مشاكل كبيرة وغريبة في الهيونداي سانتافيه 2007

وكيلى هو الوعلان يا مايكروسوفت


لكن وش هو الايميل ؟؟

والله اذا كان عندك ايميل للادارة الاقليمية ومختصين بالمواضيع ذى اكون لك من الشاكرين

سيم سيم صديق تدري لو اقول لك شي ماتصدق عندي ورقه منهم مثبت فيها ان مشكلة التهريب الي كانت عندي هي في الجير ( يعني زيت الجير ) (( ملاحظه ان لون زيت الجير احمر لانه اوتو )) و بعد الفحص في الخارج تبين ( طبعا من غير فحص بس مناظر ) ان المشكله من الدبل او الترانزفير كيس و الزيت لون اصفر خفيف وطبعا الوكاله الله بالخير وهذا الناغي ((( طبعا ناهيك عن ان نفس المشكله واسواء مع البي ام بعد يعرف يبيع بس ))) طيب وش اسوي ولا لما اروح له اقولهم ابي اسلاك بواجي و جوزات و لي دركسون ( كلها غير موجوده ) تخيل وفلتر مكيف لا فلتر المكيف قصته حلوه طلع لي قطعة بلاستيك كأنها الموتور الصغير الي يفتح التهويه ويقفلها للهوا الي يروح للمكيف يعطيني اياه ويصر ان هذا هو فلتر الهوا حق المكيف اقوله لا هذا مهب فلتر اصلا يقول لي هذا رقم صح هذا فلتر انت اقرا كرتون (( بالله لو واحد مكاني وش يبي يسوي انا بصراح ما مسكت اعصابي رميتها في وجهه بأقوى ماعندي لاني تعبت من استغبائهم للناس مهب لهذي الدرجه

وغيرها كثيييييييييييييييييييييييييييييييييييييييييييييييييييييييييييييييييييييييييييييييييييير

وللمعلوميه انا كسرت جدار ( جدار مؤقت جبس ) من جدران صيانة الناغي هيونداي بجده بسبب انفعالي من المدير السابق السوداني ( الي والله ما تصدقون ماعنده فكره كيف يستعمل الكمبيوتر ) وغيره من الاشياء الي لو دلت تدل على الفشل الذريع الي عندهم هيونداي للاسف بجده حالها سيء جدا وحتى لو كانت افضل سيارات جوده فهي اسواء وكيل خبره او صيانه ومع الاسعار الجديده انا اقول لاي شخص خلك مع الياباني وخصوصا تويوتا بصراحه ناس فاهمه والله يا ناس فااااهمين انا ما اقول كذا حبا فيهم لكن لانهم ناس التمست عندهم العقليه المطلوبه وغير كذا قلبت ورشتهم الي في طريق الامير سلطان بصراحه ناس تشتغل من جد و فاهمين وماعندهم حثبره وقفت عليهم شغله صعبت على طول ايميل وفك راسك يجيهم افضل حل ممكن يعني فرق كبير بين الاثنين


خلفيه بسيطه موظفين الناغي هيونداي ثلاث ارباعهم اكس ساماكو اكس السيف وشرحه يعني جايين من وكالات اساسا ضعيفه و فاسده وجابو فسادهم معهم و الناغي هيونداي كان في زمن ما عنده ناس رهييييييييييييييبه ماشاء الله عليهم كانو حاطين تويوتا براسهم يبون يصيرون احسن منها وهي سنة 2003 و 2004 ولو فيه احد اشترى في هذي السنه وتعامل معهم في هذيك الفتره راح يعرف الفرق بين اول و الحين