يا أهل الدودج..أفتوني في الدورانقو!!

كيفكم ياربع الامريكي كله..
الحمدلله..اتم علينا ربي النعمة وسكنا بيتنا الجديد الله يجعله سكن مبارك..
بعد السكن تعرفون أوضاع اللي يبني كيف..اقساط وبلاوي وربكم ييسر ويسهل..
المهم..فكرنا نشتري سيارة عائلية متوسطة بدل الاكسكيرجن اللي كان آخر ضحايا العمارة الجديدة..
وبعد لف ودوران وفرفرة في الوكالات..كانت السيارة الوحيدة التي تلبي طلباتنا ونجد فيها المواصفات المناسبة والسعر المعقول كذلك..هي الدودج دورانقو..عليه عروض هائلة وتنزيلات تزيد عن عشرين الف..
احنا راح نشتريه بطريقة التأجير المنتهي بالتمليك..وبيكون ربطه شوي لكن الله يعين..
فما نبغى نتورط فيه تأجير وفي الأخير تطلع السيارة تعبانة وتنكد عيشتنا بدل ما تسعدها..
المشكلة ما فيه خيارات غيره- بالعربي- تتأقلم مع المدخول الشهري وحجم الأقساط بالمواصفات الهائلة اللي يتمتع بها..
وكل اللي أبغاه منكم انكم تفيدوني في عملية السيارة وجدواها في الخطوط الطويلة وداخل البلد من ناحية قلة المشاكل والأعطال..لأن سمعة الدودج تعبانة على الرغم من نجاح أسطورته الشارجر..
وهل تفيدني في البر مع الرمل الخفيف لأن السيارة عائلية أكثر من كونها للتطعيس..
طلبي لكم مستعجل جدا لأني بكرة الأحد راح أروح للوكالة لإتمام بقية الأوراق..وتقديم الطلب
وتقبلوا فائق تقديري واحترامي..