ياشباب والله الموضوع بسيط والتغريزه تافهه جدا اول شي مع احترامي للسواق بس واضح انه عليمي بقوه ...
التطليعه بسيطه مع الدبل الثقيل وكسر الدركسون وابعاد الرمل قليلا حتى يتمكن الجيب من المشي وياخذها مسايف ويطلع بالراحه ...والعليمي بعد يقدر ينزله تحت وخلاص
شكراً لإضافتك القيمة أخي الكريم لكن التغريز كان صعب جداً إخراج السيارة منه دون مخاطرة لا تحمد عواقبها.
ياشباب والله الموضوع بسيط والتغريزه تافهه جدا اول شي مع احترامي للسواق بس واضح انه عليمي بقوه ...
التطليعه بسيطه مع الدبل الثقيل وكسر الدركسون وابعاد الرمل قليلا حتى يتمكن الجيب من المشي وياخذها مسايف ويطلع بالراحه ...والعليمي بعد يقدر ينزله تحت وخلاص
هلا والله أنا والله ما عمري طعسّت ولا لي خبرة كثيره في هذا المجال بس من وجهت نظري أني ألف الطاره بعكس الكسر يعني لو كان الميلان جهة اليمين ألف الطاره جهة اليساار وأشبك الاول واعطيها دعسة من قلب ياتصيب يا تخيب أتمنى أن طريقتي صحيحه :D تقبلواااا مرووري ودمتم بود
السلام عليكم
مشكور اخوي عمر على الموضوع الهادف
بصراحه الموقف صعب كثير وانا من رأي انه يحاول ينزل بس بحذر لانه الحل الوحيد مستحيل يطلع مرة ثانيه لا اذا جاب شيول او اليه ثقيله ذو زنجير والله يعينه
هذا من وجهت نظري
اخوكم سـ دي ـي
السلام عليكم ورحمة الله وبركاته
انا عندي حلين لمثل هذي الورطه
الاولى يشبك الدبل الثقيل ويحفر للكفرات الاماميه ويكسر الدركسون يمين لأخير ويطلع وهذا اسهل حل وانا مجربها وبتغريزه اقوى من ذي اما اذا ما طلع الله يعينه
الثانيه يشوفله واحد يسحبه على تحت ويشوفله شباب متعافين يدفو الجيب على فوق عشان ما ينقلب لانه لو سحبه بدون ما احد يدفه الى فىق راح ينقلب
في الحقيقة مشينا قبل لاتنحل المشكلة وربما لومريت اليوم راح احصل السيارة موجوة لصعوبة حل الموقع
اي وقت اخوي صالح تمر وتحصل الموتر اعطني خبر خاصة لوحصلت صاحبه عطه جوالي .. بس ياخوفي يكون راعيه فاصل الدبل مثل بعض اصحاب الشيروكيات عشان الزيادة في خفة الموتر .. ومع ذلك بنطلع له موتره بمشيئة الله بدون اي ونش ..|1| تحياتي ..
كل مااستطيع اقوله ان الله لايحط مسلم في مثل هالموقف وقد صار لي مثل هالموقف اول مااشتريت جيبي وكنت عليمي وقتها وكنت نازل من الطعس وماادري وش خلاني اكسر الطارة المهم بسبب ان الرملة كثيفة لم اكن اعلم ان السيارة متجهة باستقامة ولا لا بس الحمد لله تداركت الموقف خصوصا اني قربت من الاض وقتها واجد مهوب مثل هذا في قمة الطعس
والحل من وجهة نظري ولا اجزم هو :
1- اذا كان في جيبه ABS اتوقع انه يكسر يمين او يسحبه احد لجهة اليمين وانشالله يطلع
2- اذا ماكان في الرانجلر ABS صعبة صراحة ولكن طرا علي فكرة نووية
وهي ان ياتي جيب من خلفه وجيب من امامه ويسحبونه كلاهما وصاحب الجيب اللي يسحب من الامام يكون اتجاهه بعكس اتجاه صاحب الجيب اللي يسحب من الخلف الا ان يعتدل ومن ثم يدحدر الرانجلر وهو مستقيم على مهله
اتمنى ان تكون النقطة الثانية واضحة وذا اعجبتكم فرجاء سجلوا براءة الاختراع باسمي
أتصور أخوي البنشري أنه مستحيل تماماً تحريك السيارة للخلف. وواضح من الوضعية أن السيارة لا يمكن تتحرك لحالها. أتوقع ما له إلا الدفع من الخلف. أو يجي واحد معه ونش ومن بعيد يسحب السيارة.
اختلف معك تماما اخوي ابو الخل .. حتى لو ماتحركت للخلف تتحرك للامام سنتيمترات قليلة جدا ثم يرجع للخلف سنتيمترات لتعديل الوضعية ومستعد اثبتها لك بالفورتشنر ..|1|
اتمنى من الاخوان انهم يتخيلون انفسهم لوحدهم في هذا الموقف .. يعني بدون مساعدة خارجية حتى تعم الفائدة .! بعد اذن صاحب الموضوع ..
ان يأتي جيب رانجلر آخر (في قمة الطعس على يسار السيارة المنغرزة) ويسحبها من الخلف الى الاعلى بشكل يسمع لكلا السيارتين ان يكونا بنفس الاتجاه.. طبعا ان يكون ضغط الاطارات في السيارة المنغرزة لا يزيد عن 5 .. والمقود بشكل مستقيم.. بعدها اما ان تمشي السيارة للخلف بشكل مستقيم او ان تميل لليسار وهو الأسهل حيث يكمل المشوار بالنزول الى الاسفل..
أو تجربة دفع السيارة من الجهة الخلفية اليسرى على ان تكون الاطارات بشكل مستقيم...
والله صعبة.. ما خبرتونا كيف طلع بالنهاية ؟ وش اللي خلاه يروح هناك :D
اعتقد كل المشكله هو انقلب السياره ومن اقل حركه اما بالنسبه للنزول فاي سياره يمكنها النزول ومن اي قمه يعني لو جاء شخص ودفع 0 دف 0 االجيب من الزاويه اليسرا من الخلف ولو دفعه بسيطه راح وطي :D يعني ربط الجيب من الخلف الزاويه اليسرا لضمان عدم الانقلاب ثم تعديل الجيب |1| وللمعلوميه مايحتاج غير اثنان او ثلاثه لتثبيت الزاويه|3|
أولاً أشكر أخي عمر على طرح الموضوع وأخي صالح والأخوان ايضاً أبو أسد والبنشري والخل الوفي على المداخلات الرائعة و المفيدة
وصراحة جالس أتأمل في السيارة والله وضعها صعب جداً يعني يمكن الشخص مايقدر يتحكم في نفسه وهو في نفس الطعس (يعني لو كان مكان الجيب وعلى أقدامه ما راح يتحكم في توازنه) فما بالك بكومة حديد في مثل هذا الموقف الصعب :rolleyes:
