هذا طول الله بعمرك فرع ابها على طريق ابها خميس مشيط عند كوبري المطار
هذا الفرع بالذات هم الي صار لنا موقف معهم وفرصة من خلال موضوعك اطلع الي بداخل حسبي الله عليهم
هو اساساً كان العامر للسيارات والعامر موزع للتوكيلات وليس وكيل معتمد
ندخل في موضوع الغش
طبعاُ صالة العرض هي "التوكيلات العالمية للسيارت" اما الصيانة فهو العامر وقتها الكلام هذا قبل فترة كان عندنا جمس قبل الجمس الي معانا الحين
كان نحس فيه مشكله في القير بعد الغيار الثالث اذا صار بيغير للرابعة تحس انه يطول وما يغير على طول وفيه حنه شوي
وديناه للتوكيلات على طريق ابها خميس مشيط ايام اجازة صيفية دخلناه الصيانة وكان قسم الصيانة زي ماذكرت لكم العامر وليست التوكيلات ولكنهم شركاء في النصب والاحتيال
قالوا طبعا يحتاج نغير الحساسات "سيارة جديدة وتغيير حساسات :rolleyes: " يالله مشي يمكن ممكن سوء استخدام بعد مادخلت السيارة للصيانه وجلست عندهم كم يوم مابغت تطلع رحنا نستلمها الاو وفاتورة بمبلغ وقدرة .....
خير وش السالفة قال الموظف غيرنا الحساسات حقت القير وبرضوا الرديتر فيه ثقب وما يتلحم فاظطرينا انا نغيره قلنا ماشي والوالد ماشاء الله عليه حريص قال عطوني الرديتر القديم ما اطلع من هنا الاو وهو معي وبعد ملاقط اخذناه
وتمر الايام الا وحرارة السيارة تطلع فوق النص وتوصل الاتش احيانا الله يرضى على اول كانت على النص لاتزيد ولاتنقص
ولما رجعنا لجدة بعدها بفترة طويلة الوضع مزري وديناه صناعية النزهه واقرب ورشة شافه المختص وقال هذا رديتر
تقليد وماهو اصلي . عيال الكلب مغيرينه ومافيه شئ وحاطين تقليد بقيمة الاصلي ويقول حتى اذا كان فيه ثقب تقدر تلحمه ويمشي الحال احسن من انك تغيره .... هذا مايخص الرديتر
اما القير بعد ماتبين لنا اثاريه شئ طبيعي وانت مشغل المكيف يصير هذا الشئ واذا طفيته يرجع الوضع عادي والظاهر انهم لاغيروا حساسات ولاشئ لان الموتر زي ماهو ملحظنا فيه بعد الصيانة اي اختلاف
هذا والله العظيم الي صار معانا والى يومك الوالد كارهم ودايم يدعي عليهم
والظاهر ان التوكيلات بعد ما اخذت شهرة وشافت الناس يتجهون لها بدت تستغلهم
لاخوف من الله ولامرعاة لاحوال الناس وللاسف كل الوكلات كذا كل وكيل يقول الزود عندي هذا يرفع وهذا يكبس
المشكلة ان كررنا الغلطة وشرينا مره ثانية من عندهم لكن شئ اسمه صيانة في الوكالة انسسسسسس الله يخلي الورش ونصبهم على الاقل بنصبون على خفيف اما الوكالات عيار ثقيل
هذا ماحصل لنا معهم
وهذا الاخ
انجل99 يذكر لنا معاناته معهم واكيد فيه الكثير الكثير الي انضحك عليهم من الوكالات
