عشاق جيب سفاري ( باترول )

بسم الله الرحمن الرحيم
السلام عليكم ورحمة الله وبركاته
يجب علينا أن نحمد ربنا بهذه النعمة (نيسان-تويوتا) بأن جعلهم منافسين وعدوين لدودين
يتنافسان على إرضاء الزبون لكي يكون في طرفهم ! <<< وإنت تتفرج :)

المهم : لاند كروزر لم يفشل ولكن الوكالة فشلته هو واللكزس بحيث لعبت بأبوهم لعب
أولا ً من الإستحاله أن تجد نوع أو مديل من الوكالة يجيك من المصنع مباشرة بل سيذهب إلى ورشة بو جميل ويتفننون الميكانيكيين ويعدمونها ويخربونها بعدين يعرضونها للبيع بالسعر الغالي ذا
المشكلة : هل هناك رجل مستعد لدفع 300 ألف ريال وليس مستعد لدفع 20 ألف < وهو سعر الجنط الأمريكي 20 إنش
فشف عقولهم جابوا جنط ذو حالة رديئة من حثالى الجنوط وحطوه على سيارة لها مكانتها الرفيعه
وسبحان الله : تذكرت تقاليد الأوروبيين ! إذ أنهم ينظرون إلى الحذاء فإذا كان رديئا فهو عبد أما إن كان فخما ً فهو من الملوك

فللإسف اللكزس من العبيد الآن ننتظر متى يفهمونها الإداريين لأن هذي مع الزمن تنقل .
اللاند كروزيريون إلى الباتروليون 2010 ستجد الناس كلهم على الباترول يشفطونه شفط بإذن الله
وليتأدب إداريوا عبد اللطيف جميل الذين لايعرفون ما معنى المسؤولية !!!!!!!!

عذرن ؟ طولت عليكم و الأهم الباترول بيكون 5.6 ليتر 8 سلندر إقتداء بـ إرمادا
زي اللند 5.7 و 8 سلندر إقتداء بـ سيكويا الأمريكية

جاكم العلم الباترول تقريبا بيتغير في 2009
وبيتوفر بمحركين v6 و v8 و الانفنتي الكيو اكس بيكون الماركه الفخمه من الباترول
وشركة نيسان على حسب ماقريت طلبه ان محمد بن سليم الامارتي
انه يجي الى اليابان ويشوف الجيل الجديد للباترول لان الباترول اكثر مايمشي في الخليج
واستراليا
ومادام الباترول يصنع في اليابان فاماعليه خوف
واتوقع ان التعليق بيكون نفس القديم مع تطور خفيف

اذا تغير وصار مثل ما قلت راح يناسب اهل الخليج اكثر ;)

وياليت يصير مستقل كامل ;) ;)

لا اعتقد ان نيسان ستفرط في ورقتها الرابحة وحجر إرتكازها وفخر صناعتها الباترول..

الباترول الشكل الحالي من 97 .. وانتظارهم لنزول الكروزر طول هذه الفترة أكيد فيه ((ان))..

وانتظروا الإعصار القادم قريبا باترول 2009 ان شاء الله أتوقع خلال 3 أشهر |1|

كلامك صحيح لكن فيه تعديل

الباترول غير موجود في اسواق امريكا الشمالية
واذا تغير فراح يدخل السوق الامريكية تحت شعار انفينتي (نفس حركة تويوتا ولكزس)
يعني نفس الموتر وليس شقيق له

الفخامة متوقع لها تكون فئات ... يعني سياحي حق كرف (محرك وقير فقط) والفخم حق الرزه (الكشخه) ( مثل ترتيبهم حاليا)

هذا سلمك الله راح يكون بقيادة الخل الوفي :p

والله انا اشوف اللاند الجديد مو منتشر كثير....

وهذا يدل على اخفاقه :)

بس ما يندرى يمكن سنه او سنتين نشوفه زي الكوامري :D (دوام الحال من المحال :p )

تحياتي...

السلام عليكم

بصراح ابو الخل ما ادري ايش كلامك
واذا كان راح يصير اسواء اذا تغير الي مستقل في الامام فقد سبقه الاند بفترة طويلة

يا جماعة، ترى "إخفاق اللاند كروزر الجديد" هو فقط في أروقة هذا المنتدى. الواقع يحكي بخلاف ذلك.

الباترول إذا تغير، أتوقع سيتغير للأسوأ، لذلك أنصحك تشتريه الآن. أكيد رح يلغون التعليق الأمامي الصلب إلى مستقل.

أخوي هذي سياسة تسويق لا أكثر .. :)

من رأيي إذا كانت الفلوس متوفرة تطلع السيارة موديل 2008 لأنه بصراحه موتر ويمكن التغير في المستقبل يكون للأسواء مثل أغلب السيارات!! ويصير التركيز على الرفاهيه أكثر من العملية والصلابة.

