من يقيم لنا (( اليوكن )) بعد سنتين من طرحه

اولا اشكر صاحب الموضوع وجميه من شارك افدتونا كثير



طيب ياجماعة من عنده خبر اليوكن الربع والتاهو بكم اسعارهم

انا افكر بهالسيارتين لكن ابي باب واحد عشان يكون خفيف وشبابي

من غير تجربة

سمعة اليوكون لا زالت روووعة

أطيب تحية

^^^

السنسر = الحساس الخلفي الي بالصدام

تحياتي

والله كان املي ان اخذ احدى هالسيارتين

ولكن الماده لاتغطي نوعا ما

ولكن اللي حاب اسال عنه

ماهو السنسر اللي تتكلمون عنه؟؟؟

والف شكر اخوي على الموضوع

اخي العزيز اعطيك رايي من خلال تجربتي لتاهو LTZ 2008 كان معي لمدة سنه وبعته من ايام
السياره ماعليها كلام ابدا
الهيكل قوي وتصميمه جميل جدا جدا
المحرك معروف بقوته وهدوءه
استهلاك الوقود معقول جدا بسبب الخاصيه الجديده وهي عمل 4 سلندر في حالة عدم الاحتياج لل 8 سلندر
القير ناعم وهادء ونقلاته مافيه اي شي زي ماسمعنا
زوايا السياره واضحه وخاصه بوجود مساعده من السنسر الخلفي وايضا كان عندي الكاميرا الخلفيه كانت بصراحه رااااااااااااائعه جدا جدا وكنت اشوف كل شي خلفي بوضوح تام
وبصراحه تعودت عليها لدرجة اني الان ماني عارف اسوق سيارتي الحاليه بدون كاميرا خلفيه
الداخليه رائعه جدا جدا وتعتبر نقله نوعيه مقارنه بالموديل القديم والتكييف قوي جدا جدا
المواد المستخدمه في السياره تعتبر جيده مقارنه بالمنافسين طبعا ليست مثل الالماني ولكن مقارنه بالامريكي والياباني تعتبر جيده جدا
الكهرباء مالاحظت فيها اي مشاكل نهائيا
من ناحية التفكك انا خلال استخدامي للسياره مالاحظت اي شي ولا لاحظت اي صوت بالعكس السياره هادئه جدا في السرعات المعقوله وباعتقادي انه تم تحسين نوعيه المواد المستخدمه في هذه الموديلات مما ادى الى انعدام الاصوات في الديكوارت
درجة العزل معقوله جدا خاصه في السرعات اقل من 160 بعد كذا بتلاحظ بعض الضجيج وهذا طبيعي بحكم حجم السياره
السعر معقول جدا اذا قارنته بالمنافسين
انا الحقيقه بعت السياره لظرف طارئ لكن لوتحسنت ظروفي بصراحه ماراح افكر الا في تاهو جديد بشرط يكون LTZ لان بصراحه فيه فخامه تخليك تنسى السيارات الباقيه الي في نفس المستوى

صحيح اخوي C300-SRT8
المتكلم من واقع تجربه افضل من الي ينقل كلام الناس
شكرا لمرورك

هو مثل معروف يقول :
إسأل مجرب ولا تسأل طبيب

اما حكاية سمعت يقولون سألت واحد ماينفع هذا الكلام وانا افضل التوثيق بما يثبت من امتلاك المركبة

حاضرين بالخدمة ...

السلام عليكم

انا املك يوكن 2007



الهيكل

قوي جدااا معروف الجموس

التصاميم

رائع وجميل وافضل من السابق

التحمل

قوي واعطيه 10من10

سرعة التفكك

لا والله مافي اي مشكلة من التفكك

المكنيك

100%

القير

اعطيه 1000% سلس وناعم جداااا

الكهرباء

وبعد اعطيه 100%

الديكور الداخلي

جميل جدااا ويتناسب جميع الأذواق

صرفية البنزين

ممتازة جداا وهي غير استهلاكية بمقارنة بمحركها الجبار ووزنها

واقعية السعر

عادية

تسلل الهواء عند السرعات العالية

لا تسلل ابداا كأن السيارة غير مشغلة

مدى قدرة السائق على استيعاب زوايا السيارة

السنسرات تساعد

السلام عليكم

فكرة جيدة وستساهم في افادة الراغبين في الشراء مستقبلاً

اشكرك على طرح الموضوع
واشكر جميع من شارك ويعطيكم العافية

الاخ LT_RAM
ملاحظة جيده وتشكر عليها
الاخ فيق
حقيقه اشكرك على التقييم المميز والموضوعي بارك الله فيك
الاخ سلطان الدمام
شرفني مرورك ومنتظرين تجربتك
الاخ JEDDAHBOY
واضح حبك للسيارة الله يباركلك فيها ومشكور على التقييم الموضوعي
ومنتظرين المزيد من التجارب والأراء

