تم اكتشاف وكر التلفيق والغش !!

صراحة اول مرة ادري عنها

بس الحمد لله اني اخذت سيارتي من البازعي

انا لله وانا اليه راجعون

النصب والسرقة في وضح النهار

هذا مو تخشيب هذا صمغ

يبيعها أبو جميل عند قسم الإكسسوارات

ياشباب من فين جبتو هذا الكلام ماشفتوة هو مستودع السيارات أو يقال عنة فى الشركة البرحة واى سيارة بها خدشة بسيطة لاتباع على أنها جديدة ويتم عمل مزاد عليها .
ثم من أين تأتى سيارات قديمة وكل سيارة لها بطاقة جمركية صادرة من ميناء جدة بتاريخ دخول السيارة الى المملكة وتاريخ التصنيع .
يا أيها الذين أمنوا أذا جائكم فاسق بنباء فتبينوا ان تصيبو قوما بجهالة .............الى اخر الاية .
واللع العظيم هى شركة محترمة جداوخصوصا هذة السيارات التى تدحثو عنها من حيث الكمية هل احد يعرف كم عدد السيارات التى تبعها هذة الشركة فى السوق السعودية هى اكبر شركة فى المملكة وان شركة تويوتا الام لاتقبل بأى حال من الاحول ان يتم التعلاب بمواصفات سيارتها حيث ان السوق بة شركات منافسة كثيرة .
ولكم منى جزيل الشكر .

من امن العقوبه اساء الادب

لو كان فيه رقابة عليه
كان حنا بخير

والله ويش هاالزحمة ههههههههههههههه
بس تبون الحقيقة هذا عبد اللطيف والله انه فاهم الدعوه حلها بصراحة اتركو عنكم جانب التلفيق وغيررره وانظر اله بمنظور انه رجل اعمال ناجح مشغل مخه 100% تكاليف حجمها صغير بمردود عالي جدا اووووووه تخيلوووووا بس كم يطلع من ورا هاالشباب بس لو تقدم شكوه ضده من جهة رسمية يكون افضل عشان ما يعيش الناس على وهم

مشكور اخوي والله اني عارف عن الموضوع من زمان بس محد مصدقني وترا حتى المكيفات
والمسجل والجنوط اي شي يخطر ببالك ومع ذالك الناس طايرين فيه مصدقينة على ويش مادري حتى مواصفات مايجيب ؟؟
حسبي الله علية ....

^^^^
تفكيرك عجيب
لا تعليق اخر

يا شباب هدووووء أعصابكم السالفة حديد

بالنسبة لأبو جميل يطلب السيارات أتوقع وحسب ما ستنتجته <<<<<<< مدري كاتب اسنتجته صح ولا غلط

إنه يطلبها ناقصة بعض الكماليات والإكسسوارات مثل المسجل والتخشيبة وغيرها
ويقوم يركبها في مصنعه حتى البطارية يغيرها بنوع أرخص وسالفة البطارية أنا أكتشفته بنفسي في كامري 2004 يوم خربت علي البطارية بسب إهمال مني وخذت وحدة أفضل من حق الوكالة

المسجل معروف يركب هنا من عند أبو جميل مو من البلد الأم + الجناح لبعض السيارات والحساسات وغيرها من أنوار

إلأي ما بعلته المديل يغير فيه

والثاني سيارات لكزس ما أتوقع فيها تغيير ولا مسمار

أما مشاكل الإكسسوارات حق تويوتا نادرة جدا بس السبب في تركيبها هنا إنه بتطلع أرخص على أبو جميل لم يجيبها من برى

وكل الناس عارفه إنه أبو جميل يركب ويغير طيب محد ظرب واحد على يده وياخذ من ابو جميل

وبعدين سيارات تويوتا مثل الكامري الي عندي ماصار لي أي مشكلة في اكسسواراتها ولا خرب ولا تخشيبة انفكت ولا شيء اللهم بالبطارية خربت بسبب اهمال مني بدون ما أزيدها موية مقطرة لفترة طويلة وخربت والثاني خربت عندي الحساسات الأمامية وهي تركيب ابو جميل وصلحتها على الضمان

