( احذر ! ) عندما ترغب في شراء لومينا و كابريس 2007 و 2008 ، اسأل عن هذا الأمر المهم !

الحمد لله انا توني مطلع لومينا اس
ويبدو لي انه فيها انذار .... بس ما ادري اذا كان يرن مع كسرة القزاز :rolleyes:

لاحول ولا قوه الا بالله الله يعينك اخوي ابو بدر

والله توني ادري ان الكوابرس واللومينا 2007 2008 مافيها جهاز انذرات :eek:

وليش مايحطون يعني منذله والله هاذي الايام اسمع سرقات كوابرس 2007 كثيره
لحول ولا قوه الا بالله وبالنسبه للطريقه اسهل تبي تكتشف في جهاز انذار او لا

خذ المفتاح ودخله وافتح بالمفتاح بدون ماتظغط الازرار اول ماتفتحها ياويلك من سواد ليلك

انا قد سويتها علشان اذا فحتها بالرموت لازم مع كل ظغطه بوري قلت اخوي بيسمعني وبيقول ليه اختذتها المهم دخلت المفتاح وفتحتها وفرحان انا اول مااجي افتح الباب الا وذاك البوري طاااااط طاااالط والله اني نقزت نقزه حتى الرموت ماعرفت امسكه زين من الخرعه علشان البوري

ورجلي ترتجف مررررره واخوي قاعد يضحك علي :D

وهاذي هي طريقه التجربه الاحسن احسن ماتتعب نفسك وتدخل السياره ومدري اايش

واهم شي توكل على الله واقرا الادعيه .......الخ

تحياتي

للتنبيه و التحذير

و العياذ بالله للمرة الثالثة تكسر قزازة السيارة و تسرق الاستبنة .

اسأل قبل أن تتورط .. و إذا توكلت على الله و اشتريت ، ضع احتياطاتك .

في طرق كثيرة منها أنك تفتح الزجاج وتطلع من السيارة بعدين تقفلها بالريموت ثم تفتح الحبة بيدك بتشوف الإنذار يشتغل لا و يفضحك بعد من قوته هذا طبعا إذا كان فيها جهاز...جرب وشوف.

ما عندي انا هالخاصيه في الكابريس


الله يعين بس

الأخ مزاجي
الله يهدينا و يهديك

احمد ربك إن سيارتك فيها جهاز إنذار . غيرك ما عنده . و هذا بتأكيد من موظف في إحدى الوكالات اللي قال لي بلسانه إن 90% من اللومينات و الكبارس من موديل 2007 و فوق ما فيها جهاز إنذار . و عموما الموضوع تذكير بأهمية السؤال عن جهاز الإنذار .

و بعدين يا أخي شكلك ما انت عارف طريقة عمل جهاز الإنذار في سيارتك . و يبدو إنك ما قرأت الردود كلها . من فوائد جهاز الإنذار اللي كان مركب في لومينات و كبارس 2005 و 2006 - غير الصوت - هي قطع الطاقة الكهربائية عن الكبينة الداخلية . يعني مثل ما قال أحد الإخوان إنك لو بغيت تسوي في واحد من زملائك مقلب دخله السيارة و قفل عليه بس خوفك يصير أقشر و يكسر لك القزازة D: . و قطع الطاقة الكهربائية عن الكبينة الداخلية يعني أن زر الشنطة اللي داخل الدرج لا يمكن يفتح الشنطة . يعني ما فيه أمل إن الحرامي يسرق الاستبنة عن طريق هذا الزر ، إلا بطريقة واحدة و هي إنه يفتح المقعد الخلفي و يدخل يده للشنطة و يفتحها عن طريق مقبض يدوي ( تلقاه مثل السيخ و في نهايته مقبض ) و هذي حلها بقطع هذا المقبض اليدوي من جذوره لعدم فائدته من الأساس .

و بعدين يبي لك تنتبه .. ترى الدعوة صارت أكبر من مسألة إن هذولا الملاعين يدورون على لومينات سهلة السرقة . واحد من الجيران - الله يعوض علينا و عليه - عنده أكورد 2008 ، كسروا قزازة الباب الأمامي و فكوا المراية اللي قيمتها أتوقع دبل قيمة الاستبنة . و واحد من الجيران عنده أكورد 2003 كسروا قزازته و سرقوا اللوحات ( مدري على ايش كسروا القزازة ) . و واحد من الجيران في عمارة ثانية عنده كامري 2008 ( اللي لها قفل خاص بالشنطة ) ، كسروا قزازته و سرقوا اللوحات و أيضا مدري ليش كسروا قزازته .

عموما .. يبدو إنه هناك تركيز على السيارات الجديدة بشكل عام .. و لكن على الأقل جهاز الأمان القوي يمنع أمور كثيرة .

و الحقيقة يبدو إني اكتشفت إن الحل الوحيد - بالنسبة لي - هو ما تفضلت به أنت و هو التأمين الشامل . و رغم إن بعض المشائخ يحرمون التأمين بشكل عام لكن الضرورة لها أحكامها ، و هذي مو فتوى لكن قرار شخصي يخصني أنا و لا أحد يحملني وزر الفتوى ، أنا ما أفتي .

