والله واحد من هالمنتدى تعرفت عليه
و يقول ان الفني اللي بالورشة ممتاز الى ابعد حد
و خبير بالاوبل و يفصفها لك
اما انا عن نفسي رحت لكم ورشة للأوبل و اشوف انهم استغلاليين
على انهم يفهمون فيها لكن استغلال عيني عينك فإنتبه
يعني مثلاً واحد كنت بصلح السيارة عنده و كانت القطع المطلوبة كثيرة
فقال لي القطع بـ 1950 ريال و شغل اليد 1000 ريال
قلت له خلاص انا بجيب القطع و رحت للمحل اللي يتعامل معه هو
طبعاً ما في غيره كل اصحاب الاوبل بالشرقية يعرفونه
و طلبت القطع طلع سعرهم 1400 ريال فقط يعني اقل بـ 550 ريال
و شغل اليد طلع قطاعي في كم محل بـ 850 ريال يعني اقل بـ 150 ريال
وفرت 700 ريال !!!
طبعاً القطع للمعلومية
1- اذرعة خارجية يمين ويسار + وزن الاذرعة
2- جلد مقص يمين ويسار + سحب المقصات
3- جلد ذراع شاصي << انصح الواحد ياخذ ذراع كامل افضل.
4- فحمات بريك خلفية وامامية + خراط هوبات
5- حساس بريك.
و اذا محتاج قطع اسأل الوكالة عن سعرها قبل لا تاخذها تجاري او مستعمل بأغلى
لأن اشوف كم واحد يتكلمون عن ( طرمبة الماء) كانت بـ 400 ما ادري 360
لكن يوم سألت الوكالة طلعت بـ 190 ريال بس
في النهاية الورش المتخصصة تتفنن في شفط الجيب !! انتبه !!