غير كذ السيارات تمام التمام

ولا تبيها مثل ما طلعت من البلد الأم بدون تغيير أبو جميل

الكوريلا بتكون مثل مواصفات IS لكزس ما عدا المكينة 4 سلندر
والكامري مثل مواصفات ES وقابلني إذا أحد شراها

تبي فخامة خذ لكزس تبي سيارة توديك وتجيبك تأدي الغرض خذ من تويوتا

وهذا سيارات تويوتا تبيها اشتري ما تبيها السيارات غيرها واجد


أخوك بندر

^^^^^^
البريفيا كان تبعي :D
وانا مشكلتي مش مع احد بس حبيت اوري الخليقة مكان التلفيق

ويا ابويا ما في مشكلة مصنع بيبسي او كي اذن انت الي سميته صح ؟

واما بالنسبة لشباب الكافتريا نسلم لك عليهم :)

و فعلا دائما اطلع احصل السيارة يا مقفل عليها يا محكوكة عشان كده صرت اوقف في مبنى الادوار واضربها مشي :D ( اخذ الموقف الاحادي في الزوايا |1| )

وبالعكس انا اعشق السيارات وعندي خلفية طيبة ( اسوق من يوم كان عمري 14 )

و عالعموم لست انت المشكلة وما في مشكلة هي صورة تبين مكان تركيب الاكسسوارات المزيفة وما خفي اعظم

اسف على الازعاج |3|

ياخي قولي من أول انك طالب جامعة وما عمرك ركبت سيارات تايوتا وهذا يدل على قلة خبرتك ياولدي (هذا مقارنة بعمري في عالم السيارات)

الحين يبدأ التحليل النفس ل 77Mooody كالعادة.....:D

شوف انت طالب كلية هندسة وكان عندكم في البيت سيارة بريفيا...

هذا يعني إنه كان عندكم سواق يسوق البريفيا لانها سيارة سواقين ويوديك ويجيبك (حسره علينا كنا نطقها مشي أو متعلقين في ونيت ددسن 84) وبعدين تعلمت عليها الين راحت تشليح |10|
وما عمرك عاشرت السيارات ومشاكلها في الازمات والاعطال أو حتى التفحيط الله يجيرنا واياكم من عواقبة (هذه ليست دعوة للتشجيع على التفحيط)

أنا ومن خلال تعايشي مع سيارات تايوتا اجد ان افضل سيارة ركبتها على الاطلاق (من حيث الخدمة والتحمل) في المرتبة الاولى كريسيدا 94 وفي المرتبة الثانية كورولا 92 وفي الثالثة كامري 97 والله اني اشهد انها سيارات ينشد فيها الظهر (واحيانا يمديك تكد عليها|1| )

أما بالنسبة لمصنع البيبسي انا باقولك كيف عرفته لأن لي معه قصه طريفة... هذا سلمك الله منطقة الخمرة معروفة بكثرة الاستراحات فيها والاراضي رخيصة جدا بس بدون صكوك (يعني انت وحضك الين يصيدك صاحبها الاصلي وواحد من الشباب عنده استراحة قريبة من موقع مصنع البيبسي وقال لنا قبل سنتين اذا تبون اراضي ممكن تشترون في هذا الموقع (يقصد موقع المصنع الحالي قبل بناءه) ولما رحنا بعد فترة نشوف كيف البيع والشراء وجدنا مكتب يبيع الاراضي ومقسم الارض لبلكات وسعرها رخيص, ولكن والحمد لله قبل ما نتهور ونشتري لانها اراضي بدون صكوك جاء القحطاني وطرد الحرامية اللي كانوا يبيعون الاراضي التي يملكها وقام بانشاء مصنع البيبسي بجانب ابو جميل.

عموما أنت ما عندك مشكله مع تايوتا انت مشكلتك مع ابو جميل وبرامجه هذا موضوع ماهو تخصصي فلو سمحت حل مشكلتك معاه ودي وكل واحد يصلح سيارته ... الا على طاري السيارة انت وش سيارتك اللي قلت عليها لقيت بديل الكامري؟؟؟

واخيرا سلم لي على كليه الهندسة والكفتريا اللي في مبنى الهندسة الميكانيكية وبلغ تحياتي واشواقي للكفتريا الواقعة بين كلية الهندسة وركز اللغة الانجليزية وقولي بالله عليك كم مرة طلعت من الجامعة ولقيت واحد مقفل عليك ولا سيارتك فيها حكة.:mad:

حسبي الله عليهم ..!

