مالكي الباجيرو والمعجبين ايضاً. . . . . ماذا لو . .... ؟؟؟

اتوقع هالثقل خف كثيراً في موديل 2008 لان التصميم الخارجي خاصة من

المؤخره تغير الى الاصغر ولا ؟؟؟؟؟؟

أعتقد أنه منافس شرس للبرادو والباثفايندر, بس مشكلتة كان يصارع ضد اللاندكروزر والباترول (قبل نزول البرادو والباثفايندر) عشان كذا مانجح كثير بالإضافة للوكيل سمعتة سيئة.

فعلاً الباجيرو اتوقع لها حظور قوي مستقبلاً

بس الله يستر من هالاسعار والتضخم الي صاير

يعني لو يرتفع سعره راااااااااااح تصير نكسه للميتسو بشكل عام

بس الي قاااااهرني الاوتلاندر 2008 4 سلندر ما نزل لحد الان:mad:

شكلهم بيخلونه مع 2009 وبس



وبالنسبه للموضوع اتوقع اقبال اكثر من كذا . . . . |3|

والله مااقدر افيدك لاني جديد على الباجيرو
ولكن
مادام انه ياباني الصنع لا تخاااااااااااااااااف راح يخدمك ويطول معك
قطع الغيار غاليه مقارنه مع اي سياره في العالم
ولكن
حط القطعه وانس وهذي اعتبرها ميزه لعدم شعبيه الميتو لا يوجد قطع غيار مزيفه
اي ميكانيكي يقدر يصلحه مافيه جوه الا مكينه ورديتر.............
احس الوكيل تغير في المعامله شوي بس
بدى يفتتح فروع في كل منطقه
في المنطقه الشرقيه كان على طريق الدماااااااااااام بس
هلحين الدمام الجبيل
الخبروالحساء والقطيف تحت الانشاء
اتوقع الباجيرو سيارة المستقبل السعوديه
والله اعلم

محب الشاص

قرأت في أحد المواقع الأجنبية سابقا ان قومة الربع الجديد من صفر الى 100 في حدود 9 ثواني وكسور أما الطويل إذا ما خاب ظني 10 وكسور

اصحاب الباجيرو ال3800 بصراحة ابغى اعرف مستوى السيارة في فزّتها (قومتها) يعني هل هي مثل اليوكن أو البرادو او يتفوق عليهم او مثل الفتك او اقل انا صراحة هذا الشيئ ودي اعرفه من زمان فتكفون لا تبخلون علينا بهالمعلومة

عجبتني هالعبارة :D

الباجيرو لا ينقصه سوى محرك 8 سلندر
و وكيل آخر بدل الزياني عندنا في البحرين

صباح الخير للجميع

بحكم الفترة القصيرة للتجربة للان السيارة جديدة والعداد 8600 كان بودي لو كان فيها نفقيشن وكاميرا خلفية ولكن تعتبر من الكماليات اما بالنسبة للباب الخلفي لو كان جزئين راح يكون افضل ولكن لايعتبر حاليا عيب في السيارة بالنسبة للاصطبات لو تم تكبيرها قليلا فقط

ولكن شئ اعجبني جدا في الباجيروا مراتبة ماشاء الله مريحة جدا ومهما طال الجلوس عليها لاتتعب

وايضا الثبات يعتبر ثبات سيارة سيدان عند المنعطفات

بالنسبة للوكيل الحمد لله صيانة ممتازة

تحياتي

السلام عليكم


الله يعطيكم العافيه جميعاً

ونسيت احط من ضمن الاراء ... الرأي بالوكيل الحصري للميتسو

وتقبلوا مروري

لابد من وجود عيوب مهما كانت السيارة فمثلآ الباجيرو
لديه إصطبات خلفية صغيرة لايتناسب أبد مع تصميم وحجم السيارة
المكينة لا أستطيع الحكم عليه بحكم أنها جديدة معي لاكن برأيي لل3000cc يجب حلها وإبدلها بمكينة أقوي وعندئذ تغيير المكينة 3800cc إلي 4300cc كأقل تقدير
داخليآ الموتر رياضي ومتين لاكن لو أضافو بعض اللمسات كتلفون وبلوتوث وخلافة
أكثر ما ضايقني في الباجيرو هو الدعاسات الجانبية ليست بارزة ( يعني لازم تحشر رجلك داخلها ) ومرة زوجتي زلقت بسبب ضيق المسافة
الشكل الخارجي وخاصة للونين الؤلؤي والأسود خيال ( رينج روفر )
إجمالآ السيارة ولله الحمد روعة بكل المقاييس وخاصة المراتب جدآ مريحة ويقال أنها طبية
هذا مايحضرني الأن وبعد فترة سوف أرفق تقرير مدعم بالصور عنها

