معيُ 30 الفـ وش تجيب لي \ انصحوني وش اشتري ؟؟

ماكسيما أقل من 30 ألف صعبة

وخصوصا إذا كان موديلها 2002 وفوق وكامل المواصفات

إلا إذا كانت مصدومة أو فيها عيب

أنا معاي ماكسيما موديل 2004 فل أوبشن شاريها وكالة بسعر 94 ألف ريال

وديتها المعارض قبل فترة و ساموها الشريطية 50 ألف ريال

ورفضت إني أبيع

هذا الناقص يبونها ببلاش

نصيحه انتبه منهم لأنهم يبعون كلام ويبون يصرفون السيارة

لو تاخذ واحد معاك خبير في السيارات بيكون أحسن


ونصيحتي خذلك سيارة وكالة أي نوع

على الأقل تشتري راحة نفسك وتؤدي الغرض
وراح تريحك 5 سنوات

أما المستعمل الله يعينك كل فترة وانت بالصناعية

وانت فكر واحسبها صح

وشوف اللي يناسب وضعك

وموفق باختيار السيارة

الله لا يهينكم يالغالين


الفورد حلو
وحجمه كبير
ورزهـ وكشخه

بس المشكله خرابته
دائما الامريكي مشكلته الحراره
والتخبيط السريع

والا انا نفسي في فورد وخايف من الخرابات بس 2003 وطالع هو الأنسب
اما من 2003 ونازل مستحيل آخذ
ومن ناحيه الماكسيما والا الالتيما
انا كنت مستأجر التيما 2005
اتوماتيك ... 4سرندل ... الصراحه مافيها عززم ماتوقعت الالتيما كذا
اتوقع الماكسيما انسب واقوى
والكامري 2002
حلوـه
قويه \ امممم يعجز لساني عن وصفها
بس عيبها الوحيد
يعني احس انها مو كشخه ههه
وحقت تفحيط ومتهورين
وٍجاري البحث عن ماكسيما انشاء الله
ولكم جزيل الشكر

هاياكس 2002

أنا مع Microsoft و charger rt في ما قالوا ... واستخر وبيوفقك ربي سبحانه للسيارة اللي مكتوبة لك .. والماكسيما اللي لقيت لقطة لقطة لقطة ،، لكن إذا كان فيها ضربة قوية وتصلحت تصليح مو تمام ،، أبعد عنها وانسها ..

1-التيما 2005 تكون 4 سلندر
2-الكرولا2005
3-بعدين الفورد موديل 2002 بالراحه تلاقي وياكثرها في جده
4-كامري 2002

اخووووووووووي تبغى نصيحتي

انا لو مكانك بالمبلغ هذا

عندك خيارين :

الأول انك تاخذلك يارس جديدة من الوكالة هي في حدود الثلاثين تقريبا مدري والله بالضبط

والثاني : اذا تبغى مستعمل لا تاااخذ الا الكاااااامري موديل 2002 ... انصحك بيها وبشدة

رحيمي معاه كامري موديل 2002 ويسافر بيها من جدة للحفر ومن الحفر لجدة الطريق 12 ساعة رايح و 12 ساعة راجع اتخيل

وله معاه السيارة من 2002 حتى الآن وزي الحلاوة ما شاء الله

ولعلمك هذه السيارة افضل كامري نزلت حتى الآن واتحدى مجرب يقول غير كذاااا

ولو بتاخذ دورلك وحده نظييفة وصدقني راح تعيش معاك باذن الله

ولعلمك جودتها على كلام بعض الناس انها تفوق جودة الاكورد والسيارات اليابانية والله اعلم

بس سيااااارة روووعة صراحة بالنسبة لسيارة بالسعر هذا تعتبر ممتاااازة وافضل الف مرة من غيرها


وانت لك الاختيار


والله يوفقك ولا تنسى تستخير قبل ما تشتري


سلام|3|

دور لك شيروكي نظيف 2000 - 99 .. حول مبلغك ..

المكسيما خيار موفق انشالله

تحياتي لك :)

تسلم يالغالي على هالنصايح

وجاري البحث عن مكسيما بالشرقيه



والألقارب مع الماتيما مدري كم سعرها

يقولون سعرها 2005 يعني ماكسيما
؟

النيسان ممتاز بس يبيله عناية شوووية اكثر من التويوتا ... وبعده ممتااااااز وماعليه كلام وقوي ... ومريح وفيه رفايهة اكثر من التيوتا

وانا عندي باثفيندر نيسان .... وسواقته مررة عاجبتني ومريحة ... وسمعت من واحد يقول سواقة الماكسيما نفس سواقة الباثفيندر ... قلت الماكسيما اجل خووش ماعليها كلالام اذا نفس الباث ... والماكسيما معروف قوي وخفيف ... يعني سريعة السيارة وقوية

بصراحة جرب سواقة الماكسيما وشوف ... اتوقع افضل من التويتا واحلى بكثير ... ترى التايوتا شركة تهتم بالقوة والمتانة اكثر من راحة السواقة والرفاهية

النيسان تهتم بالاثنين ...