بس ايش نسوي ..!

انا نفسي باللكزس وما باليد حيلة ..!

لا انا ما عاصرت تجربة مريرة :D
وانا كان عندي بريفيا من 4 سنوات ( ايام الثانوية )
وانا ما اخذت من عندكم بالتقسيط
وكنت قبل فترة حاخذ كامري بس لقيت البديل
وانا ما يشرفني ان شركة ابو جميل تقسط لي !
وانا طالب في كلية الهندسة وان شالله ما اطب شركتكم ولا يشرفني اتوظف فيها

وبعدين انا مش متعصب ضد تويوتا بالعكس تويوتا افضل الشركات ( اقرأ الردود السابقة) بس شركة عبداللطيف جميل نصب واحتيال وسرقة الناس وغشهم

والمضحك ان مسوي نفسه مسكين وفقير يقلك ( باب رزق جميل ) مسكين ما عنده رزق

وكمان شركة عبد اللطيف جميل للاعلان ( محتاج دعم المسكين مو محصل لقمة العيش)

ولا مساعدة الشباب بالتاكسي يقلك بدون فوائد ( بس طلع العكس ) فيها مص دم المواطن

وبالنسبة لوائل كفوري اعرفه:D

مغني لبناني مشهور وانا من المستمعين لاغانيه واذا قابلته باسلم لك عليه :cool:

واما مصنع البيبسي ما اعتقد ذلك احس انك انت كتب المكان وسميته كذا لان كان بدون اسم اول

ومو معقولة يكون لاصق جنب ابو جميل ( بس يمكن يقلب علب البيبسي لسيارات :D )


المهم مثل اسمك toyota 1 فعلا تويوتا رقم 1
بس شركة عبد اللطيف جميل المحدودة نصب في نصب

وانا لست متعصب بالعكس |1|

^
طيب وش فيك تتهرب ياتويوتا واحد .. خل اسلوب التصريف على جمب

وجاوب على اسألة حمودي وورنا :)

حقيقة انت عجزتني عن الرد على سؤالك لاني فعلا مقدر ارد على سؤالك الخاص بالكامري لأنك انت الوحيد اللي شفتها وانا مقدر ارد على شي ما شفته بعيني...!!!؟ |6|

بس ممكن أجاوبك على سؤالك بس بعد ما تجاوب على سؤالي عن مصنع البيبسي ومستودع ايكيا |10|

وبعدين ابغى اسالك سؤال تعرف واحد اسمه وائل كفوري؟؟؟؟

اذا تعرفه سلملي عليه !!!!

لو ماتعرفه اعتبر اني ما سئلتك :D

أنا مدري ليش انت متعصب ضد سيارات تايوتا بس احس انك عاصرت تجربه مريرة مع احدى هذه السيارات لانك ماقدرت تسدد اقساطها وسحبوها منك ... او انك موظف سابق في تايوتا ومفصول من العمل وتبحث عن التشهير من باب الانتقام.

يا حبني للتحليل كـأني المحقق كونان|4|

السلام عليكم

بالنسبة لرقم الهيكل انا اعرف انه مايتغير و ليست عملية صعبة انه يطبع البطاقة برقم الهيكل

واما المكاين انا ما قلت انه يفك مكاين كورولا ويركب قديم ؟!؟!

انا قلت ان الكورولا الي يجيبها عندنا 2008 بمحركين 1.6 و 1.8

مع العلم ان الكورولا العالمية اصبحت بمحرك اساسي 1.8 جديد واسمه مختلف وبمحرك 2.4 اختياري

اما ابو جميل يجيب لنا 1.6 الي اصلا هو تبع الكورولا من 2001 الى 2007 عالميا ( بس كان يجيب عندنا 1.3 جزاه الله خير يوفر لنا بنزين )

ويبيع الستاندرد باكسسوارات خايسة بسعر الكورولا الستادندرد العالمية الي هي 1.8

ويبيع فل 1.8 باكسسوارات خايسة بسعر اغلى من الكورولا الرياضية بمحرك 2.4 الي هي شد بلد

لا تدافع عن غشاش

وبعدين ابغى اسالك سوال تعرف واحد اسمه نائل الشرفاء؟؟؟؟

اذا تعرفه سلملي عليه !!!!