السلام عليكم
الباجيرو 3800 سي سي يولد 269 حصان و 6000 دوره في الدقيقه
يعني محرك الباجيرو = اقتصاد + قوه جباره + خفة وزن
اذا كان الفتك ملك الصحراء فالباجيرو ومن دون منافس ولي العهد

السلام عليكم
املك سيارة باجيرو 3800 سي سي موديل 2008 السيارة بعده جديدة بس كلش مرتاح منها وكنت محتار قبل لا اشتريها بينها وبين الباث والبرادو ولكن بعد التفكير في السعر والمواصفات توكلت على الله واخذت الباجيرو.
اللايتات الخلفية احس يرادلها تكبر شوي والباب الخلفي لو كان ينفتح للأعلى كان افضل واكثل عملية.
بس المحرك ماء شاء الله عليه واقتصادي جدا

سيارتي موديل 2004 مكينة3800 العداد60000 لم تدخل الصيانة الا خلال هذالأسبوع عند الوكيل طريق خريص استغرقت صيانتها يوم واحد التكلفة 1900ريال شملت القطع وأجور العمالة والأشياء التي شملتها الصيانة تغييرفحمات الفرامل الأمامي و الخلفية مع مسح الهوبات لإني في الحقيقة تأخرت في عملية التغيير كذلك تم تغيير زيت القير ولأول مرة اعرف انه لايوجد فلتر قير أخبرني بذلك مسؤول الصيانة ولاأدري هذاصحيح ام لا؟ كذلك تم تغيير البواجي وتغيير زيت المكينة وفلتر الزيت لأني نسيت اقولهم لاتغيروا زيت المكينة لإني مغيره قبل اسبوع كذلك تم تغيير فلتر البنزين والهواء وكذلك تم تغيير زيت الدفرنسات مع اني كنت لاأرغب في ذلك ولكنهم اقنعوني بضرورة ذلك وكنت خائف ان يكون هناك صوت للدفرنسات بعد تغيير الزيت ولكن الأمر مربسلام .اذكرذلك لأبين مدى عمليتها من حيث الإستخدام والصيانة . والملاحظة الوحيدة التي لاأرها مزعجة بالنسبة لي هو الضجيج عندماتتعدى السيارة120 فهو اعلى قياسا للاند او اليوكن اوحتى الباترول فهو اعلى قليلا لإني سبق وان جربت اللاند وعندي الآن صالون للعائله فهو أهدى صوت في السفر اما من حيث القوة فهي قوية جدا ولاتحتاج زيادة قوه للمكينه فهي لم تخذلني يوما سواءا كانت الأرض رملية أوجبلية ولكن ارى ان الشكل الخارجي ينقصه الجمال وخاصة حينما تنظر للسيارة من الخلف فشكلها صندوقي غير ممتد وان تحسن الشكل في الموديل الأخير

اخوي اغلب الردود عن المكينه فيه ناس يقولون لو تسوي 8 سلندر


ماظنتي ميتسوبيشي يسون مكينه 8 سلندر لأن سياستهم


محرك صغير احصنه كثيره وهذا ينطبق على اغلب سيارات الميتسوبيشي


بس فعلاً لو يسون للباجيرو 8 سلندر بيطلع اجراااام


او انه يكبرونها على الاقل يزودون الاحصنه اقل شي 300 حصان


مع التحيه اخوك عاشق العباره

أخوك معاه باجيرو 2007 3000 cc فل الشكل الجديد

بفضل من الله عز وجل راضي عن السياره ولم اندم على شرائها على الرغم من تخوفي قبل شرائها من عدم شعبية الميتسوبيشي في المملكه ( ليه ماني داري ) , لكن مادام انا باستخدم وماعندي نيه ابيعها ان شاء الله الا بعد ما أستوفي حقي منها توكلت على الله و انضميت الى رابطة عشاق الميتسوبيشي

لكن لو تعود في الايام للخلف ويقدرني الله بفلوس لأخذ 3800 لأني أحس بطء في تسارع السياره على الرغم من انها كافيه جدا للشخص العادي لكن بحكم انا شباب نبغا السياره تفز وتأخذ سرعتها بأقصر وقت

و سلامتكم

انا اشوف ان الاعضاء هذولا هم اللي بيجاوبونك صح :)

صالح..كيني...البنشري....قسورة.....واصحاب الباجيرو

(الاسئله دقيقه مو مقاسي :D )

انا من اريي الشي اللي اشوفه ناقص الباجيرو....

محرك ينتج 300 حصان اقل شيئ .....اشوفها كافيه جدا....لكن الحصنه الحاليه يعني يبيلها شوي زياده بعد....

تحياتي...