ماهي الاشياء الضروريه لفحص الشبح قبل الشراء و محتار مابين الشبح والفياقرا..تكفون دلون

ياجماعة الخير
انا بعد عندي نفس التفكير
فكرت فتره في الشبح
ونصحوني فيه الشباب والاصحاب المستخدمين
قالو زي الفل
وقطعه مره ماتتعبك
ونصحوني اول شي اكشف عالثلاجه واللديتر
وهي السالفه تفكير
وقالي واحد ثاني من الشباب
يقول خذ فياقرا ترا نفس الشبح في القطع يعني فرق بسيط لا يذكر
طبعا احنا نتكلم عن اقل المواصفات اللي هي سمول مو لارج
اللي تجي بدون شفط وبدون هدروليك
بس جلد ومثبت سرعه ومقاعد كهرب

باقي ناخذ فتواكم يا اصحاب الخبره
وبكم هي اسعارها

واش الفرق بين الجفالي والامريكي والالماني والياباني

الله لايهينك

أنا اليوم حصلت شبح 99 أمريكي بس مادري ليش منب حريص على الأمريكي
أعتقد إن الألماني يكون أفضل
مع إنه نظيف و ماشي 155 ألف و راعيه بياع بـ 50 ألف

الجفالي أكيد أحسنهم بس الله يجيب النظيف

و أنا منب راعي سفر
بس راعي مشاوير و معدل 150 كيلو يوميا
يعني الـ 320 أعتقد إنه أفضل شي

لاهنت يابعدي

حياك الله يابونهى

شف طال عمرك

اولا ابعد عن الالماني رغم اني الى الان ماشفت منه شي والحمدلله

دور لك جفالي او امريكي ثم الياباني

الاسعادر تختلف حسب نظافة السياره

حصلت لي واحد 320 جفالي بي 65 الف نظيف بمعنى الكلمه

واسعار الياباني والامريكي في حدود(50-55) الف مايتعداها اذا كان نظيف وفل اوبن

اذا انت راعي مشاوير طويله يعني كل اسبوع بتروح كمثال للرياض من الشرقيه او الغربيه
طق لك 500 وترى اسعاره اقل من 320 يعني في حدود 48 الف

لكن والله جلست ادور شبح نظيف مايقارب الشهرين ماحصلت اغلبها ماشيه فوق ال 200 الف
واسعارها غاليه يعني كمثال حصلت لي واحد جفالي ماشي 280الف يبي فيه 48 الف؟؟؟؟!!

وحصلت واحد ماشي 400 الف يبي فيه 46 الف؟؟!!

بخمسين الف تاخذ لك واحد نظيف ورده واذا غلي مرررره مرره بيكون ب55 الف

اتمنى ان اكون افدتك

مروق البال


ألف مبروك عليكم والله يطعمكم من خيره و يكفيكم شرّه


محاكيك خاش مزاجه الشبح بس مايعرف وش أسعاره

فـ بحكم إنك عارف الأسعار تقدر تعطيني فكرة بسيطة
عن أسعار الـ98 جفالي و ألماني ؟

بـ انتظارك

الف الف شكر لمن رد علي وشارك في موضوع

شرينا شبح موديل 98 الماني

انا ماكان بودي اخذ الماني بسبب مشاكل الحراره لكن حقيقة ماحصلت اننظف منه

من ناحية البودي والمحركات وخصوصا اللون الذهبي تعبت وانا ادور هاللون

عموما عندي بعض الاستفسارات؟

1-ابغى اتخلص من شي اسمه حراره؟
هل اغير البلف حرارته بعد ماطلعت للجبيل وانا مشغل المكيف 80 لكن اول ماوقفت طلعت تقريبا الى قبل 90 بشي بسيط؟

2-فيه تنسيم جهة باب الراكب جنني هو تنسيم بسيط لكن وش رايكم وش الحل؟
انا تقريبا شبه متاكد ان الموتر ماجه اي ضربه وشيكت على كل الجلد سليمه ونظيفه

تحياتي لكم اجمعين

الشباب ما قصروا واعطوك تقريبا كل شيء ..
إذا أنت من الناس اللي ما يهمك قطع الغيار وتفضل الشكل فخذ فياقرا
وإذا العكس خذ الشبح, مع العلم إن الشبح له هيبته الخاصه
الشبح أكثر رساوه وأقوى في الهيكل وباقي له سوق في حالة البيع أكثر من الفياقرا
ولكن مواصفات الفياقرا أكثر من الشبح, واكسسواراته أغلى بكثير من الشبح
ايضا افحص الكهرباء والحساسات بالإضافه للي ذكروه الاخوان.

( اعرف لك واحد شريطي معه شبح 97 نظيف جداً, يعطونه فيه 70 الف ريال ورافض البيع, يبيه استخدام شخصي)
قرارك يرجع لأمكانياتك واستخدامك ..

تم دمج الموضوعين

ماهي الاشياء الضروريه لفحص الشبح قبل الشراء
و
محتار مابين الشبح والفياقرا..تكفون دلون

كونها لنفس المستفسر

الفياجرا أفضل بمليون مرة من الشبح...بنظري الفياجرا قرب شكلها ينتهي ..فما بالك بالشبح ..!!!

الفياجرا شكلها أجمل ومواصفات أفضل...لكن مثل ماذكر الأخ وحسب مانصحت من قبل أحد فنيي مرسيدس قال اذا تبي فياجرا خذ 2003 وفوق لأن المساعدات انحلت مشكلتها وهي أفضل ميكانيكيا

للمعلومية أنا سألت عن مساعدات الفياجرا الأربعة في الجفالي وكان سعرها 25ألف ريال:mad:
فهل تتحمل قطعها ...في حال الخراب لاسمح الله ...وهناك مساعدات مجددة وسعر الواحد تقريبا 1800 ريال


أتمنى لك التوفيق ولاتنسى الاستخارة

السلام عليكم ورحمة الله وبركاته

لي حوالي شهر وانا مره افكر في شبح 98 وفياقرا موديل 2000

حصلت لي شبح نظيف جفالي ماشي 100الف فقط ماشاء الله ورده

وحصلت لي فياقرا 500 ماشيه حوالي 160الف

ولكن فيه ناس يقولون الشبح اكثر صلابه ومتانه وتحمل من الفياقرا

بالاضافه الى ان قطع الغيار ارخص

ولكن الفياقرا شكلها جذاب وموديل ذو شكل جديد

اتمنى ان تفيدوني لان على ضوء كلامكم ان شالله باستخير واتوكل على الله فيما تشوفونه مناسب

ملاحظه انا لست راعي خطوط يعني يمكن مرتين في السنه اطلع من الدمام الى جده

مشكوووووووور ماقصرت

وانتظر مشاركات باقي الشباب