هههههههههههههههههههههههههههه :D

طبعاً البعض بيقول اني بأتكلم بعصبية لا والله باتكلم بالشئ الي انا جربته واعرفه

طبعاً من زمان عشقي الجموس ولازلت وسأظل
السبب لاننا اقنينا اكثر من موديل منها

ماراح اتكلم عن 2006 ونازل لان الجمس سيارة معروفة وغنية عن التعريف
لكن من خلال تجربتي ليوكون 2007 السيارة ليست ملكي ولكن اقدر استخدمها متى ما شئت
بالنسبة للنقاط الي حاب تستفسر عنها انا بجاوبك عنها وباقارن بعضها بالجيل السابق

الهيكل :

طبعاً ماهو شئ ملموس حتى احكم عليه انه افضل من السابق او لا لكن حسب ما ذكر عن الشكل الحالي انها زادت صلابة الهيكل لكن مقدر افتيك في هذا الشئ

التصاميم

شكل مركبات gm رباعية الدفع الجديدة لايختلف اثنين على جمالها ورقي تصميمها

سرعة التفكك :

والله شوف سيارات كثيرة تعاني من هذة المشكلة ولا اريد تحديد اسمائها فلو قارنتها باليوكون تجدة افضلها

القير

استغرب انك سألت عن القير وما سالت عن شئ ثاني معروف القير الامريكي شركة من قرن وهي تصنع ناقل الحركة الاوتو بالعكس العايدي الي ممكن يخفقون في اما الاوتو فلا اظن وللمعلومية القير هو نفسه من عام 2000 وماتغير وبالعكس معروف قير الجمس بقوته وفيه خاصيه الاوفر درايف للجر طيعني مصمم لاسوء الظروف" ويكفيك تنقيلاته الناعمة الي ماتحس فيها عكس سيارات ثانية لما تغير من نمرة لنمرة تحس ان رقبتك بتنكسر


الكهرباء


مشكلة من زمان في السيارات الامريكة سواء شركة gm او فورد او كرايسلر وحيث عرف عن السيارات الامريكة ان اغلب مشاكلها كهربائية ولكن انت شايف ياكثر السيارات الامريكية


الديكور الداخلي

افضل من القديم بمرااااااااااااااااحل

صرفية البنزين

ممتازة والسيارة اقتصادية كونها سيارة دفع رباعي وبمحرك عملاق ووزن ثقيل



واقعية السعر

والله احنا اول ما اشتريناه وقتها كان غالي شوي لان توه نازل "اول دفعة " لكن الحين السعر اقل بكثير وهي تعتمد على العروض وانا اشوف ان سعره الافضل بين المنافسين

تسلل الهواء عند السرعات العالية

انا بحياتي ماعمري ركبت سيارة حتى السيارات الفخمة ولاحظت ان هناك عزل 100%100 للهواء لابد ان يكون فيه ضجيج على خفيف ولكن اليوكون الجديد هادئ وحتى السيارة وهي واقفة تضنها غير شغالة والهواء على السرعات العالية جدا تسمعه على خفيف لاكن انا اشوف ان العزل ممتاز خاصة اذا كنت تسير بسرعة متوسطه ماتلاحظ اي شئ

هذا ما اعرفه عن السيارة من واقع تجربه واذا فيه شئ يخفى عليه فالمعذرة انا اعطيتكم الي عندي

فيق

الف شكر على الشرح المفصل

اتشرف بأن اشاركم بهالموضوع :) .. عندي يوكن 2007 شريته اول ما نزل الموديل .. شريته بشهر 9 / 2007 في رمضان ... يعني الحين صار له سنة و 3 شهور و ماشي 49 الف تقريبا ... و على فكرة كان عندي يوكن 2002 و استخدمته فترة يعني شفت الفرق بين الموديلين ...

الهيكل :
طبعا 2007 اضخم من 2002 .. و في ملاحظة يمكن محد انتبه لها لو تدق على المدقر ( الرفرف ) في اليوكن القديم تسمع صوت رنة عكس الجديد مما يدل ان المواد المستخدمة مختلفة .. و على فكرة ضخامة الهيكل اثرت على قومة السيارة صارت ابطئ شوي من القديم ..


التصاميم

[SIZE=4][COLOR=#0000ff][COLOR=black]بالنسبة للتصميم .. GM قاعد تصنع هوية موحدة للجمس و لاحظو الشبه بين الانفوي و اليوكن و طبعا نفس الموال بين تريل بليزر و التاهو .. احس واجهة اليوكن اقل هيبة من التاهو و لكن الربع عندهم اليوكن احلى و بالنهاية اهي مسألة اذواق شخصية ... الاصطبات الامامية مو ذاك الشكل الهجومي و لكن الخلفي رهييييييب ..[/COLOR]
[/COLOR][/SIZE]
التحمل :
و الله بالنسبة للتحمل اثنينهم سوا .. و الجمس معروف بتحمله ...