سلامات ياشباب الي يشوفكم يقول الشفروليه وبس الي فيها كذا حتى الفورد وفيها جهاز الانذار مره جا واحد كسر له القزاز وسرق المسجل ولا اشتغل انذار ولا شي يعني مو مهم جهاز انذار الا اذا كان قوي ومتطور اما الانذار الي تتكلمون عنه هذا صار شغله قديمه هذا ماله اي قيمه ولو تلاحظون السيارات الفخمه تكون بدون انذار .اقصد اللكزس ومرسدس

هههههههه

<<< جاي متأخر

بصراحة ان سيارتي 2005 والأنذار
على الشنطة والأبواب وأشياء ثانية ماجربتها

ومميزات النظام يشتغل من أول ماتقفل الأبواب بالريموت

ومثل ماقال احد الأخوان عن الجاكور نفس النظام موجود عندي
أضغط بالريموت مرتين وتتقفل الأبواب ومافيه أمل تنفتح

ولو تبي تحبس أحد داخل السيارة خذ راحتك وإذا فيه خير يطلع
ههههههه

الشنطة مرة نسيتها مفتوحة ساعة تقريبا ً يوم جيت شفتها مفتوحة رفعتها عشان اسكرها واشتغل الأنذار

الغررررررريب إذا كان سيارات 2007 او 2008 مافيها !!!!!!!!!!!
طبعا ً الأنذار ( صوت بوري) أقوى من صوت البوري العادي ( إذا استخدمته يدوي ) ،،،


تحياتي ،،،

صدقت ياخوي مزاجي اخوي عنده ميركوري غراند ماركيز 2003 درجه ثالثه مافيها جهاز انذار ومانسرقت الحمد لله وانا عندي لومينا ال تي زد 2007 وماادري اذا فيها او لا وانشالله راح اروح الوكاله وستفسر عن هالشي

نيسان GT-R كيف عرفت ان سيارتك فيها جهاز الانذار

ممكن تفيدني لو سمحت

حدث العاقل بما يعقل سياره قيمتها فوق 100000 الف ريال مافيه جهاز انذار

انا معاي اس اس نازل معه جهاز انذار والموديلات الي قبله مجهزه باجهزة انذار

والي بيسرق بيسرق لو تركب ايش وكل الله وسم بالله وبس وأمن على سيارتك لاسمح الله اي شي تكون مأمنه

ههههههههههههههههههههه فيه ردود تضحك انصحهم يحطون اسلاك شائكه مرسدسات ولكازس انسرقت وش زود الكابريس ماينسرق

ان شاء الله فيه جهاز انذار

شـكــ وبارك الله فيك ـــرا لك ... لك مني أجمل تحية .

انا عندي لومينا LS2007
و جهاز الانذر موجود

حسبي الله عليهم انا من خذت السياره من الوكالة بعد اسبوعين انكسرت القزازه ومفتوحه الشنطة ومسروقه الاستبنه بعدها عرفت ان السياره مافيه انذار ضد السرقة مع العلم ان السياره كابرس ريال2007

السلام عليكم

أشكر جميع الإخوة الزملاء على تفاعلهم مع الموضوع .

الإخوان ذكروا كيفية التأكد من وجود جهاز الإنذار ..

و أضيف أن هناك أمر أهم - في رأيي - من إطلاق صوت الإنذار و اللي هو إقفال الكهرباء عن الكبينة الداخلية ..

بمعنى .... إنه إذا ضغطت على زر اقفال السيارة مرتين ، يفترض أن أزرار فتح الأبواب و الشبابيك و لا تعمل ، و الأهم من ذلك أن زر الشنطة اللي داخل الدرج لا يعمل .

هذا الشي موجود في كبارس و لومينات 2006 .. لكنه غير موجود في موديلات 2007 و أظن 2008 .

اليوم اتصلت على فرع جي إم في دبي ( 0097144290350 ) على أساس إني أبيهم يركبون لي جهاز الإنذار على حسابهم ، لكن بدون فايدة . يقولون ما لك إلا تركب على حسابك !

ليش تنتظرون 5 دقايق بوقتها يشتغل جهاز الانذار
انا مجربها بالمرسيدس وكاديلاك كونكور موديل 95 وسيارات كثيرة
بس أفضل شي الجاجوار اذا قفلتها ما في أمل ينفتح الباب
والمرسيدس الامريكي اذا تركت الباب مفتوح نص دقيقة بعد ما تقفلها بالمفتاح يشتغل الانذار واذا شغلتها بيشتغل الانذار حتى اذا فصلت المسجل بيشتغل الانذار
حتى لو تفصل جهاز الانذار بيشتغل ولا بينطفي الا لما تركب الجهاز وتفتحها بمفتاح السيارة ومع كل لمسة فرامل بيزعج الناس
حتى الكبوت والشنطة وكل شي هذي شركة بيكر مو لعب جهاز الانذار على نوع المسجل واتحداك تعرف مكانه شغل تعقيد
وشكراً

هل تمتلك ريموت من الوكاله

أذا كانت أجابتك بنعم يعني يجب أن يكون هناك نظام حماية وطريقة المعرفة السهل

أول أفتح نوافذ السيارة بالكامل و أغلق البيبان بريموت

بعد 5 دقائق تقريبا أفتح البيبان لكن من الداخل السيارة دون اللجوء ألى الريموت أو المفتاح

مباشرة يشتغل الأنذار السيارة

وطريقة أطفاء الأنذار السهل وهي أن تضغط على فتح الأبواب في الريموت ((مفتاح السيارة))

أنتهت الطريق

|1|





أنا أمتلك رأي أفضل من أرائكم وهي أن العيب في الشركة المصنعة وهي((هولدن))الأسترالية وليس في شفرليه بأكمها

أنا أمتلك السيارت أبيكا 2007 مرة راجع من السوق تعبان :(












بعد مده تقارب 5 دقايق أسمع جهاز الأنذار للسيارة أشتغل ألحق ما تلحق السيارة بتنسرق :D :D












لأن واحد من أخواني الصغار نسى الباب مفتوح وشتغل النظام الأنذار

السيارة يوم تنسى أحد بيبان مفتوحة يشتغل نظام الأنذار لوحد لينبه الصاحب السيارة |1|

أنا أعتقد العيب في الشركه نفسها مصنعة وليس الشفرليه