السلام عليكم
سلخييييييييييييير جميعا
يا اخوان عندي استفسارات جمه <<< ركز على جمّة بشد الميم و هطس الهاء:D
معي كابرس مطلعه بنظام التأجير يعني سلمتهم رقبتي بالعربي <<< لا احد يجي يبارك وبس اللي بيطل يدعي لي ان الله يسهل سداد اقساطها.... |4|<<< دعوة من قلب
الكابرس إل أس 2008 وفيه ازرار وشاشة على الطبلون <<< قل قسم :p
اللي بسأله هو كا التالي:
1. بالنسبة للسيارة وش مشاكلها ووش مميزاتها بالعلم اني لم أتعدى 100 كيلو /ساعة حتى الآن <<< السيارة تحت التمرين وإذا وصلت الألف هل ادز مباشرة او امرنها 110 و120 و 130 وهكذا حتى 220 :rolleyes:
2. كل ما طفيت السيارة وشغلتها يفصل الزر الخاص بالتكييف واللي يسكر التهوية (عرفتوه علامة السيارة وفيها سهم معكوف) وهذي حالتي كل ما اطفيها واشغلها
3. الزر الخاص بمانع الانزلاق كل ما طفيت السيارة وشغلتها يشتغل من نفسه مع العلم اني افصله <<< هل يضر انه يكون شغال على طول او يكون طافي على طول وش الفرق <<< احس الطاره تخف عقب ما افصله
4. كل ما اطفي السيارة واشغلها (أمزح مالها علاقة :p)
فيه زر عليه علامة التلفون بالطاره اضغط عليه وما يصير شيء ومعي جوال نوكيا 95 << غصب بيعلمكم طيب وش الحل
لا احد يقولي انت ماخذ ال اس يعني ما فيها بلوتوث أدري <<< عطونا وش الحلول الممكنة للإستفادة من ها الميزة وهل هناك اضافات اقدر اشتريها تخدم بها الموضوع
5. السيارة لما تعشقها (تعشّقها بشد الشين يعني تلقمها نمرة <<< شغل حواري) العادة اذكر ان السيارة تنزل تحت او ترفع حسب اللقمة R أو D
بلاكت ان السيارة احس انها تخض تسن بها رعشة هل هذا طبيعي ام لا
وبعدين في واحد من الزملا قال لي سيارتك |24|أسترالي
قلت خروف ولا ضفدع اندنوسي <<< طراه عبدالطيف الجميل المسدوده
وسبب اختياري للكابرس لأسباب
اولا انا اشتري السيارة لي مهوب علشان ابيعها على زيد بعد كم سنة
ثانياً اذا بغيت سيارة فيها جميع المواصفات اي بي اس ومانع انزلاق ومثبت سرعه لازم اخذ فل الفل من عبداللطيف او النصابين الثانين
مع العلم انها موجوده بالسيارات الامريكية اقل فئة
يعني هل ادفع 79 ألف واخذ كابرس او ادفع 100 ألف وزياده على كامري؟؟
ثالثا والاهم انا نظامي نظام شياب ما احب الدفع الامامي ;)
بالأخير ما احد يخبر لي ربع مرخص <<< والله الخطمة اللي مالها داعي|4|