سرعة التفكك :
معروف ان الجيبات الكبيرة تسمع فيها صوت القرقعة بسبب القطع الكثيرة بالسيارة .. و لكن للحين الوضع اوكي و الحمدلله مافي اي اصوات و اقدر اقول ان الجديد افضل بهالناحية من القديم .. طبعا انا راعيت ان تكون فترة الاستخدام متساوية علشان يكون الحكم بصورة عادلة ...

القير
ياما سمعنا الناس تشتكي من التاهو الجديد و مشاكله بالقير .. و لكن و لله الحمد ما وجهت اي مشكلة .. و على فكرة السيارة فيها مؤشر لحرارة القير فبالتالي تعرف متى تريح السيارة علشان تحافظ على القير ..

الكهرباء
الكهرباء اوكي مع العلم اني مركب زينون عند كهربائي شاطر ، و شي طبيعي اذا احد غشيم بيشتغل بالكهربا بيعدم ابو السيارة خاصة ان الموديل الجديد فيه قطع كهربائية اكثر ..

الديكور الداخلي
طبعا فرق السما و الارض عن القديم ... نوعية المواد المستخدمة و التصميم و لكن الكراسي القديمة رحبة اكثر ...

صرفية البنزين
الصرفية معقولة بسيارة بمثل هالقوة و الحجم .. و النظام اليديد للمكينة ( 4 سلندرات تشتغل اذا مافي حاجة لكامل القوة ) وفر بانزين تقريبا 5 % و طبعا راح تفرق على المدى البعيد .. طبعا انا رجلي حارة عالسيارة و التانكي يمشيني تقريبا 450 كيلو .. اذا بالهداوة 550 كيلو ..

واقعية السعر
شريت السيارة اول ما نزلت بسعر 11 الف دينار كويتي يعني تقريبا148 الف ريال ..

تسلل الهواء عند السرعات العالية
[COLOR=black]الجديد اهدى بمراحل من القديم و اثبت منه .. و الحمدلله ما في اي تنسيم للهوا .. و لكن في رجفة بالسيارة خاصة السنادة اللي بالنص على سرعة 170 فما فوق .. جبت الطبلون بسرعة 200 و الضغط حوالين 4 او اقل بشوي و هذا ممتاز .. [/COLOR]

مدى قدرة السائق على استيعاب زوايا السيارة ..

زوايا السيارة واضحة خاصة ان الموديل الجديد معاه سنسر فالعملية سهلة ..

ملاحظات على السيارة :

-ما شالله الثبات واضح في الجديد بسبب نظام التركشن كنترول + ستابلي تراك .. و لكن على فكرة ممكن تفصل التركشن كنترول و لكن مستحيل تطفي الستابلي تراك .. و بالمقابل نظام الستابلي تراك اثر على قومة السيارة بشكل بسيط .. و اللي كان عندهم الموديل القديم اللي يجي فيه تراكشن بس من غير ستابلي تراك راح يلاحظون هالشي ..

- في الموديل القديم تحس بعنفوان المكينة اكثر لعدة اسباب .. البدي اخف و اصغر ، عدم وجود ستابلي تراك كما ذكرت في النقطة السابقة ..

- التكييف في الموديل الجديد افضل من القديم ..

- الدعامية الامامية ( الصدام ) بلاستيك و منخفضة للغاية لدرجة انها تحك الرصيف و لو تطالع السيارة من جنب يتهيأ لك ان الدعامية تبع سيارة ثانية ! بعكس القديم دعامية حديد و مرتفعة ..

- في ميزة حلوة و هي تشغيل السيارة من بعد عن طريق الريموت و تفيدك بالصيف بتبريد داخل السيارة و في الشتا تدفي السيارة .. و طبعا السيارة تكون مقفولة و حتى لو احد كسر الزجاج و دخل السيارة ما راح يقدر يحركها لأن القير مقفول .. و لو ما فتحت السيارة خلال عشر دقايق راح تطفي لحالها كحماية للمكينة ...

- في مركز للتحكم بالسيارة تتحكم بالاضواء مثلا عند فتح او اغلاق السيارة او صوت المنبه و شغلات حلوة و الشاشة بعدة لغات تبين معدل الاستهلاك و موقت و حرارة القير و ضغط الاطارات و استهلاك الزيت و غيرها بس عيبها ان ما تقدر تستخدمها بعد سرعة 120 ..
[COLOR=black]- طفاية الحريق مكانها مزعج عند الرجل اليسار للراكب الايمن ..طبعا فكيت القاعدة و حطيت الطفاية تحت كرسي الراكب اليمين .. [/COLOR]

- اول ما شريت السيارة .. الوكيل ( بهبهاني ) يغير الاطارات ( جنرال ) السيئة الى اطارات بيريللي عند 1500 كيلو بدون ما يدفع العميل ولا فلس خدمة للزباين ..


هذا حاليا اللي ببالي و سامحونا عالقصور ..