:: الجنوط التقليد هل لها ضرر ؟ ام نوع الكفر هو المسؤول الاول والاخير؟ ::

الجنط ثم الجنط ثم الجنط
حتى لو كنت مركب ميشيلان يا شيخ وجنطك مضروب صدقني بتروح عليك
واحد من اخوياي عنده كابريس م\2000 وراح شرى من الغرابي جنوط اس اس م\2006 طبعا تقليد ومع انه ركب بريدجستون الا انه اذا اسرع اكثر من 140 تسمع الصوت الحلو
والله مافي احلى من الاصلي والغالي سعره فيه غالبا اذا ماكان دايما

السلام عليكم ورحمة الله وبركاته
اخي الكريم انا واجهت نفس المشكلة لما ركبت جنوط على المازدا 6 حيث تبين لي بعد السؤال من الشباب اللي جربوه التقليد انه اول فتره ممكن يمشي زين بس لما تمسك خط ومع الحرارة يجيه صرع وما يظبط على الترصيص ابدا خصوصا بعد فترة من الزمن بالتالي شلت من بالي موضوع الجنوط التجاري وبنفس الوقت الله رزقني واحد عنده جنوط الوكاله مع كفرات الوكاله وتاريخ صنعها جديد واخذتها ولله الحمد من افضل ما يكون مع انها مستعملة
الخلاصة حتى لو حصلت مستعمل خذه على الشرط ركبهم ولا تمسك خط ولا ما يحزنون رح الميزان الالكتروني وقلهم رصصوا وبناء على الترصيص يظهرلك اذا الجنوط زينة او تعبانة وترا الأصلي المستعمل ازين من التجاري الجديد واسف على الإطاله

الشد بلد افضل بكل الاحوال،،،،

اتفق مع الشباب في الي قالوه

وفيه بعد شغله ترى احيانا فيه جنوط اصليه وكاله سعرها معقول يعني اذكر ان واحد من الشباب كان يبي يركب جنوط تجاريه ( يبي يركب 17 ) الا بالصدفه عجبته حقت الازيرا ( كان لها اقل من سنه نازله ) المهم رحنا وكلمناهم وبتخفيض جيد اخذ اربع الظاهر اذا ماكنت غلطان الواحد ب 600 ريال الكفر او اقل

وترى التجاري انواع بعد فيه النظيف وفيه المعدوم ونصيحه لا تفكر تشتري مقاسات كبيره وتظن انك بتقدر تبيعها لانها بتخرب سيارتك وبتندم واذا جيت تبيعها مهب جايبه سعر ( مر على محلات البنشر وشف الجنوط الي مرميه على قلوبهم )

نصيحتي خذ جنط نفس مقاس الجنط الكروم الي للفل ابشن من سيارتك ونفس مقاس الكفرات الي عليه

أعرف شباب من اي مطب أو حفره تنعفط جنوطهم (طبعا تجارية) وعارفين اماكن محلات خرط الجنوط و و و ... ولكن كم مره ولله الحمد اتعرض لمطب فجأه أو حفره بأكثر من 4 سيارات استخدمها من فتره لفتره وكلها جنوط وكالة ولله الحمد لم أرى اي مشكلة الا مره طلع واحد من الكفرات على نص بلكه في الشارع وكنت امشي 100 تقريبا وطارت الطاسه وانعفط الجنط شي بسيط من الطرف والكفر ماجاه شي وعدلته عند بنشري عادي ورصصه لي وخليته احتياطي .

وأنا مقتنع ان الجنط الأصلي سعره فيه .

خذ العلم ونا اخوك مني ركبت جنط تجاري وركبت مطب وانطعج الجنط ...
وسبحان الله الكفر اللي على الجنوط غيرالاصليه يرووح بسرعه .. مدري ليش

اما الكفر الصيني في ضل الاجواء الحاره ممكن ما تتعدى 10 شهور ولا قد هي حبلت
وشكرا على الطرح
لك كل الود

انا بعد اعرف راعي التيما مركب جنوط تجاريه مثل حقات الوكاله ومشاء الله لها اكثر من سنتين ولا شاف منها الا كل خير |1| ..



اشكرك اخي على المشاركه :)

الكفرات مالها شغل ضررها اما تكون رديئه وتحبل بسرعه او يكون صوت الخط فيها مزعج وقاسيه مع المطبات لكن مالها شغل بالجنط

الجنوط التجاريه تمشي الحال لكن عيبها سريعه الانكسار خصوصا صدمات الارصفه او المطبات على سرعه عاليه

وبعض الجنوط التجاري تلقاه يسبب رجه للسياره بعد سرعه 140 كلم

.
.
.
انا مركب جنوط تجارية ع الاكورد ,,, نفس الشكل حق الوكالة

ركبتها في شهر 10 / 2007 تقريبا ,,, وللحين ماشفت فيها شيء

اصلا ماجربت الاصلي لجل احكم بـ الفرق :D

^
^
^

اشكرك اخي على المشاركه ..

وننتظر مجربي جنوط الزينه او جنوط التقليد

سلام

زي ماتفضل الحبيب ميدو

يميز الجنط الأصلي أنه من الكروم ويكفيك أنه جنط الوكالة وصراحة صحيح أن سعره غالي لكن لك وللعمر

أما الجنط التجاري فهي معرضة للكسر وخاصة أذ كنت على سرعة عالية والجنط حارة وفجاءة دخلت في ماء بارد فقل على الجنط أسلام

وأما الحديد صراحة سلم لي عليه قوي جداً لكن ممكن أن ينطعج لكن يبقى محافظ على الكفر لأن في العادة الجنط الحديد يأتي صغير فيكون أريح للكفرات

وأما الكفرات فهاذي سالفة ثانية

شاكر لك موضوعك الجميل أخوي كامري

أخوك أبو أنس

^
^
^

والله اشتقت لكم واجد .. وانا انشغلت شوي هالشهرين .. وان شاء الله ارجع زي اول وافضل

واشكرك اخي ميدو على الرد ..

وننتظر ردود الاعضاء الباقين