سلالاااام واحلى تحية على الاعضاء والاخوان الي ميه ميه :D
وتسلم يا اخوي مايكرو وحينييسس ولا هانو الاخوان الموجودين
وترى وجودكم يكفي وردودكم كفت ووفت ...
واعود لاخوي مروق يا عسااااك دوووم مروق |4|
بسم الله
ما هي انطباعتكم عنها بشكل عام
يا طويل العمر الانطباع الاول دهشه لما توصلو اليه حبايبنا الكوريين في هذا المجال من تصميم
شكل وخفة ظل لهذي السياره
فالسياره من الناحية الشبابية سريعة وانيقة وفله وحجمها الخارجي متوسط لمظهر انها سياره شاب
اما من الناحية العائلية فهي سياره 7 ركاب لكل ما لكلمة سبع ركاب من معنى وسيعة ومريحة
وكل شئ متوفر في متناول الايدي لجميع الركاب الي قاعد ورى قبل الي قدام
يعني يكفي اني اقولك ان المقعد الثالث الاخير في ميزة انه يتحكم في مستوى الظهر والتكيف يوصل
من الاعلى وللقدمين ايضا ... في سيارات ولا حتى المقعد الثاني في هالميزه
وعندي بعض الاسئله على الفل اوبشن :-
كم حجم محركها ؟
المحرك يا عزيزي 3.8 ليتر 260 حصان مع ناقل حركة 6 سرعات
هل تتوفر بنظام ملاحه نافيقشن ؟
نعم يتوفر فيها نظام النافيقيشن الي تنفرد فيه الحبيبه هيونداي حيث ان الاول باللغة العربيه
وفيه خدمة اتجاة القبلة مع مشغل دي في دي طبعا والشاشه باللمس
هل تتوفر بها حساسات ؟
اذا قصدك حساسات الرجوع للخلف نعم متوفر اربع خلفيه ..
اما اذا قصدك الحساسات بشكل عام فالسياره يتوفر فيها غير حساسات الرجوع للخلف
هناك حساسات الاستشعار بالمطر وتشغيل المساحات اوتوماتيك وحساسات الاضاءة الامامية
التي تشغل الاضاءة الامامية مجرد ما ان اظلم الوقت.
هل يوجد بها انوار زينون ؟
نعم الانوار زينون مع انوار خلفية بصطابات ليد LED
هل عدادها يفصل والسرعه محكمه اكترونيا ؟ .. اذا نعم ( على السرعه كم ) ؟
نعم ... يفصل يا اخوي على سرعة 210 كم
وماشااء الله عليها السياره وعن تجربة ان عندها مجال لين 250 ممكن
لان 210 تجيبهم بسهووولة .
هل بها قفل دفرنس او مايسمى ( ديف لوك ) ؟
فيها يا خوي نظام الديف لوك بس هالقفل ما تستعمله الا اذا انت حبيت ان القوة الموزعه على الاربع عجلات تكون متساويه
وانا من حكم تجربتي بصراحة ما احب اضغطة لان ماشااء الله عليها السياره فالبر توزع القوة بين الاربع عجلات بسلاسه بحيث ان العجله ما تحفر مكانها مجرد ما حفرت تخف القوه عنها وتعطى لعجلة ثانيه ثابته على الارض
هل يوجد بها دبل ثقيل ؟
لا يا خوي السياره مافيها دبل ثقيل حيث انها فور ويل درايف اول تايم يعني انت فالشارع وتدخل البر لا تضغط على دبل ولا توقف وتحول من تو ويل لفور ويل اتوكل على الله على طول وادخل .
كيف وضعها على الخطوط السريعه هل هي راسيه وتشعر انها آمنه عند السرعات العاليه ؟
وضعها جيد وانا صراحة اطول خط مشيته فيها كان مسافة 1200 كم متواصل راحة ثبات على المنعطفات الكراسي مريحة للظهر والجلوس الطوويل عزل صوت الهوا جيد
هل المرتبه الثانيه والثالثه اذا صفطتها تكون الأرض مستويه تماما ؟
المرتبه الثانية تكون شوي مرتفعه بس الثالثه من تصفطها ولا كأن كان في كرسي ثالث يختفي
وهذا صراحة يعطيك مساحة تخزينية كبيرة فالخلف
هل القطع جميعها متوفره وكيف اسعارها ؟
انا والحمد الله ما جربت ان ابدل فيها قطعه او اصلح فيها شئ لين الحين الحمد الله
الاشياء الميجر يعني محرك وقير ودفريشن اعتقد يطلبونها من بلد الصنع بحكم ان السياره ماصارلها فتره موجوده وما اضني احتاجوا يبدلوها
غير كذا كله متوفر والحمد الله واسعاره جيده مقارنه بانها سياره فورويل
كم مقاس الجنوط ؟
18" انش
كم سعر الفل اوبشن اذا كان الدفع كاش وكم سنوات الضمان ؟
الفل كامل عندنا فالامارات 133,000 درهم اماراتي
اما بالنسبة للضمان فهو يا 60,000 كم او 3 سنوات من يجي قبل
اتمنى اني اكون وصلتك المعلومات بطريقة جيده واي استفسار انا حاضر
واسمحلي مايكرو ان استخدمت طريقتك فالاجابه بس حسيتها اسهل لي ولاخوي مروق في انه يحصل على المعلومه :)
