزمن ، طبعاً العملية مكلفة يمكن توصل ما بين 20 و 30 ألف ، وبتاخذ وقت ليس أقل من 3 أشهر .. وبتطلع كأنها جديدة . ______________________________ بالنسبة للنقطة الثانية ما أعتقد هالأشياء ضرورية أبداً ،، والدليل سيارتك ، روح لأي تشليح بتحصله مليان سيارات موديلات جديدة (الموديلات البلاستيكية) ، لكن بتلاقي السيارات القديمة الأصلية (الموديلات الحديدية) قليلة جداً جداً وربما معدومة ...... لكن إذا كنت عازم فيمكنك تركيب هالأنظمة ، ولو إني ما أعرف وش نظام VDIM و VSC ، وبتكلفك مبلغ جيد ،، يعني مثلاً نظام أكياس الهواء (حساسات + كمبيوتر + نافخ الكيس + الكيس + مقود مناسب + أسلاك مناسبة) مع التركيب بتكلفك ما بين 4000 - 7000 ريال هذا بالنسبة للسائق فقط والقطع من التشليح ، أما الراكب فأعتقد مستحيل لعدم وجود فراغ في الطبلون ، ويلزم قص الطبلون ووضع الكيس وجهاز النفخ داخله !!! ______________ جهاز EBD توزيع قوة الفرملة إلكترونياً ما أشوف بأنه شي مفيد ،، وبعدين أتوقع إن الجهاز غاااالي حتى من التشليح من أرخص سيارة فيها هالنظام وهي .. ___________________________ جهاز Traction Control لا أرى له أي داع بسيارتك ،، فهو يوضع لأجل ضبط الإندفاع وعدم الإنزلاق أثناء الإنطلاق .. وذلك للسيارات التي يصعب جداً السيطرة عليها أثناء الإنطلاق .. ==================================== بالنسبة للتظليل ما عندي أي فكرة ، لكن التظليل العادي (زيرو زيرو) حليو ويؤدي بعض الغرض .. ==================================== النقطة الرابعة (1) ،، طريقة حلوة بل رائعة منك .. استغللها بما يعود عليك بالمادة .. ==================================== النقطة الرابعة (2) ،، هههههههههه .. ليش من سابع المستحيلات ،، عادي ، ما في شي مستحيل ،، لكن اللي يصنعون السيارة يبونها بموديلها بس للعائد المادي ،، أما إذا طلعوا سيارة تقدر تبدل بديها بالبيت على سيارات أخرى من نفس الشركة ،، بتكون خسارة كبيرة للموديلات الأخرى اللي ما يتبدل بديها ، لأنه معاد بيشتريها أحد ، هذا أحد الأسباب ،، وفيه مليون سبب وسبب ،، لكن سبق وكان عندي في مجلة (سبور أوتو) عدد قديييم يمكن 1995 سيارة من مرسيدس تقدر تبدل جزئها الخلفي وتخليها مثل ما تبي ،، كوبيه أو ونيت أو بوكس أو أو ،، وكل ذلك في وقت قصير جداً ما يتعدى 5 دقائق ، ولازم 2 يشتغلون ،، وربما شفت سيارة أخرى مقاربة لهالطريقة .... تحياتي لك أخي (مكاوي ماركة) ولطموحاتك اللي تدل على عدم استحالة شي عليك .. واعذرني على عدم إفادتك في النقطتين الثالثة والرابعة