مثال:

الهايلكس

اللاندكروزر

الباثفندر

الله يوفقك

سلام

ترى كل تأخيره يطلع خيره ... والحمدالله على كل حال ... والصبر جميل عند كل مسلم .. انا اللي عندي عطيتك ؟؟ انت اذا تبي تطلع سيارة ومستعجل خلاص القرار يرجع لك توكل على الله ولاتنسى صلاة الاستخارة ؟؟ وعقب ماتطلع نقول لك الف مبروك والله يعطي خيرها ويكفي من شرها ؟؟؟ وشكر الكم

انا سئلت موظف كبير وخدم كثير بالشركة الحمراني للسيارات النيسان وقال في عام من 2009 الى 2010 يتغير شكل جيب باترول الى افضل واقوى وافخم واحسن وتاريخه معروف وهما صديقان حميمان مع مفخرة الارض عاشوا سنين طويلة ؟؟ يمكن يتغير 2009 مايندرى

,,,

انا سمعت انه راح يكون للباترول اخ يحمل شعار انفينيتي ومكينة 8سلندر اطور من مكينة الارمادا الحاليه

وانا انتظر على احر من الجمر الباترول الجديد ؟ وشكرا لكم ؟؟

السلام عليكم
اولا تايوتا لم تخفق في الاند الجديد " ماعليش يااخوان كلمة حق " واعرف احد الزملاء طالب واحد وله الان قرابة الشهر يعني سرى
والسبب هو لان تايوتا ماركه عالميه ولو تصنع سيكل ثلاث كفرات راح يلاقي نجاح عد الجمهور هذا رأيي الشخصي رغم ان اللاند الجديد لم يعجبني البته
وبخصوص الباترول انا اخاف اذا طور يكون مصيره مصير الباث الجيل القديم لانه الان ولااروع
واتوقع مواده لداخليه تكون رديئه بسبب ارتفاع اسعار المواد وبلمناسبه احد القضاه في المحكمه لديه جي اكس ار رقم ثالثه مديل 2006 ماشي 42 الف مشتراه 138الف جديد عليه تخفيض والان يسام منه في المعرض 140 الف والبيعه بـ 145 الف والله لما سمعت الموضوع جلست اضحك

لو تلعبعها نيسان صح وتستغل اخفاق تويوتا في لاندكروزر الجديد وتجيب الباترول الجديد باسرع وقت ممكن وبشكل واداء افضل من اللاندكروزر راح الباترول ياكل الجو

مابيتغير الناس تشتريه في كل مكان حتى في استراليا الى بريطانيا

اشكر الجميع على المشاركه والعلومات القيمه هذه ، بس اعتقد انه راح يتغير شكله 2009 ، وكلامي فيه استنادات واستنتاجات ، صارله ثلاث سنين ماتغير شكله وانا لاقصد تغير جزء بس من السياره مثال صطوب الخ ... ولكن شكله الكلي يعني السنه الجايه بيسير السنه الرابعه من استقرار شكله الأساسي فمن المتوقع العام المقبل بالكثير يتغير وخصوصا بعد تجربه الاند الجديد الفاشله ..... وتقبلوا تحياتي ....

اتوقع في 2010 ويمكن يكون مقارب للارمادا في الشكل وخاصة الواجه الامامية ليكون مقارب لباقي سيارات نيسان ولو تلاحظ ان شركة نيسان تحاول ان تكون سياراتها قريبة في شكل الواجه الامامية
مثل الارمادا الباثفندر والنيفارا ..... وباقي السيارات

الباترول راح يتغير في عام 2010 وهذا مؤكد وبالنسبة لمنافسته للنادكروزر فانت غلطان كثيرا. روح لأي وكالة نيسان وقول لهم ابغى سفاري 2 او سوبر سفاري ببساطة راح يقولون لك استنى شهرين وعلى الحجز واللون لا تتشرط !!! تعرف ليه ؟ لان عليه سحب قوي في 2008 بالذات لخيبة امل الكثيرين في اللاند الجديد.
بالنسبة للماكينة الجديدة فانا اعتقد واخاف انهم يحطون الماكينة ال6 سريندل الجديدة اللي على الأكستيرا والباثفايندر لانها اقل صرفيه و يمكن يحطون ال8 سريندل حقت الأرمادا للمنافسة في فئة افخم
(إحساس شخصي اخاف انهم يغيرون الباترول الجديد للأسوء من ناحية التعليق و الوجهيه و يحطون وجهية الأكستيرا والنافارا والأرمادا الجديده وهي بصراحة بايخة كما اخاف عليه جدا من دركسون نيسان الجديد البايخ صراحه وإذا صار هذا فعلا فهذه والله الطامة لسيارة لم تعرف من يصتطيع منافستها)