لو ماتعرفه اعتبر اني ما سئلتك :D

وجاوبني على سؤالي السابق : كيف انا شفت كامري بدون بطاقة البلد والصنع في المعرض وكيف انباعت ؟؟؟ هل طبع لها واحد قبل البيع ؟؟؟

يا شباب انا من امس كنت ابغى ارد على الموضوع بس النت موراضي يفتح المنتدى جربت من امس الى اليوم وما فتح قمت فصلت الدي اس ال واتصلت بايزي نت واشتغل

احد يقدر يقول لي ليش ماني قادر ادخل المنتدى بالدي اس ال ؟؟؟

لا يكون احد سوالي بلوه !!!

وغير هذا كله مواصفات السوق الامريكي والياباني بل وحتى الاسترالي غير مواصفات السوق اسعودي


اللي فيها دركسون وقير ومسجل وانيت في الكامري مثلا

اخي تويوتا انا باسال بنفسي شخص يعمل في شركة تويوتا وراح اجيب لك عكس اللي تقوله في مسالة:

1- طلب السيارات من المصنع بمواصفات اقل او غير الموجود في السوق الحالي وشوف مكاين الكورولا مطلوبة من المصنع بنفس المحرك القديم.

2- الاكسسوارات الوهمية اللي يركبها ابو جميل في سياراته ولاحظوا شغل اليد يجيك وكانك مركبها في غرابي.

.

يا أخ 77Mooody أنا ما أدافع عن شركة تايوتا بقدر ما أنا ابحث معك ومع كل القراء عن الحقيقة لانني من عشاق تايوتا واصفح عن الزلات إذا كانت بسيطة وهي موجودة في كل شركات السيارات

ولكن دعني أرد على ردك الاخير إذا سمحت لي

بالنسبة لإستكر سنة الصنع اول مرة اسمع ومنك انه فيه احد يغيره لأنه وبحسب علمي (والكلام هذا يشمل جميع انواع السيارات وليس تايوتا فقط) هناك ما يسمى برقم الهيكل وهو عبارة عن رقم مطبوع على لوح من الحديد ويثبت بشكل قوي جدا على هيكل السيارة وليس على الباب وعادة ما تراه في قلب طبلون السيارة من الخارج مثل السيارات الأمريكي او على هيكل السيارة من داخل الكبوت وهو قريب من علبة الفرامل على السيارات اليابانية.

أما بالنسبة لكلامك عن تبديل مكينة الكورولا فلتعلم أولا ان الكورولا حصلت في سنة 2007 على جائزة اعلى نسبة مبيعات في العالم فكيف تكون في السعودية مخزنة ؟؟؟ والغريب في كلامك وبحسبة بسيطة لو كانت سيارات الكورولا 2008 مكاينها مركبه من موديلات سابقة هذا يعني ان الشركة بتخسر فك وتركيب على الفاضي لان السعر ما تغير كثير وبعدين وين راحت المكاين الاصليه اللي عليها (طبعا بتقولي طلبو السيارات من اليابان بدون مكاين) وانا بارد عليك بأن خيالك واسع

واخيرا بالنسبة للموقع الذي أرفقته هذا الله يسلمك مصنع شركة القحطاني لتعبئة علب البيبسي.

كمان بتقولي أبو جميل متعاون مع القحطاني ويحطون مصنع بيبسي من الخارج ومن الداخل يصنعون سيارات خردة بأقول لك لو كل التجار فكرو بتفكيرك ماحد نجح.

لا ولو فكرنا بطريقة وإخراج هوليود زي ما ذكرت بأقولك بعد مستودع ايكيا قريب جدا من الموقع الذي ذكرته يمكن حتى ايكيا بعد متامرت مع أبو جميل والقحطاني وتورد لهم مقاعد واضاءات.

أرجوا أن تتقبل مداخلتي بصدر رحب تراني احيانا أعصب في ردودي إذا شفت شي غلط.