شوف الي يريحك اكثر ياخوي واخذها ... لان كلا السياراتين الكامري والماكسيما ماعليهم كلام

السلام عليكم اول شي انا عضو جديد انا اقول الكابرس موديل 2000الي 2002 ممتاز

الله لا يهينكم يالغالينُ
على هالنصايح الطيبه


ومشكورين وماقصرتو

يعنيُ افضل النتايج الى الحين

1\ الماكسيما بنسبه 60%
2\ فورد بنسبه 40%

بسُ نفسيُ تتوقـ للماكسيما
واحد من اخوياي شاري وحدـه من الكويت موديل 2002 نضيييفه مررـه ماشاءالله

طلعت عليه مع الجمارك وكل شيُ تقريبا بـ27

غاليه شويُ
مع العلم اني لقيت موديل 2002 بـ24 فل كاملـ بالسعوديه بمعرض
بس اللي مخوفنيُ

اني ما اعرفـ احد سبق واستخدمها
وعارف اعيوبها ووش الليُ فيها ومافيها
ولا سبق وركبتها اصلا ولا اعرف شكلها من داخل

لكنُ \ هل راح احصل رخيص بالكويت ارخص من السعوديه ؟
مع العلم ان العمله ارتفعت
يعني الدينار الكويتي بـ14 ريال سعودي
وبرضو بكم راح احصل نضييف بالسعوديه ؟
ولكممم جززيل الشكر

ونعم الرأي الجراند ماركيز انا اشهد انها سياره ودور النظيف صدقني بتريحك ...

أو مثل ماقالوا الشباب أكسنت جديده مقاربه للسعر اللي ذكرته ...

اسأل الله تعالى ان يرزقك من واسع فضله أنت وجميع من يقرأ هذا الرد ويعينك على رد الدين ...

تحياتي

عندك الفورد فكتوريا او ماركيز بشرط النظافه والمبلغ اللي معك يجيبلك من 98 الى 2000 نظيف

و عندك الاتيما 2005 بحدود 26 الف الى 31 حسب الممشى و النظافه طبعا 4 سلندر

وعندك السوناتا و الالنترا وعندك كامري موديل 99-2000 -98
وعندك الكورلا 2005 و 2004 بحدود 25 الف

و عندك الاكورد 2000-2001-2002

ونصيحه قبل ماتشتري الموتر افحصه كمبيوتر وجربه بنفسك لاني اعرف الكثير من اشترى مواتر و لم يدق سلفه فقط من وقفته و طلعت فيه بلاوي الدنيا .

انا اشوف ان الماكسيما احسن خيار |1|

لو معي هالمبلغ ماراح اتردد عن الماكس...

والفورد تراه موب شين ابد |1|

الله يوفقك...

تحياتي...

أنصحك بجراند ماركيز 2000 وفوق
بس بشرط تكون نظيفة وتأخذها من واحد تعرفه وأتركك من كلام الشريطية تحصل عندهم السيارة يقولك أنها نظيفة و فيها خرابات الدنيا
أنا أشتريت جراند ماركيز1996 ومن واحد أعرفه والله السيارة نظييفة ما شاء الله ولا فيها مشكلة حرارة ولا هم يحزنون
أتوكل على الله و خذلك جراند ماركيز

الله يوفقك اخووي وافي و ييسرلك الموتر الي يريحك...
و انا اقول لا تفكر في الامريكي ترى ما منه فايده مافي احسن من الياباني و انا شخصيا اقول ان الكامري موديل 2000 او 2001 ممتازه ((نصيحة مجرب)) و الماكسيما انا شخصيا ما جربتها لكن مافي احد يشتكي منها و عموما الياباني الكل يشهد ان عملي و ينفعك لكل شي...
و الله يوفقك انشالله ,,,

اولـ شيُ اعذروني يالغالينُ لعدم ردي عليكمٍ

لأني ماكنت متواجد بالنتـ لظروفـ

وثانيا
اشكركمٍ يالغالينُ كلكمٍ
وكلامكم وآرإئكم على متمه

وشورٍاً طيبُ

من وجيهً طيبه

اما من ناحيه الموضوعٍ

نفسي بدت تراوغني للمكسيما

للأتيُ
1\ انها يابانيُ
2\ رخيصه شويُ وشكلها مقبولـ نوعا ما وكشخه
رغم ان قطع غيارها غاليه شوي
الا انها تقريبا من موديل 2000 الى موديل 2007
لم يتغير شكلها
يعني لو يكون معي موديلـ 2003 راح يفكرون ان موديلها 2007
تقريبا نفس الشكلـ
والله يكتب اللي فيه الخيرٍ
بس مدري كم راح احصل مكسيما 2003 ؟
وهل هي بالخارج مثلا الكويت ارخص من معارض الدمام ؟
ولكم جزيل الشكر
واعتذر عن الأطاله