هايلوكس ام شيروكي ؟؟؟؟؟؟؟؟ طالب شوركم

الحازمي الله يعطيك العافيه وفعلا الشروكي قطعه نار وانا صرف النظر عنه بناءا على كلامكم

وبالنسبه للدي ماكس والهيلوكس بصرراحه محتار بينهم وكلهم جميلات ..

ان شاء الله سوف اضع موضوع مقارنه ونعرف الافضل من خلال تجارب الاشخاص

القمر المالديني مشكووور يالغالي وكل من شارك واعطانا رأيه بالسيارتين

تحياتي لكم

طبعا ما فيه كلام الهايلوكس وارفع يدك حتى اني كنت في الوكاله الاسبوع الماضي وحصلت الهايلوكس اتوماتيك دفع رباعي غمارتين ب 73000 اعلى شيك في الجيب واعلى جوده وراحه ايضا ولك وللزمن لكن في مشكله واحده فقط اذا لم تكن مشكله عندك فلاتهتم بها ,, وهي انه الناس مازالت تنظر الى الهايلوكس والوانيتات عموما نظره مختلفه عن السيارات الاخرى انا عن نفسي ناوي وعندي سياره ثانيه اما في حالة انه ماعندك مشكله في هذه النقطه فالهايلوكس اكيد ومبروك مقدما

السلام عليكم


أول شي انت جبت سيارتين مختلفتين وحده بيك اب و وحدة جيب

اذا تحب تحمل او تشتغل عليها و تتنقل انت و الأهل خذ هايلكس بس انا أقلك شوف ايسوزو ديماكس بمحرك 3.0 لتر غمارتين بــ70 الف , طبعا الديزل عزمه قوي و اذا تبغى اتوماتيك تراه مافيه فرق بالعزم بين القير العادي و الأوتوماتيك بل إن الاوتوماتيك عزمه أقوى بفرق بسيط عن القير العادي و تراه مريح لا تحسبه مثل الهايلكس تنقز ( مع إحترامي لجودة الهايلكس ) و أنا عندي طبعا ايسوزو و هو أريح من الهايلوكس بكثير بس لأنه محرك ديزل أغير السيفون بــ80 ريال! و أعبي الزيت حوالي 8 لترات! بس وقود الديزل رخيص لكن سمعت إن صيانة محركات الديزل أعلى تكلفة من محركات البنزين بس الحمد لله انا ما صار لي خراب و لا يهمك الشكل أهم شي المواصفات و الجودة يعني اذا واحد عيب في شكل الهايلكس و قال شكلها غريب ما عليك منه


أما اذا تبغى راحة الجيب فإني انصحك أبعد عن الــJeep لأن قطع غياره غالية جداً و إذا فكرت بتبيعه ما أحد بيشتريه منك بسعر كويس و أنا حذرتك لأن معي جيب قراند شيروكي و سلخني بقطع غياره
و اذا تبغى جيب ثاني شوف الفورتنر من تويوتا زي ما قالولك الأخوان أحسن لك بس خذ محرك 6 سلندر أحسن من 4 سلندر بس مدري تقدر تدفع 105 الف؟

هذا الي عندي

للرفع عشان الاستفاده

اول موضوعك حلو انا كراي الشخصي الهايلكس احسن ومافيها خرابات واقوى

وعليكم السلام اخوي صالح

الفورشنر اسمع من الناس انه سيء جدا ومكينته ضعيفه
واعتقد انها هي مكينه الهيلوكس .. مادري وش رايك ياخوي وهل انت مجربه

وبكم سعرة الفوشنر ؟

شكرا لك يالغالي

السلام عليكم

الهايلوكس الصراحة خايييييس من برة ومن جوة

والجيب زي النوعية هذه احس بتكون خسران عليها اكثر من مستفيد

لي سيارتين في بالي حوض

ايسوزو ديماكس الجديد مع الفيبر الي زي الأسكاليد الحوض

ولا نيسان نفار الجديد

واحد من الأثنين صدقني بيعجبوك اكثر

الأخير انا عاجبني بقوة والله

لأنه مقدمته حق الباثفيدنر الجديد

ومن داخل مايحتاج

والسلام عليكم

عن نفسي أختار الهايلكس لأني لا أثق بعملية jeep بتاتا :rolleyes:

انا بقولك الافضل لك ولزمن هي الهايلكس 2008 سوبر(الجي ال اكس ) عدلو فيها شوي غيرو الصدام وركبو بالمسجل سيدي وكاسيت ويكون سعرها 68 او 67 الف لكن موتر يجيك فيه اكياس هوائيه بعد سنتين يجبلك قيمه حلوه جدا مع احتامي للشيروكي المعروف بالقوه و

اخوي ما إلك غير الهايلكس هوا الأحسن لك عائليا وكل شي
اما إذا بدك للتشخيص والفرجو ما إلك غير الشروكي
بس الهايلكس هو الأحسن اخوي

أشوف الهايلكس أفضل يكفي أنك تاخذه وكالة على يدك ..

السلام عليكم

زود فلوسك شوي وخذ فورنتشر وتكسب الاثنين جودة الهايلوكس وراحة الجيب

مشكور يالغالي .. تحياتي لك



مشكور يالغالي .. الهيلوكس والله معجبني ومعروف بتحملة وقوته وماعليه غبار ..
وايضا الشيروكي معجبني رغم بعض سلبياته كارتفاع سعر قطع الغيار

الا بسألك كم وصل سعر الهيلوكس فل كامل مع الدبل 2008

تحياتي لك

فك موتر جديد بريحة الوكاله ,, والهايلكس ماهنا أحسن منه صار لكل شي ..

وموفرينه الحين بقير أوتو والسنه الجايه 6 سلندر !!

بالعكس..... انا قلت لك الهايلكس هي الإختيار الأمثل في كل شي ما عدا الشكل و إن كان الشكل مسألة ذوق

أما الشغلة الثانية و هي وجود صف ثاني للمقاعد فإذا تباخذ غمارتين فالمسألة إنحلت

يعطيك العافيه

بس ياخوي الهايلوكس الان جميلة الشكل واذا صارت غمارتين تصلح للاهل

انت اعتمدت على الشكل واهملت الامور الي انا ابيها ..

تحياتي لك